សន្តិសុខ - ការពារប្រទេស ការពារប្រទេស

10/07/2023 - 16:45

កងទ័ពការពារព្រំដែនខេត្តគៀងយ៉ាង អនុវត្តល្អភារកិច្ចការពារអធិបតេយ្យព្រំដែន កោះសមុទ្រ

គណៈកម្មាធិការបក្សកងទ័ពការពារព្រំដែនខេត្តគៀងយ៉ាង ទើបរៀបចំកិច្ចប្រជុំវាយតម្លៃលទ្ធផលដឹកនាំអនុវត្តភារកិច្ច ៦ ខែដើមឆ្នាំ និងដាក់ចេញទិសដៅ ភារកិច្ច ៦ ខែចុងឆ្នាំ ២០២៣។

ប៉ុស្តិ៍ការពារព្រំដែនថោចូវ (បញ្ជាការដ្ឋានកងទ័ពការពារព្រំដែនខេត្តគៀងយ៉ាង) ផ្សព្វផ្សាយបង្ការប្រឆាំងការទាញយកផលសមុទ្រខុសច្បាប់ IUU និងជូនទង់ជាតិ ឆាយាល័ក្ខណ៍អ៊ំហូដល់នេសាទករ។

រយៈពេល ៦ ខែដើមឆ្នាំ ២០២៣ គណៈកម្មាធិការបក្សកងទ័ពការពារព្រំដែនខេត្តគៀងយ៉ាង បានផ្តុំកម្លាំងដឹកនាំ ចង្អុលការបក្ខភាគអនុវត្តជោគជ័យភារកិច្ចគ្រប់គ្រង ការពារអធិបតេយ្យដែនដី សន្តិសុខព្រំដែន។ បង្កើនកិច្ចសហការជាមួយនឹងកងកម្លាំងនានា ចាត់តាំងដើរល្បាត ត្រួតពិនិត្យ បង្ការប្រឆាំងការឆ្លងដែនខុសច្បាប់ ការរត់ពន្ធនិងក្លែងបន្លំពាណិជ្ជកម្ម។ល។ យ៉ាងមានប្រសិទ្ធភាព បំផុតគឺការត្រួតពិនិត្យមធ្យោបាយទូក កប៉ាល់ចេញចូលកំពង់ផែ ឆ្លងកាត់ប៉មត្រួតពិនិត្យការពារព្រំដែន រួមចំណែកយ៉ាងមានប្រសិទ្ធភាពក្នុងការបង្ការ ប្រឆាំងការទាញយកផលសមុទ្រខុសច្បាប់ IUU។

ក្នុងការកសាងបក្ស គណៈកម្មាធិការបក្សកងទ័ពការពារព្រំដែនខេត្តគៀងយ៉ាង បានបញ្ជ្រាបផ្សព្វផ្សាយ អនុវត្តម៉ឺងម៉ាត់នូវគោលការណ៍របស់ថ្នាក់លើបានទាន់ពេល និងធ្វើឱ្យទៅជាកម្មវិធី វិធានការដឹកនាំ ចង្អុលការជិតដិតនឹងស្ថានភាពភារកិច្ចរបស់អង្គភាពជាដើម។

គណៈកម្មាធិការបក្សកងទ័ពការពារព្រំដែនខេត្តគៀងយ៉ាង ធ្វើសេនាធិការ សហការជាមួយនឹងគណៈកម្មាធិការបក្ស រដ្ឋអំណាច គណៈ ផ្នែក អង្គការមហាជនភូមិភាគនានា ជំរុញខ្លាំងក្លានូវសកម្មភាពខួបអនុស្សាវរីយ៍ ៦៥ ឆ្នាំ ទិវាប្រវេណីកងទ័ពការពារព្រំដែន ៣៥ ឆ្នាំទិវាការពារព្រំដែនទូទាំងប្រជាជន។ កសាងកម្មវិធី ទម្រង់ “ប្រជាចលនាប៉ិនប្រសប់” និងទម្រង់កាត់បន្ថយភាពក្រីក្រប្រកបដោយប្រសិទ្ធភាព និងជាក់ស្តែង។ សហការរៀបចំអនុវត្តមានប្រសិទ្ធភាពនូវគោលការណ៍កម្មាភិបាលប៉ុស្តិ៍ការពារព្រំដែន ចូលរួមជាមួយនឹងគណៈកម្មាធិការបក្សភូមិភាគ; បូកសរុបបណ្តោះអាសន្នលក្ខន្តិកៈ សហការរវាងគណៈកម្មាធិការបក្សកងទ័ពការពារព្រំដែនខេត្តគៀងយ៉ាង ជាមួយនឹងគណៈកម្មាធិការបក្សស្រុក ក្រុងព្រំដែន កោះ សមុទ្រចំនួន ១០ នៅឆ្នាំ ២០២៣។

កម្លាំងកងទ័ពការពារព្រំដែនខេត្តគៀងយ៉ាង បានប្រទះឃើញនិងចាប់ ១៩៧ ករណី ដោយមានមុខសញ្ញា ២២៨ រូប ដកហូត រក្សាទុកវត្ថុតាងបារីជាង ២០.០០០ កញ្ចប់; ចាប់និងដកហូតរក្សាទុកគ្រឿងញៀនចម្រុះជាច្រើនប្រភេទ ប្រភេទ MDMA ប្រភេទ Ketamin កាំភ្លើងយោធា ១ ដើម និងគ្រាប់កាំភ្លើង ៩ គ្រាប់; ប្រេងម៉ាស៊ូតប្រមាណ ១៩.០០០ លិត្រ ស្រាបរទេស ៤២ ដប ស្ករសប្រមាណ ៤៥.០០០ គីឡូក្រាម មធ្យោបាយ ៦ គ្រឿង គ្រីបអគ្គិសនី ១៧គ្រឿង និងទំនិញមានតម្លៃជាច្រើនទៀត។ល។ ពិន័យរដ្ឋបាល ១៧៥ ករណី ដោយមានមុខសញ្ញា ១៨២ រូប ពិន័យជាទឹកប្រាក់ជាង ១ ពាន់លានដុង។ ធ្វើបណ្តឹងបទល្មើសព្រហ្មទណ្ឌ ១០ ករណី គ្រឿងញៀន ៧ ករណី ឆ្លងដែន ៣ ករណីនិងប្រគល់មុខសញ្ញា ១១ នាក់ដល់ស្ថាប័ននគរបាលតាមសមត្ថកិច្ច៕

យោង៖ កាសែតគៀងយ៉ាង-វិមាន

ចែករំលែកអត្ថបទ

ពាក្យគន្លឹះ