មហាសាមគ្គីជនជាតិ ភូមិស្រុកផ្លាស់ថ្មី

28/03/2023 - 08:52

ឃុំជនបទថ្មីកម្រិតខ្ពស់ថើយដុង និងថើយស្វឹង

នៅក្នុងសេចក្តីសម្រេចលេខ ១៧៧/QĐ- UBND, ១៧៨/QĐ-UBND និង ១៧៩/QĐ- UBND អាស្រ័យដោយប្រធានគណៈកម្មាធិការប្រជាជនក្រុងកឹងធើ ចុះហត្ថលេខាទទួលស្គាល់ឃុំចំនួន ៣ នៃស្រុកកើ-ដ បទដ្ឋានជនបទថ្មីកម្រិតខ្ពស់ ឆ្នាំ ២០២២ ក្នុងនោះមានឃុំចំនួន ២ មានជនជាតិខ្មែររស់នៅកុះករគឺឃុំថើយដុង និងថើយស្វឹង។

ហេដ្ឋារចនាសម្ព័ន្ធគមនាគមន៍នៅឃុំថើយដុង កំពុងបានកែលម្អដោយឥតឈប់ឈរ។

លោកង្វៀងភឿកឌឹក ប្រធានការិយាល័យជនជាតិស្រុកកើ-ដ ក្រុងកឹងធើ មានក្តីរំភើបជាខ្លាំងនៅពេលដែលមានឃុំចំនួន ២ មានជនជាតិខ្មែររស់នៅកុះករសម្រេចបទដ្ឋានជនបទថ្មីកម្រិតខ្ពស់។ លោកឌឹក បានឱ្យដឹង៖ “នៅពេលដែលមានឃុំសម្រេចបទដ្ឋានជនបទថ្មីកម្រិតខ្ពស់ មានន័យថា ជីវភាពនិងគុណភាពរស់នៅរបស់ប្រជាជននិយាយរួម និងជនរួមជាតិខ្មែរនៅលើភូមិសាស្រ្តបានលើកស្ទួយ។ តាមរបាយការណ៍សឱ្យឃើញថា លក្ខឋាននិងភាគកម្រិតមួយចំនួនសម្រេចអត្រាខ្ពស់ ប្រកបដោយលក្ខណៈចីរភាពភាព មានដូច៖ ទឹកស្អាត អនាម័យបរិស្ថានជនបទ អង្គការផលិតកម្ម និងអភិវឌ្ឍន៍សេដ្ឋកិច្ចជនបទ កសាងទេសភាព បរិស្ថាន និងវិនិច្ឆ័យកាកសំណល់ គមនាគមន៍ កាត់បន្ថយភាពក្រីក្រ ប្រាក់ចំណូលមធ្យមភាគលើមនុស្សម្នាក់។ល។ ប្រការនេះ បញ្ជាក់ឱ្យឃើញថា នៅពេលដែលដងផ្លូវគមនាគមន៍ជនបទនៃឃុំថើយស្វឹង និងថើយដុង ត្រូវបានចាក់បេតុង ក្រាលកៅស៊ូរួចស្រេច ឃើញថាការធ្វើដំណើរមានភាពងាយស្រួលជាង។ ក្រៅពីនោះ សាលារៀន និងដំណាក់សុខាភិបាលទាំងអស់សុទ្ធតែសម្រេចបទដ្ឋាន ជួយឱ្យសិស្សានុសិស្សស្ងប់ចិត្តរៀនសូត្រ អ្នកជំងឺត្រូវបានថែទាំយ៉ាងយកចិត្តទុកដាក់”។

ដំណាក់សុខាភិបាលឃុំថើយស្វឹង ធានាការថែទាំសុខភាពបឋមបានល្អសម្រាប់ប្រជាជន។

តាមប្រសាសន៍លោកយ័ញថាញ់ លេខាគណៈកម្មាធិការបក្សឃុំថើយដុង ពីមុនឃុំថើយដុងជាឃុំលំបាកខ្លាំងណាស់។ ឆ្លងកាត់ការវិនិយោគសាងសង់ ឆ្នាំ២០១៧ ឃុំថើយដុង ត្រូវបានទទួលស្គាល់សម្រេចបទដ្ឋានជាតិអំពីឃុំជនបទថ្មី។ ដោយកំណត់ច្បាស់ការកសាងជនបទថ្មី និងជនបទថ្មីកម្រិតខ្ពស់ គឺជាមូលដ្ឋានគ្រឹះក្នុងការលើកកម្ពស់គុណភាពរស់នៅរបស់ប្រជាជន ម៉្លោះហើយទូទាំងឃុំមិនពេញចិត្ត ជាមួយនឹងកិត្តិនាមឃុំជនបទថ្មី បានផ្តោតលើការលើកកម្ពស់គុណភាពលក្ខឋាន តាមក្រមលក្ខឋានជនបទថ្មីកម្រិតខ្ពស់។ ប្តេជ្ញាចិត្តទាន់ពេលវេលា បានជួយឱ្យឃុំថើយដុង សម្រេចទាំង ១៩ លក្ខឋាននិងមានកិត្តិសយបានទទួលស្គាល់ឃុំជនបទថ្មីកម្រិតខ្ពស់។ បច្ចុប្បន្ន មាន ១០០% ផ្លូវអន្តរឃុំបានចាក់បេតុង និងផ្លូវភូមិប្រមាណ ១៩.៣ គីឡូម៉ែត្រ ផ្ទៃផ្លូវចាប់ពី ៣.៥-៤ ម៉ែត្របានចាក់បេតុង; អត្រាប្រជាជនចូលរួមធានារ៉ាប់រងសុខាភិបាល សម្រេច ៩៥,០៧%; ប្រាក់ចំណូលជាមធ្យមភាគរបស់ឃុំ ឆ្នាំ ២០២២ សម្រេច ៦៥.៦១៩ លានដុង/នាក់/ឆ្នាំ កើន ២៤,៧៦៩ លានដុងបើធៀបនឹងឆ្នាំ ២០១៧; អត្រាគ្រួសារក្រីក្រពហុទិសថយចុះនៅ ២,៤៥%... ថើយដុងក៏បានកំណត់ថា បន្ទាប់ពីបានទទួលស្គាល់ជាឃុំជនបទថ្មីកម្រិតខ្ពស់ នឹងផ្តោតសំខាន់លើការលើកកម្ពស់លក្ខឋាន ធ្វើជាគ្រឹះឆ្ពោះទៅរកឃុំជនបទថ្មីគំរូ។

ដូចជាឃុំថើយដុងដែរ ប្រជាជននៅឃុំថើយស្វឹង បានស្រុះស្រួល រួមកម្លាំងជាមួយរដ្ឋអំណាចកសាងជនបទថ្មីគំរូ។ បងស្រីយ័ញធីធ្វី នៅភូមិថើយទ្រឿង I បានឱ្យដឹង៖ "អាស្រ័យការកសាងជនបទថ្មី និងជនបទថ្មីកម្រិតខ្ពស់ ទើបជីវភាពគ្រួសារខ្ញុំ និងមាមីងនៅក្នុងភូមិបានប្រសើរឡើង ម៉្លោះហើយអ្នកណាក៏ចង់បានឃុំរបស់ខ្លួនសម្រេចបទដ្ឋានជនបទគំរូ ដើម្បីជីវភាពកាន់តែបានប្រសើរជាងទៀត"៕

ហាថាញ់

ចែករំលែកអត្ថបទ

ពាក្យគន្លឹះ