មហាសាមគ្គីជនជាតិ គំរូក្នុងសហគមន៍

03/10/2022 - 15:29

អស់ពីចិត្តចំពោះភារកិច្ច

អនុសេនីយ៍ឯក ត្រឹងហ្វីហាវ ជំនួយការការងារមហាជន គណៈស្នងការនយោបាយនៃកងវរសេនាធំលេខ ៣ (កងពលធំលេខ ៣៣០) ត្រូវបានចាត់តាំងចូលរួមមហាសន្និបាតតំណាងសម្ព័ន្ធយុវជន ទូទាំងកងទ័ព ក្នុងមហាសន្និបាតតំណាងសម្ព័ន្ធយុវជនកុម្មុយនិស្តហូជីមិញ យោធភូមិភាគ ៩ លើក ទី X ឆ្នាំ (២០២២-២០២៧) ។

អនុសេនីយ៍ឯក ត្រឹងហ្វីហាវ ក្នុងពិធីប្រឡងកម្មាភិបាលសម្ព័ន្ធយុវជនពូកែទូទាំងកងទ័ព។

រៀនចប់បឋមសិក្សានៅឃុំថាមដូង ស្រុកម៉ីស្វៀង ខេត្តសុកត្រាំង ហ្វីហាវ បានប្រឡងចូលអនុវិទ្យាល័យជនជាតិអន្តេវាសិកម៉ីស្វៀង។ ក្រោយមក ត្រូវបានជម្រើសចូលរៀនវិទ្យាល័យជនជាតិអន្តេវាសិកហ្វិញកឿង។ អាស្រ័យដោយខ្នះខ្នែងសកម្មភាពចលនា ហ្វីហាវ ត្រូវបានជ្រើសរើសធ្វើជាអនុលេខាសម្ព័ន្ធយុវជនសាលា មានកិត្តិយសតំណាងឱ្យសាលាទទួលអាហារូបករណ៍វ៉ឺអាយិញ។

ឆ្នាំ ២០០៨ ហ្វីហាវ បានប្រឡងជាប់សាលានាយទាហាននយោបាយ ដោយជាប់ ២៧,៥ ពិន្ទុ។ “ខ្ញុំជ្រើសរើសចូលរៀនសាលាយោធា តាមដែលខ្លួនពេញចិត្ត ម្យ៉ាងទៀតដើម្បីបានសម្រាលបន្ទុកដល់អ្នកម្តាយផង”។ បញ្ចប់វគ្គបណ្តុះបណ្តាលសិក្ខាកាមរយៈពេល ១ ឆ្នាំនៅកងវរៈសេនាតូចលេខ ១៨ (សាលានាយទាហានជើងគោកលេខ ១) ហ្វីហាវ បានឡើងឋានន្តរស័ក្តិរំលងថ្នាក់ ពីពលទោឡើងពលបាលត្រី។ ក្រោយរយៈពេល ៦ ខែ ព្រិន្ទបាលឯក ត្រឹងហ្វីហាវ បានចូលក្នុងកងជួរបក្ស។ ពិសេស ឆ្នាំ ២០១៣ ហ្វីហាវ ក៏បានសាលាជ្រើសរើសចូលក្រុមសិល្បៈ ចូលរួមមួយផ្នែកក្នុងពិធីប្រឡង OLYMPIC លើវិញ្ញាសាវិទ្យាសាស្រ្តម៉ាក្ស-ឡេនីន ឧត្តមគតិហូជីមិញទូទាំងកងទ័ពលើក VI ។

ខែកញ្ញា ឆ្នាំ ២០១៣ អនុសេនីយ៍ត្រី ត្រឹងហ្វីហាវ ប្រឡងបញ្ចប់ការសិក្សាត្រូវបានបញ្ជូនមកទទួលតំណែងជាស្នងការនយោបាយ អនុប្រធានកងអនុសេនាធំលេខ ៨ កាំភ្លើងត្បាល់ទំហំ ៨២mm កងវរសេនាតូច ៣១២ នៃកងវរសេនាធំលេខ ៣។ ផ្តើមពីនោះ ទន្ទឹមជាមួយនឹងការសម្រេចភារកិច្ច ឈ្នះរង្វាន់ក្នុងពិធីប្រឡងកម្មាភិបាលបង្ហាត់បង្រៀននយោបាយពូកែច្រើនឆ្នាំ បន្តបន្ទាប់ ហ្វីហាវតែងមានគំនិតច្នៃប្រតិដ្ឋ ផ្លាស់ថ្មីសកម្មភាពការងារសម្ព័ន្ធយុវជននិងចលនាយុវជន។ “ឧបមាដូចនៅក្នុងអង្គភាព “ថ្ងៃខួបកំណើតមិត្តរួមកង” រៀងរាល់ខែ ខ្ញុំតែងគួបផ្សំនូវបទយកការណ៍អំពីជីវភាព ពាក្យផ្តាំផ្ញើពីគ្រួសារ និងមិត្តភ័ក្តិយុទ្ធជនជាដើម។ មានយុទ្ធជន ខ្លះដែលមិនបានរៀបចំពិធីខួបកំណើត ម្ល៉ោះហើយទោះបីនៅឆ្ងាយពីគ្រួសារ ប៉ុន្តែមានអារម្មណ៍ដូចសាច់ញាតិនៅក្បែរ ហើយខិតខំព្យាយាមរៀនសូត្រ លត់ដំ។ ជារៀងរាល់លើក ខ្ញុំយល់ឃើញថាគឺមានខ្លួនយើងក្នុងនោះក៏មាន ក្តីសុខដោយពាក្យជូនពរថ្ងៃខួបកំណើត។ ទន្ទឹមនឹងនោះ ខ្ញុំគួបផ្សំល្បែងកម្សាន្ត “បងប្អូនសាមគ្គី” “យល់ចិត្តមិត្តរួមកង” ឬក៏បង្ហាញសម្លៀកបំពាក់ ដែលច្នៃឡើងវិញពីសំណល់សំរាមជ័រ សំដៅលើកកម្ពស់ស្មារតីភ្ញាក់រលឹកក្នុងការការពារបរិស្ថាន កសាងទិដ្ឋភាពក្នុងអង្គភាព” ហ្វីហាវ បានរៀបរាប់ដូច្នេះ។

យុវជននាយទាហានជនជាតិខ្មែរអាយុ ៣៣ ឆ្នាំ ត្រឹងហ្វីហាវ ថែមទាំងជាកម្លាំងស្នូលម្នាក់ ក្នុងចំណោមកម្លាំងស្នូលទាំងឡាយដែលពាំនាំ ទម្រង់ទស្សនីយកម្ម ផ្សព្វផ្សាយពីសកម្មភាពនានា-មួយក្នុងចំណោមទម្រង់រូបភាពអប់រំដ៏មានប្រសិទ្ធភាពពីព្រោះមានភាពសប្បាយរីករាយ ងាយយល់និងចងចាំបានយូរផង។ វរសេនីយ៍ទោ វ៉វ៉ាន់សាង ស្នងការនយោបាយរងនៃកងវរៈសេនាធំលេខ ៣ ឱ្យដឹង៖ “សមមិត្តហាវ រួមជាមួយនឹងគណៈប្រតិបត្តិការសម្ព័ន្ធយុវជនមូលដ្ឋាន បានកសាងនូវវណ្ណកម្មជាច្រើន មានដូចជា៖ “មិត្តរួមកងរបស់ឪពុក” ស្តីពីវិធានការ ឥរិយាបថការងាររបស់កម្មាភិបាលយោធា; “រឿងរ៉ាវគ្រួសារ” ស្តីពីការស្រុះស្រួលរវាងកិច្ចការផ្ទះនិងស្ថាប័ន; “មួយនាទីវិប្បដិសារី” ស្តីពីអនុវត្តច្បាប់ចរាចរណ៍ផ្លូវគោក។ល។ ពិសេស រាល់ដំណើររឿងទាំងនេះ តែងមានវត្តមានសមមិត្តហាវ ចូលរួមរៀបចំចាត់ចែងនិងធ្វើបទបង្ហាញ”៕

ហូគៀងយ៉ាង-លីសៀ

ចែករំលែកអត្ថបទ

ពាក្យគន្លឹះ