សន្តិសុខ - ការពារប្រទេស ការពារប្រទេស

15/08/2023 - 11:00

សកម្មភាពជាក់ស្តែងរបស់យុវជនការពារព្រំដែន

យុវជនកងទ័ពការពារព្រំដែនខេត្តសុកត្រាំង បានពង្រីកតួនាទីឈានមុខ ក្លៀវក្លា និងជាគំរូក្នុងសកម្មភាពចលនាយុវជន រួមចំណែកអនុវត្តជោគជ័យនូវភារកិច្ចការពារអធិបតេយ្យ សន្តិសុខព្រំដែនរបស់ខេត្ត។

វរសេនីយ៍ត្រី ហ្វិញណែត បង្រៀនអក្សរខ្មែរដល់សិស្សក្នុងរដូវវិស្សមកាលនៅអង្គភាព។

កម្មាភិបាលការពារព្រំដែនមកពិនិត្យជំងឺ និងជូនឱសថដល់អ្នកមានវ័យចំណាស់គ្មានទីពឹង។

លេខាសាខាសម្ព័ន្ធយុវជនប៉ុស្តិ៍ការពារព្រំដែនឡាយហ្វា លោកហ្វិញលីតឿង ជូនអំណោយដល់អ្នកមានវ័យចំណាស់គ្មានទីពឹង។

យុវជនកងទ័ពការពារព្រំដែនខេត្ត ផ្សព្វផ្សាយអនុវត្តនូវទម្រង់ជាច្រើនសម្រេចបានលទ្ធផលជាក់ស្តែង មានដូច៖ ទម្រង់ “ម៉ោង រៀននៅជាយដែន”; “ខ្មាន់កេសាការពារព្រំដែន”; “ថ្នាក់បង្រៀនអក្សរខ្មែររដូវវិស្សមកាល”; “ផ្ទះតម្លៃ១០០ដុង”; “លើកស្ទួយដំណើរប្អូនទៅសាលា-កូនចិញ្ចឹមប៉ុស្តិ៍ការពារព្រំដែន”; ចលនា “យុវជនកងទ័ពការពារព្រំដែនលត់ដំអត្តចរិត ចំណេះវិជ្ជា ឈានមុខច្នៃប្រតិដ្ឋដើម្បីអធិបតេយ្យ ដែនដីសន្តិសុខព្រំដែនជាតិ ដំណាក់កាល ២០២២-២០២៧”។ល។ បង្កភាពសុសសាយយ៉ាងខ្លាំង បានរដ្ឋអំណាចប្រជាជនវាយតម្លៃខ្ពស់។ វរៈសេនីយ៍ត្រី ហ្វិញណែត ប្រធានកងប្រដាប់អាវុធនៃប៉ុស្តិ៍ការពារព្រំដែនឡាយហ្វា ទីរួមខេត្តវិញចូវ ឱ្យដឹង៖ “ថ្នាក់បង្រៀនអក្សរខែ្មររដូវវិស្សមកាល” មានអត្ថន័យដ៏សំខាន់ ជួយឱ្យកូនចៅខ្មែរថែរក្សាភាសា អក្សរសាស្រ្តរបស់ជនជាតិ ម្ល៉ោះហើយ ខ្ញុំតែងចុះទៅតាមភូមិស្រុកចលនាសិស្សចូលរៀន។ ខ្ញុំមានកិត្តិយសនិងត្រេកអរក្រៃលែង ពេលអង្គភាពចាត់រូបខ្ញុំឱ្យបង្រៀនអក្សរខ្មែរដល់ប្អូន២៩នាក់។ ឆ្លងតាមរយៈនោះ កាន់តែបង្កទំនាក់ទំនងផ្សារភ្ជាប់ ស្អិតល្មួតរវាងកងទ័ពនិងប្រជាជននៅតំបន់ព្រំដែនសមុទ្រថែមទៀត”។

អនុសេនីយ៍ឯក ហ្វិញលីតឿង ស្នងការនយោបាយរង លេខាសាខាសម្ព័ន្ធយុវជនប៉ុស្តិ៍ការពារព្រំដែនឡាយហ្វា ឱ្យដឹង៖ “សាខាសម្ព័ន្ធយុវជន បានកសាងទម្រង់ជាច្រើនជួយដល់មាមីង និងសិស្សក្រីក្រនៅកន្លែងដែលអង្គភាពទទួលបន្ទុក។ ក្នុងនោះ ទម្រង់ “ឆ្នោតមេត្តាធម៌” រៀងរាល់ថ្ងៃ ក្រោយពីលក់ឆ្នោតរួចនឹងដកប្រាក់ចំណេញដាក់ចូលជ្រូកដី ដើម្បីបង្កើតជាមូលនិធិ។ រៀងរាល់ខែ ដកមួយចំណែកដើម្បីទិញអង្ករ១០គីឡូក្រាម និងគ្រឿងឧបភោគបរិភោគសម្រាប់ឧបត្ថម្ភអ្នកមីងសើុងធីផាន។ ក្រៅពីនោះ ទម្រង់ “ខ្មាន់កេសាការពារព្រំដែន” បានកាត់សក់ដោយឥតគិតថ្លៃ ដល់សិស្សខ្មែរក្រីក្រជាច្រើននៅលើភូមិសាស្រ្តដែលអង្គភាពឈរជើងផងដែរ។ ផ្តើមពីទង្វើពោរពេញដោយអត្ថន័យនេះ ម្ល៉ោះហើយបានរដ្ឋអំណាចនិងប្រជាជនវាយតម្លៃខ្ពស់ រួមចំណែករឹតបន្តឹងមនោសញ្ចេតនាកងទ័ពនិងប្រជាជនថែមទៀត”។

តាមប្រសាសន៍លោកង្វៀងថេផុង ស្នងការនយោបាយរងនៃកងទ័ពការពារព្រំដែនខេត្តសុកត្រាំង យុវជនកងទ័ពការពារព្រំដែនខេត្ត អនុវត្តបានល្អនូវការការពារអធិបតេយ្យ សន្តិសុខព្រំដែនតំបន់សមុទ្រផង និងជំរុញនូវសកម្មភាពស្ម័គ្រចិត្តដើម្បីសហគមន៍ ដោយមានទម្រង់ជាច្រើនជួយដល់ប្រជាជននៅលើភូមិសាស្រ្តដែលអង្គភាពឈរជើងផង។ ពេលខាងមុខ កងទ័ពការពារព្រំដែនខេត្ត នឹងបង្កើនការឃោសនា អប់រំលើកកម្ពស់ការយល់ដឹង ការទទួលខុសត្រូវជូនកម្មាភិបាល សម្ព័ន្ធយុវជនអំពីភារកិច្ចគ្រប់គ្រង ការពារអធិបតេយ្យ សន្តិសុខព្រំដែនតំបន់សមុទ្ររបស់ខេត្ត; ចងសម្ព័ន្ធស្អិតល្មួតជាមួយនឹងអង្គការសម្ព័ន្ធយុវជនភូមិភាគនានា និងអង្គភាពដែលចងសម្ព័ន្ធភាពចាត់តាំងនូវសកម្មភាព ចលនាយុវជនមានអត្ថន័យជាក់ស្តែង បង្កភាពសុសសាយយ៉ាងខ្លាំងក្នុងអង្គភាព និងលើភូមិសាស្រ្តឈរជើង រួមចំណែកអនុវត្តជោគជ័យភារកិច្ចការពារអធិបតេយ្យ សន្តិសុខព្រំដែនជាតិក្នុងស្ថានភាពថ្មី៕

យ្វីអាញ - វិមាន

ចែករំលែកអត្ថបទ

ពាក្យគន្លឹះ