មហាសាមគ្គីជនជាតិ ភូមិស្រុកផ្លាស់ថ្មី

21/11/2022 - 15:06

តភ្ជាប់អនុវត្តបច្ចេកវិទ្យាឌីជីថល បច្ចេកវិទ្យាខ្ពស់ក្នុងការផលិតកសិកម្ម

ក្រុមចាត់ការវេទិកាចងសម្ព័ន្ធកសិផល ៩៧០ របស់ក្រសួងកសិកម្ម និងអភិវឌ្ឍន៍ជនបទ បានសហការជាមួយក្រសួង ភូមិភាគ និងអង្គភាពពាក់ព័ន្ធនានា រៀបចំវេទិកា “តភ្ជាប់អនុវត្តបច្ចេកវិទ្យាឌីជីថល បច្ចេកវិទ្យាខ្ពស់ក្នុងវិស័យកសិកម្ម” ដោយផ្ទាល់ និងអនឡាញតាមរយៈកម្មវិធី zoom ជាមួយទីតាំងតភ្ជាប់នៅតាមខេត្ត-ក្រុងជាច្រើនក្នុងទូទាំងប្រទេស។ វេទិកាមានការចូលរួមពីសំណាក់ថ្នាក់ដឹកនាំនៃអង្គភាពជំនាញក្រោមឱវាទក្រសួងកសិកម្ម និងអភិវឌ្ឍន៍ជនបទ មន្ទីរកសិកម្មនិងអភិវឌ្ឍន៍ជនបទ ថ្នាក់ដឹកនាំនៃសម្ព័ន្ធសមាគម អាជីវកម្មផលិតកម្ម ពាណិជ្ជកម្មផលិតផល និងដំណោះស្រាយអនុវត្តបច្ចេកវិទ្យាឌីជីថល និងបច្ចេកវិទ្យាខ្ពស់ក្នុងការផលិតកសិកម្ម និងអាជីវកម្ម សហករណ៍កសិដ្ឋាន និងគ្រឹះស្ថានផលិតពាណិជ្ជកម្មកសិផល។

ភ្ញៀវទស្សនា ស្វែងយល់អំពីម៉ាស៊ីន ឧបករណ៍កសិកម្មអនុវត្តបច្ចេកវិទ្យាខ្ពស់
ដែលដាក់បង្ហាញឧទ្ទេសនាមនៅផ្សារណាត់កសិកម្មអន្តរជាតិវៀតណាម
ឆ្នាំ ២០២២ ប្រព្រឹត្តឡើងនៅក្រុងកឹងធើ។

វេទិកានេះរៀបចំឡើងសំដៅតភ្ជាប់ព័ត៌មានផ្គត់ផ្គង់និងតម្រូវការ ជំរុញការអនុវត្តបច្ចេកវិទ្យាឌីជីថល និងបច្ចេកវិទ្យាខ្ពស់នៅក្នុងសហគមន៍អាជីវកម្ម សហករណ៍ផលិតកម្ម និងគ្រឹះស្ថានផលិតពាណិជ្ជកម្ម និងកសិករ។ ទន្ទឹមនឹងនោះ ឧបត្ថម្ភដោះស្រាយការលំបាក និងបញ្ហាជាប់ជំពាក់របស់អាជីវកម្ម សហករណ៍និងកសិករក្នុងការខិតជិត និងអនុវត្តបច្ចេកវិទ្យាឌីជីថល និងបច្ចេកវិទ្យាខ្ពស់ក្នុងការផលិត និងពាណិជ្ជកម្មកសិផល។ នៅក្នុងវេទិកានេះ ស្ថាប័នជំនាញក្រោមឱវាទក្រសួងកសិកម្ម និងអភិវឌ្ឍន៍ជនបទ និងអង្គភាពអាជីវកម្មបានធ្វើបច្ចុប្បន្នភាព និងផ្តល់ព័ត៌មានអំពីស្ថានភាពអនុវត្តបច្ចេកវិទ្យាឌីជីថល និងបច្ចេកវិទ្យាខ្ពស់ក្នុងការផលិតកសិកម្មនៅប្រទេសយើង និងលើពិភពលោក ក៏ដូចជាតម្រូវការនិងនិន្នាការនៃការអនុវត្តបច្ចេកវិទ្យាខ្ពស់លើពិភពលោក។ ទន្ទឹមនឹងនោះ ចែករំលែកនូវទម្រង់ ទង្វើល្អៗជាច្រើន និងស្នើនូវដំណោះស្រាយជាច្រើន សំដៅដោះស្រាយការលំបាក និងបញ្ហាជាប់ជំពាក់បានទាន់ពេល ព្រមទាំងពង្រឹងទំនាក់ទំនង និងកិច្ចសហការប្រតិបត្តិការរវាងភាគី ពាក់ព័ន្ធ ដើម្បីជំរុញការអនុវត្តបច្ចេកវិទ្យាឌីជីថល បច្ចេកវិទ្យាខ្ពស់ក្នុងវិស័យកសិកម្មនៅប្រទេសយើង។

ចូលរួមក្នុងវេទិកា តំណាងជាច្រើនបានដាក់សំណើ នាពេលខាងមុខ អាជ្ញាធរមូលដ្ឋាន គួរតែបន្តជំរុញព័ត៌មាន និងឃោសនា ដើម្បីបង្កើនការយល់ដឹង និងទង្វើរបស់ប្រជាជន អង្គភាព អាជីវកម្មក្នុងការជំរុញការប្រែក្លាយឌីជីថល អនុវត្តបច្ចេកវិទ្យាឌីជីថល និងបច្ចេកវិទ្យាខ្ពស់ ដើម្បីបង្កើនប្រសិទ្ធភាពផលិតកម្ម ពាណិជ្ជកម្មក្នុងវិស័យកសិកម្ម។ បន្តពន្លឿនការសាងសង់ និងបង្ហើយហេដ្ឋារចនាសម្ព័ន្ធ និងទិន្នន័យ ដើម្បីបម្រើការតាមដានប្រភពផលិតផល និងឌីជីថលភាវូបនីយកម្មព័ត៌មាន ទិន្នន័យសម្រាប់បម្រើការផលិតកម្មនិងពាណិជ្ជកម្ម។ បណ្តុះបណ្តាល ជំនួយប្រជាជន និងអាជីវកម្មដោះស្រាយការលំបាកអំពីដើមទុន និងលទ្ធភាពខិតជិតចំណេះដឹងឌីជីថល បច្ចេកវិទ្យាថ្មីបានទាន់ពេល និងចាប់យកតម្រូវការទីផ្សារ... ដើម្បីអភិវឌ្ឍផលិតកសិកម្ម និងពង្រីកការប្រើប្រាស់ផលិតផល៕

វ៉ាន់កុង-វ៉ាន់តឹន

ចែករំលែកអត្ថបទ

ពាក្យគន្លឹះ