គោលនយោបាយ -ការរស់នៅ គោលនយោបាយ

03/04/2023 - 14:41

ខ្នះខ្នែងគិតគូរសង់ផ្ទះជូនគ្រួសារជនជាតិភាគតិចក្រីក្រ

រយៈពេល ២ ឆ្នាំកន្លង គណៈចង្អុលការចលនាសង់ផ្ទះជូនគ្រួសារក្រីក្រដែលជួបលំបាកខាងលំនៅឋាននៅខេត្តសុកត្រាំង (ហៅកាត់ថា គណៈចង្អុលការ) បានសង់ផ្ទះជូនជនរួមជាតិខ្មែរក្រីក្ររាប់ពាន់គ្រួសារ ដើម្បីលំនឹងជីវភាព។

គណៈចង្អុលការបានប្រគល់ផ្ទះនិងជូនអំណោយដល់គ្រួសារក្រីក្រ។

ប្រគល់ផ្ទះមហាសាមគ្គីជូនគ្រួសារខ្មែរក្រីក្រនៅស្រុកត្រឹងដេ។

យោងតាមគណៈចង្អុលការ រយៈពេល ២ ឆ្នាំអនុវត្តការចលនា គណៈចង្អុលការបានចលនាក្រុមហ៊ុន អាជីវកម្ម នៅក្នុងនិងក្រៅខេត្ត; កម្មាភិបាល បុគ្គលិក កងកម្លំាងប្រដាប់អាវុធលើភូមិសាស្ត្រខេត្ត បានទឹកប្រាក់ជាង ១៧៤ ពាន់លានដុង សម្រាប់សាងសង់ផ្ទះ ៣.៥០០ ខ្នងជូនគ្រួសារក្រីក្រ។ ក្នុងនោះ មានជិត ១.៣០០ខ្នងជូនគ្រួសារខ្មែរក្រីក្រលើភូមិសាស្ត្រខេត្ត។ ផ្ទះមួយខ្នងៗមានតម្លៃ ៥០ លានដុង ធានាត្រឹមត្រូវតាមលក្ខឋាន “៣រឹងមាំ” (គ្រឹះរឹង គ្រោងរឹងនិងដំបូលរឹង) បានជួយឱ្យគ្រួសារខ្មែរក្រីក្រមានផ្ទះសម្បែងរស់នៅសមរម្យ នឹងនរចិត្តពលកម្មផលិត ឈានឡើងចាកផុតភាពក្រីក្រដោយចីរភាព។

ចំពោះគ្រួសារក្រីក្រ ការមានផ្ទះថ្មីទទួលអំណរបុណ្យចូលឆ្នាំថ្មីគឺជាក្ដីស្រមៃ ក្នុងនោះមានគ្រួសារពូតាំងចែវ នៅភូមិបឹងឡុង ឃុំឡុងភូ ស្រុកឡុងភូ ក៏ដូច្នោះដែរ។ លោកពូតាំងចែវ រីករាយឱ្យដឹង៖ “នៅពេលបានរដ្ឋអំណាចពិនិត្យសង់ផ្ទះឱ្យ ខ្ញុំសប្បាយចិត្តណាស់។ ព្រោះផ្ទះចាស់ប្រក់ស្លឹកទ្រុឌទ្រោម ភ្លៀងលេចស្រក់ រដូវវស្សាបារម្ភណាស់។ ឥឡូវ ផ្ទះថ្មថ្មី បានសាងសង់រួចរាល់ ដូច្នេះឆ្នាំនេះគ្រួសារខ្ញុំទទួលអំណរបុណ្យចូលឆ្នាំថ្មីដោយក្តីរីករាយនិងសុភមង្គល”។ ចំណែកពូសើុងជា នៅភូមិអាងត្រាច់ ឃុំអាងហ៊ីប ស្រុកចូវថាញ់ ក៏ជាគ្រួសារមួយក្នុងចំណោមគ្រួសារដែលបានរដ្ឋអំណាចពិនិត្យសង់ផ្ទះមហាសាមគ្គីជូនដែរ។ នេះគឺជាក្តីរីករាយធំបំផុតសម្រាប់ពូនិងចៅទាំងពីរនាក់ ទទួលអំណរបុណ្យចូលឆ្នាំដោយកី្តរីករាយ និងកក់ក្ដៅបំផុត។ ពូជា ឱ្យដឹង៖ “មុននេះ ខ្ញុំរស់នៅផ្ទះស្លឹកទ្រុឌទ្រោម ជាមួយនឹងចៅពីរនាក់ដែលឪពុកមានគ្រោះថ្នាក់ស្លាប់ ហើយម្តាយទៅចោល។ ឥឡូវនេះ បានភូមិភាគឧបត្ថម្ភសង់ផ្ទះឱ្យ ខ្ញុំសប្បាយចិត្តរកអ្វីប្រៀបផ្ទឹមពុំបាន។ ខ្ញុំសូមថ្លែងអំណរគុណយ៉ាងជ្រាលជ្រៅចំពោះរដ្ឋអំណាចនិងសប្បុរសជនដែលបានជួយឧបត្ថម្ភ។ នេះជាក្តីរីករាយនិងសុភមង្គលបំផុតសម្រាប់គ្រួសារខ្ញុំពេលអំណរបុណ្យចូលឆ្នាំថ្មីឆ្នាំនេះ”។

លេខាគណៈកម្មាធិការបក្សខេត្តសុកត្រាំង លោកឡឹមវ៉ាន់ម៉ឹង ប្រធានគណៈចង្អុលការ មានប្រសាសន៍៖ “ការសាងសង់លំនៅឋានដល់អ្នកក្រីក្រ មានអត្ថន័យមនុស្សធម៌ដ៏ជ្រាលជ្រៅ និងជាក់ស្តែងបំផុតក្នុងការយកចិត្តទុកដាក់ដល់គ្រួសារក្រីក្រ ពិសេស គឺគ្រួសារជនរួមជាតិភាគតិចក្រីក្ររបស់ខេត្ត។ បច្ចុប្បន្ន គណៈចង្អុលការខេត្តកំពុងជំរុញការចលនា និងកៀរគរកម្មាភិបាល អ្នករដ្ឋការ បុគ្គលិក កម្មាភិបាល យុទ្ធជន កងកម្លាំងប្រដាប់អាវុធនិងប្រជាជន សម្ព័ន្ធសេដ្ឋកិច្ច ក្រុមហ៊ុន អាជីវកម្ម សប្បុរសជននៅក្នុងនិងក្រៅខេត្ត សកម្មក្នុងការជំនួយ និងរួមវិភាគទានមូលនិធិ “ដើម្បីអ្នកក្រីក្រ” យកចិត្តទុកដាក់និងជួយគ្រួសារក្រីក្រ ជាពិសេស គ្រួសារជនរួមជាតិភាគតិចក្រីក្រ ដើម្បីរួមជាមួយគណៈកម្មាធិការបក្សខេត្ដ អនុវត្តសម្រេចកម្មវិធីទិសដៅជាតិ កាត់បន្ថយភាពក្រីក្រដោយចីរភាព”៕

លីធាន-លេងមី

ចែករំលែកអត្ថបទ

ពាក្យគន្លឹះ