ព្រឹត្តិការណ៍ - នយោបាយ ព្រឹត្តិការណ៍ - នយោបាយ

03/04/2023 - 14:41

បើកជំរំកវីនិពន្ធនៅក្រុងកឹងធើ ស្ដីពីបធានបទជនជាតិភាគតិច

(CT) - កាលពីថ្ងៃទី ២៧ ខែមីនាកន្លងហើយ សមាគមអក្សរសិល្ប៍បណ្ដាជនជាតិភាគតិចវៀតណាម បានបើកជំរំកវីនិពន្ធនៅក្រុងកឹងធើ។

គណៈកម្មការរៀបចំនិងសមាជិកជំរំកវីនិពន្ធថតរូបអនុស្សាវរីយ៍។

ជំរំកវីនិពន្ធត្រូវបានរៀបចំឡើងរហូតដល់ថ្ងៃទី ២ ខែមេសា ដោយមានសមាជិកកវីនិពន្ធចំនួន ១៥ នាក់ លើវិស័យអក្សរសាស្រ្ត តន្រ្តី វិចិត្រសិល្បៈ ថតរូប។ល។ មកពីខេត្ត ក្រុងចំនួន ៨ នៅតំបន់តីណាមបូ។ ក្រុមអ្នកកវីនិពន្ធនឹងទៅអនុវត្តជាក់ស្ដែងនៅរមណីយដ្ឋានល្បីៗ របស់ក្រុងកឹងធើ បន្ទាប់មកសម្រិតសម្រាំងវណ្ណកម្មរបស់ខ្លួនប្រគល់ជូនគណៈកម្មការគ្រប់គ្រងជំរំ។ អ្នកនិពន្ធនឹងសម្ដែង ធ្វើបទបង្ហាញពីវណ្ណកម្មរបស់ខ្លួននៅក្នុងពិធីបិទវគ្គ ថ្ងៃទី ២ ខែមេសា។

លោកណុងក្វឹកប៊ិញ ប្រធានសមាគមអក្សរសិល្ប៍បណ្ដាជនជាតិភាគតិចវៀតណាម ឱ្យដឹង៖ នេះជាជំរំកវីនិពន្ធទី ២ អាស្រ័យសមាគមអក្សរសិល្ប៍បណ្ដាជនជាតិភាគតិចវៀតណាមរៀបចំឡើងក្នុងឆ្នាំ ២០២៣ បន្ទាប់ពីបានរៀបចំធ្វើឡើងនៅតំបន់តីបាក់។ ឆ្លងតាមរយៈនោះ បង្កលក្ខណៈដើម្បីកវីនិពន្ធនៅវាលរាបទន្លេគឺវឡុង និពន្ធចងក្រងនូវវណ្ណកម្មស្ដីពីបធានបទជនជាតិភាគតិច រួមចំណែកធ្វើឱ្យសម្បូរបែបនូវវណ្ណកម្មប្រកបដោយអត្ថន័យនិងមានតម្លៃសម្រាប់អក្សរសាស្រ្ត និងសិល្បៈជូនប្រទេសជាតិ៕

ឡែធូ - ថាច់ធី

ចែករំលែកអត្ថបទ

ពាក្យគន្លឹះ