សុខភាព - អប់រំ អប់រំ

01/05/2023 - 06:32

ទម្រង់ " ៣ គ្រប់ " របស់វិទ្យាល័យហ្វាឡើយ

គណៈនាយកវិទ្យាល័យហ្វាឡើយ ស្រុកចូវថាញ់ ខេត្តត្រាវិញ បានចលនាសមូហភាព កម្មាភិបាល គ្រូបង្រៀន បុគ្គលិកនិងសប្បុរសជនអនុវត្តទម្រង់ “ ៣ គ្រប់” គឺ (គ្រប់ហូប គ្រប់ស្លៀកពាក់ គ្រប់សិក្ខូបករណ៍) សំដៅជួយសិស្សានុសិស្សដែលមានជីវភាពក្រលំបាកមានលក្ខណៈរៀនសូត្របានល្អប្រសើរ។

គណៈនាយកវិទ្យាល័យហ្វាឡើយ មកសួរសុខទុក្ខប្អូន ង្វៀងត្រឹងឡាងអាញ សិស្សថ្នាក់ទី ៦/១ មានជីវភាពក្រលំបាកនាឱកាសបុណ្យចូលឆ្នាំថ្មីវៀតណាមឆ្នាំ ២០២៣។

លោកគ្រូខាថាញលីម នាយកវិទ្យាល័យហ្វាឡើយ ឱ្យដឹង៖ “សាលាមានសិស្សជនជាតិភាគតិចរៀនសូត្រប្រមាណ ៥០%។ ក្រៅពីនេះ ចំនួនសិស្សកូនគ្រួសារក្រីក្រ គ្រួសារប្រកៀកបន្ទាត់ក្រមានប្រមាណ ១០០នាក់ ស្រូបអត្រា ១០% នៃចំនួនសិស្សរួមរបស់សាលា។ អាស្រ័យហេតុនោះ លក្ខណៈរៀនសូត្ររបស់ប្អូនៗនៅមានការលំបាកច្រើន។ ផ្តើមចេញពីបញ្ហាខាងលើ កាលពីខែឧសភា ឆ្នាំ ២០២២ វិទ្យាល័យហ្វាឡើយបានកសាងទម្រង់ “ ៣ គ្រប់” ជួយសិស្សានុសិស្សដែលកំពុង “ខ្វះហូប ខ្វះសម្លៀកបំពាក់ ខ្វះសិក្ខូបករណ៍” របស់សាលាមានលក្ខណៈបានរៀនសូត្របន្ត; បង្កការសាមគ្គីជិតស្និទ្ធរវាងគ្រូបង្រៀន និងសិស្ស។ ទន្ទឹមនឹងនោះ ជួយគណៈនាយកក្តាប់បានពីគោលបំណងរបស់សិស្សបានទាន់ពេល ដើម្បីគ្រប់គ្រងថ្នាក់រៀនបានល្អប្រសើរ”។

វិទ្យាល័យហ្វាឡើយ បូកសរុបឆ្នាំសិក្សា ២០២១-២០២២ និងជូនអំណោយដល់ប្អូនៗ
សិស្សានុសិស្សមានជីវភាពក្រលំបាក។

អនុវត្តទម្រង់ គណៈនាយកបានបំផុសចលនានិងអំពាវនាវការចូលរួមវិភាគទានរបស់កម្មាភិបាល គ្រូបង្រៀន បុគ្គលិកក្នុងសាលា ព្រមទាំងចលនាការរួមវិភាគទានរបស់សប្បុរសជនសម្រាប់មូលនិធិនេះ។ ក្នុងមួយខែ គ្រូបង្រៀនរបស់សាលាស្ម័គ្រចិត្តរួមវិភាគទានយ៉ាងហោចណាស់ ២០.០០០ ដុង/ម្នាក់ ហើយត្រូវបានប្រកាសជាសាធារណៈក្នុងពេលប្រជុំក្រុមប្រឹក្សាគរុកោសល្យរៀងរាល់ខែ។ ឆ្លងតាមរយៈនោះ សាលាបានត្រួតពិនិត្យភាពជាក់ស្តែងដោយសួរសុខទុក្ខគ្រួសារសិស្សក្រលំបាកក្នុងថ្នាក់រៀន ដើម្បីស្វែងយល់ រាយការណ៍ពីករណីសិស្សដែលខ្វះហូប ខ្វះសម្លៀកបំពាក់ ខ្វះសិក្ខូបករណ៍។ល។ រួចធ្វើបញ្ជីឈ្មោះ ហើយស្នើគណៈនាយកត្រួតពិនិត្យជួយឧបត្ថម្ភ។ ចាប់ពីឆ្នាំសិក្សា ២០២១-២០២២ មកទល់ពេលនេះ សាលាចលនាបានទឹកប្រាក់និងសម្ភារៈគិតជាតម្លៃទឹកប្រាក់សរុបជិត ១៦ លានដុង ឧបត្ថម្ភសិស្សក្រលំបាករបស់សាលាចំនួន ៧២ លើកនាក់ រួមចំណែកកាត់បន្ថយអត្រាសិស្សបោះបង់ការរៀនសូត្រពាក់កណ្តាលការរៀងរាល់ឆ្នាំជិត ១%។

ទង្វើរបស់សមូហភាពកម្មាភិបាល គ្រូបង្រៀន បុគ្គលិករបស់វិទ្យាល័យហ្វាឡើយ បានផ្តល់ទំនុកចិត្ត កម្លាំងចលករដើម្បីប្អូនៗរៀនសូត្របានល្អ មិនធ្វើឱ្យខកបំណងការខិតខំបង្ហាត់បង្រៀនរបស់លោកគ្រូអ្នកគ្រូ។ ទោះបីជាទម្រង់តូចតាចក៏ពិតមែន ប៉ុន្តែមានការរីកដុះដាលដើម្បីជួយប្អូនៗសិស្សានុសិស្សក្រលំបាក បន្តការរៀនសូត្រ ឈានឡើងក្នុងជីវភាព។ រយៈពេលខាងមុខ វិទ្យាល័យហ្វាឡើយនឹងបន្តពង្រីកទូលំទូលាយទម្រង់នេះ៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ