សន្តិសុខ - ការពារប្រទេស ការពារប្រទេស

16/01/2023 - 10:11

កសាងសាខាបក្សស្អាតស្អំ រឹងមាំ

សាខាបក្សនៃគណៈបញ្ជាការយោធាឃុំហ្វាឡើយ ស្រុកចូវថាញ់ ខេត្តត្រាវិញ អនុវត្តមានប្រសិទ្ធភាពការងារកសាងបក្សស្អាតស្អំ រឹងមាំ ផ្សារភ្ជាប់នឹងការអភិវឌ្ឍសេដ្ឋកិច្ច វប្បធម៌សង្គមនៅភូមិភាគ។

គណៈបញ្ជាការយោធាឃុំហ្វឹកហាត់ត្រៀមប្រយុទ្ធការពារមាតុភូមិ។

សាខាបក្សនៃគណៈបញ្ជាការយោធាឃុំហ្វាឡើយ មានបក្ខជន ៩ រូប បន្តរក្សាបានល្អនូវកិច្ចប្រជុំតាមការកំណត់ និងដាក់ចេញភារកិច្ចដំណើរការប្រចាំខែ។ ទន្ទឹមនឹងនោះ ផ្តោតការយកចិត្តទុកដាក់អនុវត្តល្អនូវគោលការណ៍ក្នុងសកម្មភាពរបស់បក្ស។ កងកម្លាំងប្រជាស្វ័យត្រាណឃុំមាន ១១៩សមមិត្ត ក្នុងនោះ មានបក្ខជន ២៣ រូប។ គណៈបញ្ជាការ យោធាឃុំហ្វាឡើយ ធ្វើសេនាធិការជូនគណៈកម្មាធិការបក្ស គណៈកម្មាធិការប្រជាជនឃុំ កសាងផែនការត្រៀមប្រយុទ្ធធានាទាន់ពេល និងមានប្រសិទ្ធភាព។ ឆ្នាំ ២០២២ គណៈបញ្ជាការយោធាឃុំហ្វាឡើយ បានធ្វើសេនាធិការ ចាត់កងសេនាជនចល័ត ១៦៧ លើកនាក់ ត្រៀមប្រយុទ្ធនិងដើរល្បាតការពារក្នុងពិធីបុណ្យទានផ្សេងៗ និងទិវានៃព្រឹត្តិការណ៍សំខាន់ៗក្នុងប្រទេស។ល។ បន្តរក្សានិងអនុវត្តមុឺងម៉ាត់កិច្ចប្រចាំការត្រៀមប្រយុទ្ធ ដោយធានាចំនួនទ័ព សព្វាវុធតាមសេចក្តីកំណត់ សហការដើរល្បាតមុន ក្នុងនិងក្រោយពិធីបុណ្យទានផ្សេងៗក្នុងឆ្នាំ ឬព្រឹត្តិការណ៍នយោបាយសំខាន់ៗ តាមកិច្ចចង្អុលការរបស់ថ្នាក់លើ ការពារសុវត្ថិភាពទិស ដៅសំខាន់របស់ឃុំ។ កម្មាភិបាលក៏ចូលរួមហ្វឹកហ្វឺនយ៉ាងត្រឹមត្រូវតាមផែនការ។ ក្រោយពីការហ្វឹកហ្វឺនមានការត្រួតពិនិត្យបាញ់គ្រាប់ពិត លទ្ធផលសម្រេច ១០០%។

លោកថាច់បាត់ យុទ្ធជនកងសេនាជនចល័តឃុំ ឱ្យដឹង៖ “ដោយកំណត់ច្បាស់ ការបានចូលក្នុងកងជួរបក្សគឺជាកិត្តិយស ហើយក៏ជាកាតព្វកិច្ច ដូច្នេះខ្ញុំប្តេជ្ញាចិត្តលត់ដំខ្លួនគ្រប់ផ្នែក។ ខ្ញុំតែងចូលរួមរៀនសូត្របញ្ជ្រាបសេចក្តីសម្រេចចិត្តនិងបទបញ្ជារបស់បក្ស។ ក្នុងការអនុវត្តភារកិច្ចជំនាញ ខ្ញុំតែងធ្វើជាគំរូ មិនខ្លាចលំបាក។ ប្រសិនបើបក្ខជនគ្រប់រូបខិតខំប្រឹងប្រែងដើម្បីភារកិច្ចរួម នឹងរួមចំណែកជំរុញឱ្យសកម្មភាពរបស់សាខាបក្សកាន់តែល្អប្រសើរ”។

លោកថាច់មិញទ្រី មេបញ្ជាការយោធាឃុំហ្វាឡើយ ឱ្យដឹង៖ “ដើម្បីអនុវត្តប្រកបដោយប្រសិទ្ធភាពនូវសេចក្តីសម្រេចចិត្តរបស់គណៈកម្មាធិការបក្សឃុំ ជារៀងរាល់ឆ្នាំ សាខាបក្សនៃគណៈបញ្ជាការយោធាឃុំ បានកសាងផែនការ ចាត់បក្ខជនគ្រប់រូបច្បាមមូលដ្ឋាន ទទួលបន្ទុកភូមិសាស្ត្រនីមួយៗដើម្បីក្តាប់ស្ថានភាព ស្វែងរកវិធានការដោះស្រាយបានទាន់ពេល។ ក្នុងការអនុវត្តភារកិច្ច កម្មាភិបាល បក្ខជនគ្រប់រូប តែងខ្នះខ្នែង មិនខ្លាចលំបាក មានស្មារតីភ្ញាក់រលឹកខ្ពស់ ស្មោះត្រង់ សាមគ្គីជួយសមមិត្ត មិត្តរួមអាជីពអនុវត្តសម្រេចភារកិច្ចនិងធ្វើជាគំរូចំពោះមហាជន ខ្នះខ្នែងចូលរួមអភិវឌ្ឍសេដ្ឋកិច្ចសង្គម វប្បធម៌នៅភូមិភាគ”៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ