វប្បធម៌-សិល្បៈ វប្បធម៌

01/05/2023 - 06:32

រួមចំណែកអភិរក្សតម្លៃវប្បធម៌ប្រពៃណី

ក្រុមសិល្បៈខ្មែរខេត្តកាម៉ាវ ខិតខំប្រឹងប្រែងដោយឥតឈប់ឈរ ដើម្បីរួមចំណែកអភិរក្សនិងពង្រីកតម្លៃវប្បធម៌ប្រពៃណីរបស់ជនរួមជាតិខ្មែរណាមបូ។

សិល្បករ-ការិនីក្រុមសិល្បៈខ្មែរខេត្តកាម៉ាវ កំពុងហាត់សមឈុត
ចម្រៀងរបាំស្ងើចសរសើរអ៊ំហូ។

លោកហូវទ្រុង ប្រធានក្រុមសិល្បៈខ្មែរខេត្តកាម៉ាវ ឱ្យដឹង៖ រយៈពេលកន្លង ក្រុមបានជំនួយនិងចូលរួមជាមួយនឹងផ្នែកវប្បធម៌ខេត្តកសាង និងឈានដល់ការទទួលស្គាល់វង់ភ្លេងស្គរធំរបស់ជនជាតិខ្មែរនៅស្រុកថើយប៊ិញ ខេត្តកាម៉ាវ ក្លាយជាបេតិកភណ្ឌអរូបីថ្នាក់ជាតិ។ ក្រុមបានចងក្រងក្បាច់របាំ ដូច៖ របាំដាក់បង្គងឃ្មុំរបាំបាខៀរ ស្ទូងស្រូវ វេចនំ នេសាទត្រី...។ល។ ពិសេស ក្រុមក៏បានស្រាវជ្រាវចងក្រងឈុតសម្តែងខ្លីៗដើម្បីឃោសនា លើកកម្ពស់ស្មារតីរបស់ជនរួមជាតិខ្មែររស់នៅ និងធ្វើតាមមាគ៌ា គោលការណ៍របស់បក្ស គោលនយោបាយ ច្បាប់របស់រដ្ឋ។ រាល់ឈុតសម្ដែងទាំងនេះមានការរួមបញ្ចូលចម្រុះគ្នារវាងបទភ្លេង ក្បាច់រាំប្រពៃណីជាមួយនឹងបទភ្លេង ក្បាច់រាំសម័យទំនើប ដោយមានភាពទាក់ទាញយ៉ាងខ្លាំង។ “បធានបទនៃឈុតសម្តែងដែលយើងខ្ញុំជ្រើសរើសហាត់សមមានភាពជិតដិតនឹងជីវភាពប្រចាំថ្ងៃរបស់ជនរួមជាតិខ្មែរ ដូច្នេះ តែងបានជនរួមជាតិខ្មែរគាំទ្រយ៉ាងអស់ពីចិត្តពេលសម្ដែងម្ដងៗ។ ជាពិសេស ឈុតសម្តែងជាច្រើននៅទាំងទទួលបានរង្វាន់ខ្ពស់នៅក្នុងពិធីប្រឡងទិវាវប្បធម៌និងសមោសរសិល្បៈមហាជន។ល។” - លោកហូវទ្រុង បានចែករំលែកដូច្នេះ។

សមាជិកក្រុមសិល្បៈខ្មែរខេត្តកាម៉ាវ បង្រៀនសិស្សសាលាពីក្បាច់រាំមូលដ្ឋាន
របស់ជនជាតិខ្មែរ។

ក្រុមសិល្បៈខ្មែរខេត្តកាម៉ាវ បានបង្កើតនៅឆ្នាំ ២០០៥ ដោយយកឈ្មោះថា ក្រុមឃោសនាការសិល្បៈ។ ឆ្នាំ ២០១៦ ក្រុមឃោសនាការសិល្បៈបានបង្កើនកម្រិតទៅជាក្រុមសិល្បៈខ្មែរខេត្តកាម៉ាវ។ ទោះបីនៅជួបការលំបាកជាច្រើនក៏ដោយ ប៉ុន្តែជាមួយនឹងចំណង់ចំណូលចិត្ត និងការស្រឡាញ់អាជីព សមូហភាពក្រុមសិល្បៈខ្មែរខេត្តកាម៉ាវ សព្វថ្ងៃនេះមានជំហររឹងមាំក្នុងចិត្តមហាជន។ “បច្ចុប្បន្ន យើងខ្ញុំមានកាលបរិច្ឆេទសម្ដែងជាប្រចាំ ដោយចេញទៅសម្ដែងនៅតំបន់ឆ្ងាយដាច់ស្រយាល តំបន់មានជនរួមជាតិខ្មែររស់នៅកុះករ បំផុតគឺនៅឱកាសថ្ងៃបុណ្យទានរបស់ជនរួមជាតិខ្មែរ ដូចជា៖ បុណ្យចូលឆ្នាំថ្មី បុណ្យសែនដូនតា អកអំបុកសំពះព្រះខែ។ល។ ទន្ទឹមនឹងនោះ យើងខ្ញុំក៏បានចូលរួមសម្តែងដោះដូរជាមួយខេត្តនានា ដូចជា៖ ត្រាវិញ សុកត្រាំង បាកលីវ គៀងយ៉ាងជាដើម។ ក្រៅពីនេះ ក្រុមក៏ជាកម្លាំងស្នូលក្នុងការសម្ដែងដោះដូរបម្រើភ្ញៀវពីព្រះរាជាណាចក្រកម្ពុជាមកទស្សនាកម្សាន្ត និងធ្វើការនៅខេត្តកាម៉ាវ”-លោកហូវទ្រុង បានចែករំលែកដូច្នេះ។

មិនត្រឹមតែនាំមកនូវក្បាច់រាំ បទចម្រៀង រយៈពេលកន្លងក្រុមសិល្បៈខ្មែរខេត្តកាម៉ាវ ក៏មានសកម្មភាពជាច្រើនចូលរួមគម្រោង “អភិរក្ស ពង្រីកតម្លៃសម្លៀកបំពាក់ប្រពៃណីរបស់ជនជាតិភាគតិចវៀតណាមក្នុងដំណាក់កាលបច្ចុប្បន្ន”។ តាមរយៈនោះ ឆ្នាំ ២០២២ ក្រុមសហការជាមួយនឹងអង្គភាពពាក់ព័ន្ធនានារៀបចំការណែនាំដល់សិស្សវិទ្យាល័យជនជាតិអន្តេវាសិកហូវញែម (ឃុំតឹងឡុក ស្រុកថើយប៊ិញ) វិទ្យាល័យជនជាតិអន្តេវាសិកយ័ញធីទឺយ (ឃុំខាញ់ប៊ិញតៃ ស្រុកត្រឹងវ៉ាន់ថើយ) និងប្រជាជនឃុំតឹងឡុក ឃុំហោធីគៃ ស្រុកថើយប៊ិញ បាន ៦៣ លើក; វត្តមុនីវង្សា សង្កាត់ ១ ក្រុងកាម៉ាវ និងនៅតាមសាលាទាននានាក្នុងខេត្ត ពីការស្លៀកពាក់សម្លៀកបំពាក់ប្រពៃណី សម្តែងបង្ហាញសម្លៀកបំពាក់ប្រពៃណីនិងបង្រៀនក្បាច់ រាំមូលដ្ឋានរបស់ជនជាតិខ្មែរ។ សកម្មភាពទាំងនេះបានរួមចំណែកអភិរក្សនិងពង្រីកតម្លៃដ៏ល្អប្រសើររបស់ជនរួមជាតិខ្មែរណាមបូ៕

ថាញឡុង-លេងមី

ចែករំលែកអត្ថបទ

ពាក្យគន្លឹះ