គោលនយោបាយ -ការរស់នៅ ច្បាប់

27/09/2022 - 09:45

កសាងប្រព័ន្ធសំណុំឯកសារសុរិយោដី និងមូលដ្ឋានទិន្នន័យគ្រប់គ្រងដីធ្លី នៅស្រុកថើយឡាយ

មន្ទីរធនធាននិងបរិស្ថានក្រុងកឹងធើ ផ្សព្វផ្សាយអនុវត្តគម្រោងកសាងប្រព័ន្ធសំណុំឯកសារសុរិយោដី និងមូលដ្ឋានទិន្នន័យគ្រប់គ្រងដីធ្លីនៅស្រុកថើយឡាយ។ តាមរយៈនោះ អ្នកប្រើប្រាស់ដីធ្លីនៅលើភូមិសាស្ត្រឃុំ ទីប្រជុំជន ក្នុងស្រុក ខ្នះខ្នែងអនុវត្តបែបបទចុះបញ្ជីផ្ទេរនិងប្តូរប័ណ្ណកម្មសិទ្ធិប្រើប្រាស់ដីធ្លី។

លោកង្វៀងវ៉ាន់បាង នៅឃុំថើយថាញ់ រំភើបរីករាយ ក្រោយពីសម្រេចការរាយឈ្មោះចុះបញ្ជី សូមផ្ទេរនិងផ្តល់ប័ណ្ណកម្មសិទ្ធិប្រើប្រាស់ដីធ្លី។

លោកង្វៀងថាញ់តិត ប្រធានគណៈកម្មាធិការប្រជាជនឃុំត្រឿងស្វឹង B ស្រុកថើយឡាយ ឱ្យដឹង៖ “អ្នកប្រើប្រាស់ដីធ្លីត្រូវអនុវត្តការចុះបញ្ជី រួមមាន៖ អង្គការនានាក្នុងប្រទេស; គ្រួសារ បុគ្គលក្នុងប្រទេស; សហគមន៍ប្រជាជនកំពុងប្រើប្រាស់ដីធ្លី។ល។ ក្រោយពីផ្តល់សច្ចានុម័តិលើផែនការ ចុះបញ្ជី ប្រធានគណៈកម្មាធិការប្រជាជនឃុំ ចង្អុលការផ្សព្វផ្សាយ ជូនដំណឹងដល់ម្ចាស់កម្មសិទ្ធិប្រើប្រាស់ដីធ្លីទាំងអស់។ ទន្ទឹមនឹងនោះ ផ្ញើសេចក្តីប្រកាសទាំងនោះចុះទៅតាមភូមិ ដើម្បីធ្វើការផ្សព្វផ្សាយនិងជូនដំណឹងដល់អ្នកប្រើប្រាស់ដីធ្លី បានជ្រាបច្បាស់នៅពេលវេលា ទីតាំងចុះបញ្ជី តិចបំផុតពី ៣-៦ ថ្ងៃ”។

តាមប្រសាន៍លោកឡេតឹងទៀង ប្រធានការិយាល័យធនធានិងបរិស្ថានស្រុកថើយឡាយ អនុវត្តតាមការណែនាំរបស់មន្ទីរធនធាននិងបរិស្ថានក្រុង សំណុំបែបបទចុះបញ្ជីរួមមាន ករណីដូចជា៖ ផ្តល់ជូនថ្មី (ឬហៅថាផ្តល់ជូនលើកដំបូង ចំពោះក្បាលដីពុំទាន់បានរដ្ឋផ្តល់ប័ណ្ណកម្មសិទ្ធិប្រើប្រាស់ដីធ្លីម្តងណា ឥឡូវរាយឈ្មោះក្បាលដីចុះបញ្ជីសូមផ្តល់ប័ណ្ណកម្មសិទ្ធិ ប្រើប្រាស់ដីធ្លី); ការផ្ទេរនិងប្តូរប័ណ្ណ (ចំពោះក្បាលដីគ្រប់លក្ខណៈបានរដ្ឋផ្តល់ប័ណ្ណកម្មសិទ្ធិ ប្រើប្រាស់ដីធ្លី ឥឡូវរាយឈ្មោះចុះបញ្ជីសូមប្តូរ និងផ្តល់ប័ណ្ណកម្មសិទ្ធិប្រើប្រាស់ដីធ្លី); ផ្តល់ថ្មីដោយមានការផ្លាស់ប្តូរ (ករណីដែលមានការផ្លាស់ប្តូរអំពីកម្មសិទ្ធិប្រើប្រាស់ដីធ្លី ព្រំដី ផ្ទៃដី)។

មន្ទីរធនធាននិងបរិស្ថានក្រុង បានកំណត់ច្បាស់នូវភារកិច្ចរបស់គណៈកម្មាធិការប្រជាជនថ្នាក់ឃុំ គឺត្រួតពិនិត្យ បញ្ជាក់លើឯកសារ រាយឈ្មោះ ចុះបញ្ជីផ្តល់ប័ណ្ណកម្មសិទ្ធិប្រើប្រាស់ដីធ្លី; បញ្ជាក់ច្បាស់ពីប្រភពប្រើប្រាស់ដីធ្លី; ក្នុងករណីក្បាលដីមានការផ្លាស់ប្តូរផ្ទៃដី ចំពោះក្រដាសស្នាមតាមមាត្រា ១០០ នៃច្បាប់ដីធ្លី។ល។ សាខាការិយាល័យចុះបញ្ជីដីធ្លីស្រុក ពិនិត្យសំណុំបែបបទចុះបញ្ជី ពិនិត្យបញ្ជាក់ក្បាលដីជាក់ស្តែង (ប្រសិនបើឃើញថាចាំបាច់) បញ្ជាក់ថា គ្រប់លក្ខណៈឬមិនទាន់គ្រប់លក្ខណៈផ្តល់ប័ណ្ណ កម្មសិទ្ធិប្រើប្រាស់ដីធ្លីទៅលើឯកសារចុះបញ្ជី (លិខិតសូមផ្តល់ថ្មី) បញ្ជាក់ពីមូលហេតុផ្លាស់ប្តូរនិងផ្តល់ប័ណ្ណកម្មសិទ្ធិប្រើប្រាស់ដីធ្លី (លិខិតសូមប្តូរ) និងខ្លឹមសារនៃការផ្ទេរកម្មសិទ្ធិប្រើប្រាស់ដីធ្លី; ធ្វើលិខិតប្ដូរព័ត៌មានសុរិយោដីដើម្បីបញ្ជាក់ពីកាតព្វកិច្ចហិរញ្ញវត្ថុផ្ញើទៅស្ថាប័នពន្ធដារ។ល។ ការិយាល័យធនធាននិងបរិស្ថាន មានភារកិច្ចក្នុងការត្រួតពិនិត្យសំណុំបែបបទរាយឈ្មោះចុះបញ្ជី និងប័ណ្ណកម្មសិទ្ធិប្រើប្រាស់ដីធ្លី ដែលសាខាការិយាល័យចុះបញ្ជីដីធ្លីស្រុកផ្ញើមក; ធ្វើលិខិតរាយការណ៍ពីការផ្តល់ប័ណ្ណកម្មសិទ្ធិប្រើប្រាស់ដីធ្លី (ភ្ជាប់ជាមួយបញ្ជីឈ្មោះ ផ្តល់ប័ណ្ណកម្មសិទ្ធិប្រើប្រាស់ដីធ្លី) លើកជូនគណៈកម្មាធិការប្រជាជនស្រុក ចុះហត្ថលេខាផ្តល់ជូនប័ណ្ណកម្មសិទ្ធិប្រើប្រាស់ដីធ្លី (ករណីផ្តល់ជូនថ្មី); ទទួលសំណុំបែបបទនិងប័ណ្ណកម្មសិទ្ធិប្រើប្រាស់ដីធ្លី ដែលបានគណៈកម្មាធិការប្រជាជនស្រុកចុះហត្ថលេខា រួចផ្ញើទៅសាខាការិយាល័យចុះបញ្ជីដីធ្លីស្រុក...៕

វ៉ាន់ត្រៀង-មុនី

ចែករំលែកអត្ថបទ

ពាក្យគន្លឹះ