សន្តិសុខ - ការពារប្រទេស សន្តិសុខ

14/11/2022 - 14:41

ជូនរង្វាន់ជាបន្ទាន់ដល់នគរបាលស្រុកកេសាច់សម្រេចស្នាដៃឆ្នើមក្នុងការបង្ការ ប្រឆាំងបទល្មើស

នគរបាលខេត្តសុកត្រាំង ទើបជូនរង្វាន់ជាបន្ទាន់ដល់នគរបាលស្រុកកេសាច់ ព្រោះសម្រេចបានស្នាដៃឆ្នើមក្នុងការបង្ការ ប្រឆាំងបទល្មើស។

នគរបាលខេត្តសុកត្រាំង ជូនលិខិតសរសើរនិងប្រាក់រង្វាន់ជាបន្ទាន់ដល់នគរបាលស្រុកកេសាច់។

តាមរយៈនោះ នៅថ្ងៃទី ៥ ខែវិច្ឆិកា អនុវត្តចំណុចខ្ពស់ក្នុងការវាយលុក បង្រ្កាបបទល្មើស ធានាសន្ដិសុខសណ្ដាប់ធ្នាប់ក្នុងទិវាបុណ្យវប្បធម៌ កីឡានិងទេសចរណ៍ជនរួមជាតិខ្មែរណាមបូ លើកទី ៨ និងបុណ្យអកអំបុក-ប្រណាំងទូក-ង ខេត្តសុកត្រាំង តំបន់វាលរាបទន្លេគឺវឡុង លើកទី ៥ ឆ្នាំ ២០២២ នគរបាលស្រុកកេសាច់ បានប្រទះឃើញមុខសញ្ញាង្វៀងថាញតឹម កើតឆ្នាំ ១៩៧៤ នៅសង្កាត់តឹងតាវ ខ័ណ្ឌប៊ិញតឹង ក្រុងហូជីមិញ ដឹកជញ្ជូនបារីរត់ពន្ធចំនួន ១០.២០០ កញ្ចប់។ នគរបាលស្រុកកេសាច់ បានឃាត់ខ្លួនមុខសញ្ញាជាបណ្ដោះអាសន្ន ដើម្បីធ្វើការសើុបអង្កេតនិងចាត់វិធានការទៅតាមផ្លូវច្បាប់។

ដើម្បីបង្កជាកម្លាំងចលករ លើកទឹកចិត្តដល់កម្មាភិបាល យុទ្ធជនកម្លាំងនគរបាលស្រុកកេសាច់ បន្តអនុវត្តល្អការងារវាយលុក បោសសម្អាតបទល្មើសគ្រប់ប្រភេទ រួមចំណែករក្សាសន្តិសុខ សណ្ដាប់ធ្នាប់លើភូមិសាស្រ្ត នគរបាលខេត្តបានជូនលិខិតសរសើរនិងប្រាក់រង្វាន់ជាបន្ទាន់ចំនួន ៥ លានដុងដល់នគរបាលស្រុកកេសាច់ និងគណៈកម្មាធិការបក្សស្រុកកេសាច់ក៏ជូនរង្វាន់ជាបន្ទាន់ចំនួន ៥ លានដុងដល់នគរបាលស្រុកកេសាច់ដែលសម្រេចបានស្នាដៃឆ្នើមផងដែរ៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ