ព្រឹត្តិការណ៍ - នយោបាយ ព្រឹត្តិការណ៍

08/05/2023 - 14:34

សមិទ្ធផលកសិកម្មរបស់វៀតណាមបំផុសគំនិតយ៉ាងខ្លាំងក្លាលើប្រទេសជាច្រើន

នៅខុទ្ទកាល័យរដ្ឋាភិបាល នាយករដ្ឋមន្ត្រី ផាមមិញជិញ បានទទួលជួបគណៈប្រតិភូថ្នាក់ដឹកនាំក្រសួងកសិកម្មប្រទេសនានាដែលចូលរួមសន្និសីទសកលលើកទី ៤ ប្រព័ន្ធស្បៀងអាហារ ប្រកបដោយនិរន្តរភាព (SFS) ក្រោមប្រធានបទ “ផ្លាស់ប្ដូរប្រព័ន្ធស្បៀងអាហារប្រកបដោយនិរន្តរភាព សមស្របនឹងការប្រែប្រួលអាកាសធាតុនិងគ្របដណ្តប់ក្នុងបរិបទវិបត្តិថ្មី”។

នាយករដ្ឋមន្ត្រី ផាមមិញជិញ និងថ្នាក់ដឹកនាំក្រសួងកសិកម្មប្រទេសនានាចូលរួមសន្និសីទសកលលើកទី ៤ ប្រព័ន្ធស្បៀងអាហារប្រកបដោយនិរន្តរភាព។ រូប៖ VGP/ ញ៉ឹកបាក់

នាយករដ្ឋមន្ត្រីផាមមិញជិញ ថ្លែងអំណរគុណចំពោះការឧបត្ថម្ភដ៏ឧត្តុង្គឧត្តមនិងសហប្រតិបត្តិការដែលមានប្រសិទ្ធភាពពីសហគមន៍អន្តរជាតិ ពិសេសអំពីដើមទុន បច្ចេកវិទ្យា បទពិសោធន៍ គ្រប់គ្រងចំពោះផ្នែកកសិកម្មវៀតណាម។ ម្យ៉ាងទៀត រដ្ឋាភិបាលវៀតណាមបានដាក់ឱ្យប្រើប្រាស់ “ផែនការនយោបាយជាតិផ្លាស់ប្ដូរប្រព័ន្ធស្បៀងអាហារប្រកបដោយតម្លាភាព ទទួលខុសត្រូវជានិរន្តរភាពនៅវៀតណាមដល់ឆ្នាំ ២០៣០”; ត្រៀមលក្ខណៈរួមជាមួយប្រទេសនានាបើកចំហសហប្រតិបត្តិការក្នុងការស្រាវជ្រាវ កសាងគោលនយោបាយនិងជំរុញការបើកពង្រីករាល់ទម្រង់ផ្លាស់ប្ដូរប្រព័ន្ធស្បៀងអាហារតាមទិសដៅបៃតង ជិតដិតនឹងបរិស្ថាន តិចមានការបំភាយនិងនិរន្តរភាព; ដោយធានាសន្តិសុខស្បៀង សម្រាប់ប្រជាជនវៀតណាម រួមចំណែកជាក់ស្តែងធានាសន្តិសុខស្បៀងសម្រាប់ពិភពលោក៘

ថ្នាក់ដឹកនាំបណ្តាក្រសួងកសិកម្មសម្តែងការចាប់អារម្មណ៍ និងវាយតម្លៃខ្ពស់ចំពោះការខិតខំប្រឹងប្រែង ព្រមទាំងសមិទ្ធផលនិងមេរៀនបទពិសោធន៍ដែលបំផុសគំនិតយ៉ាងខ្លាំងក្លារបស់វៀតណាម ក្នុងការតស៊ូដណ្ដើមឯករាជ្យ ឯកភាពទឹកដី អភិវឌ្ឍសេដ្ឋកិច្ច-សង្គមនិយាយរួមនិងក្នុងវិស័យកសិកម្ម ធានាសន្តិសុខស្បៀងនិយាយដោយឡែក រួមចំណែកលុបបំបាត់ភាពអត់ឃ្លាន កាត់បន្ថយភាពក្រីក្រ លើកកម្ពស់ជីវភាពប្រជាជន ហើយក្លាយជាប្រទេសមួយដែលនាំចេញស្បៀងអាហារធំជាងគេលើពិភពលោក អះអាងពីតួនាទីក្នុងសង្វាក់ផលិតកម្មនិងផ្គត់ផ្គង់ស្បៀងអាហារទូទាំងសាកល ដោយបញ្ជាក់ថា នេះគឺជាក្តីសង្ឃឹមនៃប្រទេសជាច្រើន ពិសេសបណ្តាប្រទេសទ្វីបអាហ្វ្រិក។ ដូច្នេះថ្នាក់ដឹកនាំក្រសួងកសិកម្មប្រទេសនានាឱ្យដឹង នឹងធ្វើសេចក្តីរាយការណ៍ជូនថ្នាក់ដឹកនាំប្រទេសនានាដើម្បីជំរុញសហប្រតិបត្តិការ ដោយសង្ឃឹមថាវៀតណាមនឹងបញ្ជូនអ្នកឯកទេស ធ្វើការចែករំលែកបទពិសោធន៍ សហប្រតិបត្តិការក្នុងការធានាសន្តិសុខស្បៀងអាហារនិយាយដោយឡែក អភិវឌ្ឍកសិកម្មនិយាយរួម ជាពិសេសក្នុងវិស័យស្រូវអង្ករ កាហ្វេ និងជលផល៘៕

យោង៖ កាសែតអេឡិចត្រូនិករដ្ឋាភិបាល ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ