សន្តិសុខ - ការពារប្រទេស ការពារប្រទេស

08/05/2023 - 14:34

សកម្មផ្សព្វផ្សាយច្បាប់ដល់ប្រជាជននៅតំបន់ព្រំដែនសមុទ្រ

ច្រើនឆ្នាំកន្លង អង្គភាពនានានៃកងទ័ពការពារព្រំដែនខេត្តសុកត្រាំង តែងសកម្មឃោសនាផ្សព្វផ្សាយអប់រំច្បាប់ដល់ប្រជាជន បំផុតគឺជនជាតិភាគតិចនៅតំបន់ព្រំដែនសមុទ្រ រួមចំណែកកសាងរឹងមាំលើគ្រប់វិស័យនៅតំបន់ព្រំដែនសមុទ្រ។

កម្មាភិបាល យុទ្ធជនការពារព្រំដែនមកឃោសនា ផ្សព្វផ្សាយអប់រំច្បាប់ដល់ប្រជាជនគ្រប់គ្រួសារ។

កម្មាភិបាលយុទ្ធជនការពារព្រំដែន ផ្គួបបញ្ចូលការផ្សព្វផ្សាយក្នុងកិច្ចប្រជុំ។

ឆ្នាំ ២០២២ អង្គភាពនានានៃកងទ័ពការពារព្រំដែនខេត្តសុកត្រាំង បានម្ចាស់ការសហការជាមួយគណៈកម្មាធិការបក្ស រដ្ឋអំណាច និងអង្គការមហាជនឃុំ សង្កាត់ ទីប្រជុំជននៅតំបន់ព្រំដែន រៀបចំផ្សព្វផ្សាយបាន ៣៤ លើក មានកម្មាភិបាលប្រជាជនចូលរួម ២.៨៧៥ លើកនាក់; ផ្សព្វផ្សាយរាត់រាយដល់ប្រជាជនបាន ២.៨១១ លើកគ្រួសារ; ផ្សព្វផ្សាយដោយទម្រង់ “ឧគ្ឃោសនាស័ព្ទការពារព្រំដែន” បាន ៦៥ លើក; និងចែកចាយខិត្តបណ្ណដល់ប្រជាជនជាង ៥.០០០ សន្លឹក។ល។ ក្រៅពីនោះ ជាមួយនឹងទិសស្លោក “ចុះទៅគ្រប់ច្រកល្ហក គ្រប់គ្រួសារ” កម្មាភិបាលការពារព្រំដែនម្ចាស់ការរៀបចំក្រុម កងការងារចុះទៅដល់ផ្ទះប្រជាជន ដើម្បីផ្សព្វផ្សាយពីគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋជាដើម។ លោកស្រីផាងធ្វីមឹង លេខាសាខាបក្សភូមិឈូងធំ ឃុំឡាយហ្វា ទីរួមខេត្តវិញចូវ ឱ្យដឹង៖ “កម្មាភិបាលការពារព្រំដែន តែងរួមជាមួយនឹងបក្ខជនក្នុងសាខាបក្សឃោសនា ផ្សព្វផ្សាយអប់រំច្បាប់ ម្ល៉ោះហើយ មាមីងខ្មែរមានការយល់ដឹងពីគោលការណ៍ គោលមាគ៌ារបស់បក្ស គោលនយោបាយជនជាតិរបស់រដ្ឋ ដែលកំពុងផ្សព្វផ្សាយអនុវត្ត។ ផ្តើមពីនោះ មាមីងខ្មែរបានយល់ដឹងច្រើនអំពីច្បាប់ ជឿទុកចិត្ត និងអនុវត្តបានល្អ មិនធ្វើអ្វីខុសច្បាប់ ដើម្បីរួមជាមួយនឹងកងទ័ពការពារព្រំដែន ការពារសន្តិសុខសណ្តាប់ធ្នាប់នៅភូមិភាគ”។ បងស្រីថាច់ធីសាវង់ នៅភូមិអូវថ A ឃុំវិញហាយ ទីរួមខេត្តវិញចូវ ឱ្យដឹង៖ “កម្មាភិបាលការពារព្រំដែន តែងចុះមកដល់ផ្ទះឃោសនា ផ្សព្វផ្សាយអប់រំច្បាប់ ជួយឱ្យខ្ញុំបានយល់ដឹងច្រើន។ ផ្តើមពីនោះ ខ្ញុំសង្កេតឃើញថា យើងត្រូវតែមានភារកិច្ចអប់រំកូនចៅឱ្យចាកឆ្ងាយពីបាបគ្រោះសង្គម ព្រួតដៃជាមួយនឹងកងទ័ពការពារព្រំដែន ការពាររឹងមាំនៅតំបន់សមុទ្រ។ ក្រៅពីនោះ កម្មាភិបាលការពារព្រំដែននៅទាំងជួយខ្ញុំឱ្យមានផ្ទះសម្បែងត្រឹមត្រូវ ឧបត្ថម្ភបុលទុនដើម្បីលក់ដូរជាលក្ខណៈគ្រួសារ។ អាស្រ័យលក់ដូរមានប្រសិទ្ធភាព ហេតុនោះទើបជីវភាពបានធូរធារឡើង បានចាកផុតពីភាពក្រីក្រ ម្ល៉ោះហើយ ខ្ញុំអរគុណនិងដឹងគុណដល់ក្មួយៗកងទ័ពការពារព្រំដែនខ្លាំងណាស់”។

តាមប្រសាសន៍វរសេនីយ៍ឯក ង្វៀងត្រេវមេន ស្នងការនយោបាយនៃកងទ័ពការពារព្រំដែនខេត្តសុកត្រាំង គ្រប់ប៉ុស្តិ៍ការពារព្រំដែនតែងច្បាមខ្ជាប់ផែនការកិច្ចចង្អុលការ ណែនាំរបស់ថ្នាក់លើ សកម្មស្រាវជ្រាវចងក្រងនូវខ្លឹមសារសំខាន់ៗរបស់ច្បាប់មានរបៀបរៀបរយ ដើម្បីចាត់តាំងឃោសនា ផ្សព្វផ្សាយ ជួយឱ្យប្រជាជនងាយយល់ ងាយចាំ។ ផ្តើមពីនោះ ជនរួមជាតិខ្មែរ ព្រួតដៃអនុវត្តល្អនូវចលនា “ទូទាំងប្រជាជនចូលរួមការពារអធិបតេយ្យដែនដី សន្តិសុខព្រំដែនជាតិក្នុងស្ថានភាពថ្មី”; ម្ចាស់ការផ្តល់ប្រភពដំណឹងដ៏មានតម្លៃជូនកងទ័ពការពារព្រំដែន ក្នុងការតស៊ូបង្ការប្រឆាំងឧក្រិដ្ឋកម្ម រួមចំណែករក្សាលំនឹងសន្តិសុខនយោបាយ សណ្តាប់ធ្នាប់ សុវត្ថិភាពសង្គមនៅតំបន់ព្រំដែនសមុទ្រ”៕

លីធាន-វិមាន

ចែករំលែកអត្ថបទ

ពាក្យគន្លឹះ