ព្រឹត្តិការណ៍ - នយោបាយ ព្រឹត្តិការណ៍

14/11/2022 - 14:40

អគ្គសម្ព័ន្ធពលកម្មវៀតណាម ហ្វឹកហ្វឺនចំណេះដឹងស្ដីពីជនជាតិ សាសនាដល់កម្មាភិបាលបំពេញការងារសហជីព

នៅខេត្តសុកត្រាំង អគ្គសម្ព័ន្ធពលកម្មវៀតណាម ទើបរៀបចំសន្និសីទហ្វឹកហ្វឺនចំណេះដឹង បំណិន វិជ្ជាជីវៈព័ត៌មាន ផ្សព្វផ្សាយស្ដីពីជនជាតិ សាសនា និងកាត់បន្ថយភាពកង្វះព័ត៌មាន ដល់កម្មាភិបាលជាង ១០០ នាក់ នៃអង្គការសហជីពនៅតំបន់វាលរាបទន្លេគឺវឡុង។

កម្មាភិបាលសហជីពជាង ១០០ នាក់ មកពីខេត្តចំនួន ១៣ នៅតំបន់តីណាមបូនិងខេត្តជិតខាងចូលរួមសន្និសីទហ្វឹកហ្វឺន។

តាមប្រសាសន៍អនុប្រធានអគ្គសម្ព័ន្ធពលកម្មវៀតណាម ង៉យ្វីហេវ សន្និសីទលើកនេះ គឺការបន្តអនុវត្តសេចក្ដីសម្រេចលេខ ២១៩/QĐ-TTg ចុះថ្ងៃទី ២១/២/២០១៩ របស់នាយករដ្ឋមន្ត្រីនៃរដ្ឋាភិបាល ផ្ដល់សច្ចាប័នលើគម្រោងជំនួយផ្ដល់ព័ត៌មាន ផ្សព្វផ្សាយស្ដីពីជនជាតិ សាសនា; សេចក្ដីសម្រេចលេខ ៩០/QĐ-TTg ចុះថ្ងៃទី ១៨/១/២០២២ របស់នាយករដ្ឋមន្ត្រីនៃរដ្ឋាភិបាល ផ្ដល់សច្ចាប័នលើកម្មវិធីទិសដៅជាតិ កាត់បន្ថយភាពក្រីក្រដោយចីរភាព ដំណាក់កាល ២០២១-២០២៥ និងផែនការលេខ ២៥៦/KH-TLĐ ចុះថ្ងៃទី ១១/១០/២០២២ របស់អគ្គសម្ព័ន្ធពលកម្មវៀតណាម។

សន្និសីទដែលបានរៀបចំឡើង គឺសំដៅផ្ដល់ជូនព័ត៌មាន ចំណេះដឹង បំណិនក្នុងការផ្សព្វផ្សាយដល់កម្មាភិបាលសហជីព អំពីទស្សនៈ គោលមាគ៌ារបស់បក្ស គោលនយោបាយ ច្បាប់របស់រដ្ឋ ស្ដីពីជនជាតិ ជំនឿ សាសនា និងតម្លៃសាសនាចំពោះជីវភាពសង្គម; បំណិនក្នុងការក្ដាប់យកផ្ដល់ព័ត៌មាន ចំណេះដឹង រួមចំណែកក្នុងការកាត់បន្ថយភាពកង្វះខាតព័ត៌មានដល់សមាជិកសហជីព កម្មករនិយោជិត។

នៅក្នុងសន្និសីទអ្នកតំណាងចូលរួមនឹងបានស្ដាប់បណ្ឌិត ឡេសើុងហាយ អនុរដ្ឋមន្ត្រី អនុប្រធានគណៈកម្មាធិការជនជាតិ ផ្ដោះប្ដូរនូវខ្លឹមសារដែលពាក់ព័ន្ធដល់បញ្ហាជនជាតិ និងការអនុវត្តគោលនយោបាយជនជាតិនៅវៀតណាមនាបច្ចុប្បន្ន; បញ្ហាសាសនាក្នុងតំបន់ជនរួមជាតិភាគតិច និងការយកចិត្តទុកដាក់នៅពេលផ្ដល់ជូនព័ត៌មាន និងផ្សព្វផ្សាយអំពីជនជាតិ សាសនា។ ចំពោះបធានបទអំពីបំណិននៃការសម្រង់និងវិភាគព័ត៌មានរបស់កម្មាភិបាលសហជីព; បំណិនដឹកនាំរបស់កម្មាភិបាលសហជីព ក្នុងបរិបទនៃប្រព័ន្ធផ្សព្វផ្សាយដ៏សម្បូរបែប ដែលលោក ង៉យ្វីហេវ បានធ្វើបទបង្ហាញ៕

ប្រភព កាសែតជនជាតិនិងអភិវឌ្ឍន៍-ប្រែសម្រួល ពេជ្រសឿន

ចែករំលែកអត្ថបទ

ពាក្យគន្លឹះ