គោលនយោបាយ -ការរស់នៅ ច្បាប់

10/07/2023 - 16:45

សេចក្តីកំណត់ថ្មីពាក់ព័ន្ធដល់អត្តសញ្ញាណប័ណ្ណពលរដ្ឋ

ចាប់ពីថ្ងៃទី ១ ខែកក្កដា រហូតដល់ដាច់ឆ្នាំ ២០២៣ ប្រាក់កម្រៃសេវាផ្តល់ជូនអត្តសញ្ញាណប័ណ្ណពលរដ្ឋ ស្មើនឹង ៥០% នៃកម្រិតយកប្រាក់ កម្រៃនាបច្ចុប្បន្ន។

 រូបថតជាឧទាហរណ៍។

ក្រសួងហិរញ្ញវត្ថុទើបប្រកាសឱ្យប្រើសារាចរលេខ ៤៤/២០២៣ កំណត់ពីកម្រិតនៃខ្ទង់ប្រាក់សោហ៊ុយ ប្រាក់កម្រៃមួយចំនួន ដើម្បីឧបត្ថម្ភប្រជាជននិងអាជីវកម្ម។

យោងតាមសារាចរ ចាប់ពីថ្ងៃទី ១ ខែកក្កដា រហូតដល់ដំណាច់ឆ្នាំ ២០២៣ ប្រាក់កម្រៃផ្តល់ជូនអត្តសញ្ញាណប័ណ្ណពលរដ្ឋស្មើនឹង ៥០% នៃកម្រិតប្រមូលប្រាក់កម្រៃដែលមានចែងត្រង់មាត្រាទី ៤ នៃសារាចរលេខ ៥៩/២០១៩/TT-BTC ស្តីពីកម្រិតប្រមូលកម្រៃរបបនៃការប្រមូលប្រាក់កម្រៃ ការបង់និងគ្រប់គ្រងប្រាក់កម្រៃផ្តល់អត្តសញ្ញាណប័ណ្ណពលរដ្ឋ។

ជាក់ស្តែង ចាប់ពីថ្ងៃទី ១ ខែកក្កដា ពលរដ្ឋប្តូរអត្តសញ្ញាណប័ណ្ណ ៩ លេខ អត្តសញ្ញាណប័ណ្ណ ១២លេខ មកអត្តសញ្ញាណប័ណ្ណពលរដ្ឋ នឹងបង់ប្រាក់កម្រៃដោយកម្រិត ១៥.០០០ ដុងក្នុងអត្តសញ្ញាណប័ណ្ណពលរដ្ឋមួយច្បាប់។

ប្តូរអត្តសញ្ញាណប័ណ្ណពលរដ្ឋដែលខូច មិនអាចប្រើប្រាស់បាន; ផ្លាស់ប្តូរព័ត៌មានអំពីគោត្តនាម នាមកណ្តាល ឈ្មោះ; លក្ខណៈសម្គាល់ភិនភាគ; កំណត់ភេទ និងស្រុកកំណើតឡើងវិញ; មានការខុសព័ត៌មានលើអត្តសញ្ញាណប័ណ្ណ; ពេលពលរដ្ឋមានតម្រូវការ៖ បង់ប្រាក់កម្រៃ ២៥.០០០ ដុងក្នុងអត្តសញ្ញាណប័ណ្ណពលរដ្ឋមួយច្បាប់។

ផ្តល់អត្តសញ្ញាណប័ណ្ណពលរដ្ឋឡើងវិញ ដោយសារបាត់ បានវិលមកចូលសញ្ជាតិវៀតណាម តាមសេចក្តីកំណត់នៃច្បាប់ស្តីពីសញ្ជាតិវៀតណាម៖ បង់ប្រាក់កម្រៃ ៣៥.០០០ ដុងក្នុងអត្តសញ្ញាណប័ណ្ណពលរដ្ឋមួយច្បាប់។

ប្រាក់កម្រៃផ្តល់អត្តសញ្ញាណប័ណ្ណពលរដ្ឋ បានកាត់បន្ថយ ៥០% ដើម្បីឧបត្ថម្ភដល់ប្រជាជន។

ក្រៅពីនោះ តាមសារាចរលេខ ៤៤ ប្រភេទសោហ៊ុយ ប្រាក់កម្រៃដទៃទៀតក៏បានកាត់បន្ថយដូចខាងក្រោម៖

- កាត់បន្ថយ ៣០% សោហ៊ុយទាញយក និងប្រើប្រាស់ទិន្នន័យអំពីបរិស្ថានកំណត់ត្រង់តារាងកម្រិតប្រមូលសោហ៊ុយទាញយកនិងប្រើប្រាស់ទិន្នន័យអំពីបរិស្ថាន ប្រកាសឱ្យប្រើអមជាមួយសារាចរលេខ ២២/២០២០/TT-BTC ។

-កាត់បន្ថយ ៥០% សោហ៊ុយពិនិត្យវាយតម្លៃ គម្រោងវិនិយោគកសាង កំណត់ត្រង់តារាង កម្រិតប្រមូលសោហ៊ុយពិនិត្យវាយតម្លៃគម្រោង វិនិយោគកសាង (សោហ៊ុយពិនិត្យវាយតម្លៃ របាយការណ៍ស្រាវជ្រាវដែលអាចយកទៅអនុវត្តវិនិយោគកសាងបាន ឬសោហ៊ុយពិនិត្យវាយតម្លៃរបាយការណ៍សេដ្ឋកិច្ច-បច្ចេកទេស) ប្រកាសឱ្យប្រើអមជាមួយសារាចរលេខ២៨/ ២០២៣/TT-BTC។

-កាត់បន្ថយ ២០% សោហ៊ុយទាញយកប្រើប្រាស់ប្រភពទឹក អាស្រ័យស្ថាប័នមជ្ឈិម អនុវត្តកំណត់ត្រង់តារាងប្រមូលសោហ៊ុយទាញយក ប្រើប្រាស់ប្រភពទឹក អាស្រ័យស្ថាប័នមជ្ឈិមអនុវត្តប្រកាសឱ្យប្រើអមជាមួយសារាចរលេខ ០១/២០២២/TT-BTC។

-កាត់បន្ថយ ៥០% ប្រាក់កម្រៃកម្មសិទ្ធិឧស្សាហកម្ម កំណត់ត្រង់ជំពូក A តារាងកម្រិតប្រមូលសោហ៊ុយ ប្រាក់កម្រៃកម្មសិទ្ធិឧស្សាហកម្ម ប្រកាសឱ្យប្រើអមជាមួយសារាចរលេខ ២៦៣/២០១៦/TT-BTC ជាដើម។

ចាប់ពីថ្ងៃទី០១ ខែ០១ ឆ្នាំ២០២៤ ឡើងទៅ កម្រិតប្រមូលខ្ទង់សោហ៊ុយ ប្រាក់កម្រៃកំណត់ត្រង់តារាងដែលបានលើកឡើងខាងលើនឹងអនុវត្តទៅតាមសេចក្តីកំណត់នៃសារាចរច្បាប់ដើម និងសារាចរធ្វើវិសោធនកម្មឬជំនួស (ប្រសិនបើមាន)។

សារាចរលេខ ៤៤/២០២៣ មានសុពលភាព ចាប់ពីថ្ងៃទី ១ ខែកក្កដា ឆ្នាំ ២០២៣៕

យោង៖ PLO-វិមាន

ចែករំលែកអត្ថបទ

ពាក្យគន្លឹះ