សន្តិសុខ - ការពារប្រទេស សន្តិសុខ

26/12/2022 - 15:41

ផ្សព្វផ្សាយគម្រោង "កម្មាភិបាល យុទ្ធជន កងទ័ពជំរុញដំណើរប្អូនៗទៅសាលា"

បញ្ជាការដ្ឋានកងទ័ពការពារព្រំដែនខេត្តសុកត្រាំង ទើបរៀបចំពិធីជួបជុំផ្សព្វផ្សាយអនុវត្តគម្រោង “កម្មាភិបាល យុទ្ធជនកងទ័ពជំរុញដំណើរប្អូនៗទៅសាលា” ឆ្នាំ២០២២។

កងទ័ពការពារព្រំដែនខេត្តសុកត្រាំង ជូនអំណោយដល់ប្អូនៗសិស្សសាលា។

នៅក្នុងពិធីនេះ បញ្ជាការដ្ឋានកងទ័ពការពារព្រំដែនខេត្តសុកត្រាំង បានឧបត្ថម្ភថវិកាដល់សិស្សជនជាតិខ្មែរចំនួន ១១ នាក់ ដែលមានស្ថានភាពក្រលំបាក កំព្រាឪពុកម្តាយ សរុបទឹកប្រាក់ចំនួន ៤៨,៤ លានដុង។ មធ្យមភាគក្នុងសិស្សម្នាក់ទទួលបានប្រាក់ ៤,៤ លានដុងក្នុង ៤ ខែ។ ក្រៅពីនោះ បញ្ជាការដ្ឋានកងទ័ពការពារព្រំដែនខេត្ត ក៏បានជូនអង្ករ ២៥ គីឡូក្រាមនិងសៀវភៅសរសេរ ២០ ក្បាលដល់សិស្សម្នាក់ៗទៀតផង។

វរសេនីយ៍ឯក ឡេវ៉ាន់អាញ់ ស្នងការនយោបាយរងនៃកងទ័ពការពារព្រំដែនខេត្តសុកត្រាំង មានប្រសាសន៍៖ គម្រោងនេះនឹងផ្តល់កម្លាំងចិត្តដល់ប្អូនៗជម្នះលំបាករៀនសូត្របានល្អ។ ទន្ទឹមនឹងនោះ ក៏ជាស្ពានតភ្ជាប់ រឹតបន្តឹងទំនាក់ទំនងយ៉ាងជិតស្និទ្ធរវាងកងទ័ពនិងប្រជាជន ពង្រឹងចំណងសាមគ្គីភាព រក្សារឹងមាំសន្តិសុខនយោបាយ សណ្តាប់ធ្នាប់ សុវត្ថិភាពសង្គមលើភូមិសាស្ត្រតំបន់ព្រំដែនសមុទ្រ៕

លីធាន-មុនី

ចែករំលែកអត្ថបទ

ពាក្យគន្លឹះ