គោលនយោបាយ -ការរស់នៅ ច្បាប់

03/04/2023 - 14:41

គោលនយោបាយថ្មីមានសុពលភាពចាប់ពីថ្ងៃ ២០/៣/២០២៣កែខ្ទង់ថវិកាបំពាក់បំប៉នកម្មាភិបាល អ្នករដ្ឋការ

សារាចរណ៍លេខ ០៦/២០២៣/TT-BTC វិសោធនកម្មខ្លឹមសារមួយចំនួនស្តីពីគម្រោងថវិកា គ្រប់គ្រង ប្រើប្រាស់និងទូទាត់ថវិកាសម្រាប់ការងារបណ្តុះបណ្តាល បំពាក់បំប៉នកម្មាភិបាល អ្នករដ្ឋការ បុគ្គលិកជាដើម។

 រូបថតជាឧទាហរណ៍។

ឆ្លងតាមរយៈនោះ រាល់ការចំណាយយោងតាមភាពជាក់ស្តែងបម្រើការផ្ទាល់ថ្នាក់បំពាក់បំប៉នកម្មាភិបាល អ្នករដ្ឋការ បុគ្គលិក រួមមានខ្ទង់ចំណាយដូច៖ ចំណាយលើការរៀបចំបង្កើតថ្មី ឬក៏ជួលប្រព័ន្ធអនុវត្តបច្ចេកវិទ្យាព័ត៌មាន; ចំណាយលើឯកសារឌីជីថល; ចំណាយទិញសម្ភារៈ វត្ថុធាតុដើមសម្រាប់អនុវត្ត។

មូលដ្ឋានបណ្តុះបណ្តាល បំពាក់បំប៉នឬស្ថាប័នរៀបចំថ្នាក់បណ្តុះបណ្តាល បំពាក់បំប៉នកម្មាភិបាល អ្នករដ្ឋការ បុគ្គលិក មានសិទ្ធិដកប្រើថវិកាជាអតិបរមាមិនលើសពី ១០%នៃថវិកាសរុបសម្រាប់ថ្នាក់នីមួយៗ ហើយត្រូវបានទូទាត់ក្នុងក្របខណ្ឌនៃប្រភពថវិកាបណ្តុះបណ្តាល បំពាក់បំប៉នដែលត្រូវរំសាយ ដើម្បីចំណាយលើសកម្មភាពគ្រប់គ្រងដោយផ្ទាល់ រាល់ថ្នាក់បំប៉ន។

ចំនួន ៤ ករណីដែលទាញយកផលប្រើប្រាស់ ធនធានទឹកត្រូវតែចុះឈ្មោះ

យោងតាមមាត្រា ១៧ អនុក្រឹត្យលេខ ០២/២០២៣/NĐ-CP, រាល់ករណីសំណង់ទាញយកផល ប្រើប្រាស់ធនធានទឹកត្រូវតែចុះឈ្មោះ រួមមាន៖

- ស្រះតម្កល់ទឹក ទំនប់បង្ខាំងទឹកដែលមានចំណុះចាប់ពី ០,០១-០,២ លានម៉ែត្រគុប ឬសំណង់ទាញយកផល ប្រើប្រាស់ផ្ទៃទឹកមុខ លើផ្សេងៗសម្រាប់កសិកម្ម វារីវប្បកម្ម (មិនគិតដល់គោលដៅផ្សេងៗដែលចំណុះករណី ត្រូវផ្តល់អាជ្ញាបណ្ណ) ដោយមានបរិមាណទឹក ទាញយកផលជាង ០,១ - ០,៥ ម៉ែត្រគុប/វិនាទី។

- ការទាញយកផល ប្រើប្រាស់ទឹកសមុទ្រសម្រាប់បម្រើការបង្កបង្កើនផលលើដីគោក រួមទាំងវារីវប្បកម្ម អាជីវកម្ម សេវាកម្មដែលមានទ្រង់ទ្រាយជាង ១០.០០០ - ១០០.០០០ ម៉ែត្រគុបក្នុងមួយថ្ងៃមួយយប់។

- ប្រើប្រាស់ទឹកក្រោមដី ដែលហូរចូលថ្លុក ក្នុងការទាញយកផលរ៉ែ ដើម្បីចម្រាញ់យករ៉ែ តែមិនបានដាក់ឱ្យទាបជាងកម្រិតទឹកក្រោមដីឬបូមបង្ហូរទឹកដែលហូរចូលថ្លុកឱ្យគោកពេលទាញយកផលរ៉ែ។

- ការទាញយកផល ប្រើប្រាស់ទឹកក្រោមដី ស្ថិតក្នុងករណីដែលចែងនៅចំណុច a កថាខ័ណ្ឌទី ២ មាត្រា ១៦ អនុក្រឹត្យនេះ និងត្រង់ចំណុច a, d កថាខ័ណ្ឌទី ១ មាត្រា ៤៤ ច្បាប់ ធនធានទឹក ស្ថិតក្នុងតារាងនៃតំបន់កាត់បន្ថយ ការទាញយកផលទឹកក្រោមដី អាស្រ័យគណៈកម្មាធិការប្រជាជនថ្នាក់ខេត្ត ចេញសេចក្តីប្រកាស។

ថវិកាពិនិត្យទទួលស្គាល់លើគម្រោងកែប្រែ និងស្តារបរិស្ថានឡើងវិញ

សារាចរណ៍លេខ ០៧/២០២៣/TT-BTC កម្រិតនៃការប្រមូលថវិកាក្នុងការពិនិត្យទទួលស្គាល់គម្រោងកែប្រែ ស្តារបរិស្ថានឡើងវិញ ដែលស្ថាប័នមជ្ឈិមអនុវត្តចាប់ពី ០៦-៦១លានដុង យោងទៅតាមដើមទុនវិនិយោគលើគម្រោងជាក់ស្តែងដូច៖

ចំពោះគម្រោងដែលមានប្រាក់ដើមទុនវិនិយោគរហូតដល់ ១០ ពាន់លានដុង កម្រិតថវិកាពិនិត្យទទួលស្គាល់គឺ ៦ លានដុង។

ចំពោះគម្រោងដែលមានប្រាក់ដើមទុនវិនិយោគសរុបជាង ១០០-២០០ ពាន់លានដុង កម្រិតថវិកាពិនិត្យទទួលស្គាល់គឺ ៣០លានដុង។

ចំពោះគម្រោងដែលមានប្រាក់ដើមទុនវិនិយោគសរុបជាង ១.០០០-១.៥០០ ពាន់លានដុង កម្រិតថវិកាពិនិត្យទទួលស្គាល់គឺ ៤៨ លានដុង។

ចំពោះគម្រោងដែលមានដើមទុនវិនិយោគ សរុបជាង ៣.០០០-៥.០០០ ពាន់លានដុង កម្រិតថវិកាពិនិត្យទទួលស្គាល់គឺ ៥៣ លានដុង។

ចំពោះគម្រោងដែលមានប្រាក់ដើមទុនវិនិយោគសរុបជាង ៧.០០០ ពាន់លានដុង កម្រិតថវិកាពិនិត្យទទួលស្គាល់គឺ ៦១ លានដុង៕

យោងតាម៖ luatvietnam.vn-លីសៀ

ចែករំលែកអត្ថបទ

ពាក្យគន្លឹះ