ព្រឹត្តិការណ៍ - នយោបាយ ព្រឹត្តិការណ៍

26/12/2022 - 15:41

ពិនិត្យជំងឺដោយឥតគិតថ្លៃជូនអ្នកក្រនិងសិស្សានុសិស្សនៅតំបន់ជនរួមជាតិខ្មែរ

ក្រុមគ្រូពេទ្យ វេជ្ជបណ្ឌិតនៃមន្ទីរពហុព្យាបាលក្រុងកឹងធើ និងមន្ទីរពេទ្យភ្នែកក្រុងហូជីមិញ ទើបរៀបចំពិនិត្យជំងឺដោយឥតគិតថ្លៃ ជូនអំណោយដល់អ្នកក្រ និងសិស្សានុសិស្សជាជនរួមជាតិខ្មែរនៅឃុំអូរឡឹម ស្រុកទ្រីតូង ខេត្តអាងយ៉ាង។

ក្រុមគ្រូពេទ្យ ធ្វើការពិនិត្យភ្នែកជូនប្រជាជន។

ក្រុមបានធ្វើការពិនិត្យជំងឺទូទៅ ពិគ្រោះ ថែទាំសុខភាពជូនមនុស្សចាស់ កុមារ ពិនិត្យភ្នែកដល់ប្រជាជននិងសិស្សានុសិស្សចំនួន ១.៤០០ លើក/នាក់។ ក្នុងនោះ ពិនិត្យ ណែនាំពីការព្យាបាល និងវិធីព្យាបាលពិការភ្នែក ១.២០០ លើក/នាក់; ពិនិត្យព្យាបាលជំងឺ និងផ្តល់ថ្នាំដោយឥតគិតថ្លៃដល់អ្នកក្រ ២០០ លើក/នាក់។

ក្រុមនៅទាំងជូនអំណោយដល់សិស្សបឋមសិក្សាចំនួន ២០០ ចំណែក តម្លៃក្នុងមួយចំណែក ៣០០.០០០ ដុង; ជូនអំណោយដល់គ្រួសារក្រីក្រ គ្រួសារប្រកៀកបន្ទាត់ក្រ និងកម្លាំងនគរបាល យោធា កម្មាភិបាល អ្នករដ្ឋការ បុគ្គលិក សហជីពនិងសមាជិក សហជីពដែលមានស្ថានភាពលំបាកនៅលើភូមិសាស្រ្តឃុំអូរឡឹមចំនួន ២០០ ចំណែក តម្លៃក្នុងមួយចំណែក ២០០.០០០ ដុង។

សរុបថវិកាអនុវត្តកម្មវិធីគឺ ២៤០ លានដុង អាស្រ័យក្រុមគ្រូពេទ្យ វេជ្ជបណ្ឌិត និងសប្បុរសជនរួមវិភាគទាន។ ក្នុងឱកាសនេះ ក្រុមអ្នកស្ម័គ្រចិត្តនៅទាំងរៀបចំកាត់សក់ជូនប្អូនៗសិស្សានុសិស្សជាជនជាតិខ្មែរទៀតផង៕

យោង៖ កាសែតអាងយ៉ាង-ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ