ព្រឹត្តិការណ៍ - នយោបាយ ព្រឹត្តិការណ៍

18/10/2022 - 09:04

សុកត្រាំង

បំប៉នចំណេះដឹងជនជាតិដល់កម្មាភិបាល បុគ្គលិក អ្នករដ្ឋការ ១៦០ នាក់

* ផ្ដល់ជូនលិខិតបញ្ជាក់ភាសាខ្មែរដល់កម្មាភិបាល បុគ្គលិក អ្នករដ្ឋការ ២១១ រូប

គណៈជនជាតិខេត្តសុកត្រាំង ទើបសហការជាមួយនឹងវិទ្យាស្ថានជនជាតិ រៀបចំបើកវគ្គបំប៉នចំណេះដឹងជនជាតិដល់កម្មាភិបាល បុគ្គលិក អ្នករដ្ឋការ ១៦០ នាក់ កំពុងបម្រើការងារនៅតំបន់ជនរួមជាតិខ្មែរលើភូមិសាស្រ្តខេត្ត។

ទិដ្ឋភាពនៃវគ្គបំប៉នចំណេះដឹង។

សិក្សារយៈពេល ៥ ថ្ងៃ សិក្ខាកាមនឹងបានស្វែងយល់ទិដ្ឋភាពទូទៅអំពីបណ្តាជនជាតិភាគតិចវៀតណាម; ទស្សនៈ គោលការណ៍ គោលមាគ៌ារបស់បក្ស អំពីបញ្ហាជនជាតិនិងការងារជនជាតិ; ច្បាប់និងគោលនយោបាយរបស់រដ្ឋ អំពីការអភិវឌ្ឍសេដ្ឋកិច្ចតំបន់ជនជាតិភាគតិច; ការងារអភិបាលកិច្ចអំពីវប្បធម៌បណ្ដាជនជាតិភាគតិច; កិច្ចការការពារប្រទេស សន្តិសុខនៅតំបន់ជនជាតិភាគតិចនិងតំបន់ភ្នំ; កសាងប្រព័ន្ធនយោបាយមូលដ្ឋានរឹងមាំនៅតំបន់ជនជាតិភាគតិចជាដើម។

វគ្គបំប៉នចំណេះដឹងនេះ សំដៅបំពាក់បំប៉នដល់កម្មាភិបាលនូវចំណេះដឹងមូលដ្ឋានអំពីការងារជនជាតិ ដើម្បីអនុវត្តជាក់ស្តែងក្នុងការងារ និងសម្រេចភារកិច្ចដែលបានប្រគល់ឱ្យ។

*គណៈចង្អុលការគម្រោងភាសាខ្មែរខេត្តសុកត្រាំង ទើបធ្វើពិធីបូកសរុបវគ្គបណ្ដុះបណ្ដាលភាសាខ្មែរដល់កម្មាភិបាល បុគ្គលិក អ្នករដ្ឋការលើភូមិសាស្រ្តខេត្តសុកត្រាំងឆ្នាំ ២០២១។ យោងតាមនោះ គណៈចង្អុលការគម្រោងបានផ្ដល់ជូនលិខិតបញ្ជាក់ដល់កម្មាភិបាល បុគ្គលិក អ្នករដ្ឋការ ដែលសិក្សាថ្នាក់មូលដ្ឋាន ថ្នាក់បកប្រែភាសា និងថ្នាក់កម្រិតខ្ពស់ ២១១ រូប។

គណៈចង្អុលការគម្រោង ផ្ដល់ជូនលិខិតបញ្ជាក់ដល់សិក្ខាកាមរៀនថ្នាក់បកប្រែភាសា។

ក្នុងឆ្នាំ ២០២១ គម្រោងបានបើកថ្នាក់បណ្ដុះបណ្ដាលភាសាខ្មែរចំនួន ៦ វគ្គដល់កម្មាភិបាល បុគ្គលិក អ្នករដ្ឋការលើភូមិសាស្រ្តខេត្តសុកត្រាំង; ក្នុងនោះ ថ្នាក់មូលដ្ឋាន ៤ បន្ទប់ ថ្នាក់កម្រិតបង្កើន ១ បន្ទប់និងថ្នាក់បកប្រែភាសា ១ បន្ទប់ ដោយមានសិក្ខាកាម ២១១ រូប។ បញ្ចប់វគ្គសិក្សាសិក្ខាកាមទាំង ១០០% បានផ្ដល់ជូនលិខិតបញ្ជាក់។

គម្រោងបណ្តុះបណ្តាលភាសាខ្មែរបានជួយកម្មាភិបាល បុគ្គលិក អ្នករដ្ឋការដែលកំពុងបម្រើការងារនៅតំបន់មានជនរួមជាតិខ្មែររស់នៅកុះករ មានលទ្ធភាពទំនាក់ទំនងជាភាសាខ្មែរ យល់ដឹងពីទំនៀមទម្លាប់របស់ជនរួមជាតិ និងបម្រើការងារបានល្អជាង៕

យុីអាញ - ត្រឹងរ៉ូន - ថាច់ធី

ចែករំលែកអត្ថបទ

ពាក្យគន្លឹះ