ព្រឹត្តិការណ៍ - នយោបាយ ព្រឹត្តិការណ៍

10/07/2023 - 16:45

បូកសរុបបណ្ដោះអាសន្ន ៣ ឆ្នាំអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ

គណៈចង្អុលការមជ្ឈិមនៃកម្មវិធីទិសដៅជាតិ ដំណាក់កាល ២០២១-២០២៥ និងគណៈកម្មាធិការជនជាតិ ទើបរៀបចំកិច្ចប្រជុំបូកសរុបបណ្ដោះអាសន្ន ៣ ឆ្នាំ លទ្ធផលនៃការអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ចាប់ពីឆ្នាំ ២០០១ ដល់ឆ្នាំ ២០២៣ (ហៅកាត់ថាកម្មវិធី) និងភារកិច្ច ដំណោះស្រាយសំខាន់ៗ ដំណាក់កាល ២០២៣-២០២៥ ។

ទិដ្ឋភាពនៃកិច្ចប្រជុំ។

យោងតាមគណៈកម្មាធិការជនជាតិ តំបន់ណាមបូរួមមាន ១៣ ខេត្ត ដោយមានឃុំចំនួន ៣០៨ ស្រូបអត្រាប្រមាណ ៩% នៃចំនួនឃុំ តំបន់ជនជាតិភាគតិចនិងតំបន់ភ្នំក្នុងទូទាំងប្រទេស ថ្វីដ្បិតដូច្នោះក្តី មានតែ ៨ ខេត្តប៉ុណ្ណោះ ដែលមានឃុំ ភូមិលំបាកខ្លាំង ស្រូបអត្រាប្រមាណ ៣,៦% ចំនួនឃុំដែលលំបាកខ្លាំង និង ២,៧% ភូមិលំបាកខ្លាំងក្នុងទូទាំងប្រទេសដោយមាន ៥៥ ឃុំ និង ៣៥៦ ភូមិ។ ដំណាក់កាល ២០២១-២០២៣ សរុបប្រភពទុនដែលបានបែងចែករបស់កម្មវិធីសម្រាប់ខេត្តនានានៅតំបន់ណាមបូជាង ២.២៧៧ ពាន់លានដុង ស្រូបអត្រាជាង ៥,៤% នៃប្រភពកម្លាំងសរុបទូទាំងកម្មវិធី។ ចាប់ពីផ្សព្វផ្សាយកម្មវិធីមកទល់ពេលនេះ មានឃុំ ភូមិលំបាកខ្លាំងជាច្រើន បានចាកផុតពីក្របខណ្ឌលំបាកខ្លាំង សន្សឹមៗសម្រេចជាស្ថាពរទិសដៅនៃការកសាងជនបទថ្មី មានភាពលំនឹងនិងអភិវឌ្ឍន៍។ ថ្វីដ្បិតដូច្នោះក្តី ជីវភាពរបស់ប្រជាជន ពិសេសគឺជនរួមជាតិភាគតិចដែលរស់នៅតំបន់ដាច់ស្រយាល តំបន់ជ្រាបទឹកប្រៃក៏នៅជួបការលំបាក មិនតិចនោះទេ។

ជាក់ស្តែងការផ្សព្វផ្សាយកម្មវិធី នៅខេត្តសុកត្រាំង អាងយ៉ាង បាកលីវ ហូវយ៉ាង ត្រាវិញ៘ នៅមានការលំបាក ជំពាក់ជំពិន ជាលក្ខណៈមូលដ្ឋានគ្រឹះ ដាច់ដោយឡែក ប៉ះពាល់ដល់ល្បឿនដំណើរការ និងប្រសិទ្ធភាពផ្សព្វផ្សាយអនុវត្តកម្មវិធីដំណាក់កាល ២០២១-២០២៣។ ដូច្នេះ ភូមិភាគនីមួយៗក៏បានស្នើឱ្យកែតម្រូវទិសដៅ ភាគកម្រិតនិងខ្លឹមសារនៃគម្រោង អនុគម្រោងសម្រាប់ដំណាក់កាលបន្តបន្ទាប់៘ ឱ្យបានសមស្របនឹងភាពជាក់ស្តែង។

រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន សំណូមពរដល់ភូមិភាគនានា ធ្វើការត្រួតពិនិត្យឱ្យបានហ្មត់ចត់ ដើម្បីមានរបាយការណ៍ត្រឹមត្រូវ ច្បាស់លាស់ លទ្ធផលពិតប្រាកដពីគម្រោងនីមួយៗ ក៏ដូចជាការជំពាក់ជំពិនដើម្បីគណៈកម្មាធិការជនជាតិ មានរបាយការណ៍សមស្របនឹងភាពជាក់ស្តែង និងត្រៀមសម្រាប់សន្និបាតទូទាំងប្រទេសនៅពេលខាងមុខ។ ផ្តើមពីនោះ ដាក់សំណើជូនរដ្ឋសភាអំពី គោលការណ៍និងទិសដៅនៃកម្មវិធីក្នុងកិច្ចប្រជុំខាងមុខ៕

ហាថាញ-លីសៀ

ចែករំលែកអត្ថបទ

ពាក្យគន្លឹះ