គោលនយោបាយ -ការរស់នៅ ច្បាប់

19/09/2022 - 14:41

សម្រេចការផ្តល់ជូនអត្តសញ្ញាណប័ណ្ណពលរដ្ឋ ភ្ជាប់បន្ទះឈីបមុនថ្ងៃទី ៣០ ខែកញ្ញា

បន្ទាប់ពីសម្រេចមូលដ្ឋានទិន្នន័យជាតិអំពីការស្នាក់នៅរបស់ប្រជាជន (ខែកុម្ភៈ ឆ្នាំ ២០២១) ក្រសួងនគរបាល បានផ្សព្វផ្សាយភ្ជាប់លេខអត្តសញ្ញាណ និងប្រកាសលេខអត្តសញ្ញាណផ្ទាល់ខ្លួនដល់ពលរដ្ឋ ក្នុងទូទាំងប្រទេស ដើម្បីសម្រេចការផ្តល់ជូនអត្តសញ្ញាណប័ណ្ណពលរដ្ឋភ្ជាប់បន្ទះឈីបមុនថ្ងៃទី ៣០ ខែកញ្ញា។

កម្លាំងនគរបាលឃុំអៀងថឿង ស្រុកយ៉ាឡឹម (រដ្ឋធានីហាណូយ) បានទទួលនិងបំពេញបែបបទធ្វើអត្តសញ្ញាណប័ណ្ណពលរដ្ឋភ្ជាប់បន្ទះឈីបជូនប្រជាជន។ រូបថត៖ ផាមកៀង/TTXVN

តាមប្រសាសន៍ឧត្តមសេនីយ៍ទោ តូអឹងសូ នាយការិយាល័យនៃក្រសួងនគរបាល លេខកូដអត្តសញ្ញាណផ្ទាល់ខ្លួនរបស់ប្រជាជនត្រូវបានផ្តល់ជូនចាប់ពីពេលពលរដ្ឋបានកើតមក ហើយក៏ជាលេខអត្តសញ្ញាណប័ណ្ណបន្ទាប់ពីពលរដ្ឋគ្រប់អាយុធ្វើអត្តសញ្ញាណប័ណ្ណ។ ទន្ទឹមនឹងនោះ ក៏បានផ្សព្វផ្សាយយុទ្ធនាការប្រមូល និងផ្តល់ជូនអត្តសញ្ញាណប័ណ្ណពលរដ្ឋភ្ជាប់បន្ទះឈីបចំនួន ៥០ លានច្បាប់ ជូនដល់ពលរដ្ឋក្នុងទូទាំងប្រទេស ដើម្បីប្រជាជនឆាប់បានទទួលអត្ថប្រយោជន៍ពីអត្តសញ្ញាណប័ណ្ណថ្មីនេះ។

យុទ្ធនាការផ្តល់ជូនអត្តសញ្ញាណប័ណ្ណនេះ ត្រូវបានធ្វើឡើងដោយការប្តេជ្ញាចិត្តខ្ពស់ កងកម្លាំងនគរបាលបានចុះទៅជួបប្រជាជនដើម្បីធ្វើជូន ម្ល៉ោះហើយទទួលបានការគាំទ្រ និងវាយតម្លៃខ្ពស់ពីសំណាក់ពលរដ្ឋ។ ក្រសួងនគរបាល បានសកម្មផ្សព្វផ្សាយអនុវត្តនូវវិធានការខិតខំសម្រេចការផ្តល់ជូនអត្តសញ្ញាណប័ណ្ណពលរដ្ឋ ភ្ជាប់បន្ទះឈីបដល់ពលរដ្ឋដែលគ្រប់លក្ខណសម្បត្តិមុនថ្ងៃទី ៣០ ខែកញ្ញា ឆ្នាំ ២០២២។

ទន្ទឹមនឹងការជំរុញការផ្តល់ជូនអត្តសញ្ញាណប័ណ្ណពលរដ្ឋភ្ជាប់បន្ទះឈីប កាលពីថ្ងៃទី ១៨ ខែកក្កដា ឆ្នាំ ២០២២ ក្រសួងនគរបាលក៏បានអនុវត្តសម្រេចនូវការបង្កើត និងប្រកាសដាក់ឱ្យប្រើប្រាស់ប្រព័ន្ធអត្តសញ្ញាណ និងផ្ទៀងផ្ទាត់ ដោយប្រព័ន្ធអេឡិចត្រូនិកសម្រេចជាផ្លូវការផងដែរ។ នេះជាជំហានវិវឌ្ឍន៍ថ្មីមួយ ធ្វើឱ្យវៀតណាមក្លាយជាប្រទេសមួយក្នុងចំណោមប្រទេសដែលមានអត្តសញ្ញាណអេឡិចត្រូនិកជាតិជាផ្លូវការ (គណនីអត្តសញ្ញាណអេឡិចត្រូនិកត្រូវបានចាត់ទុកដូចជា “អត្តសញ្ញាណប័ណ្ណពលរដ្ឋលើប្រព័ន្ធអីុនធឺណិត”)។ ទន្ទឹមនឹងនោះ ក្រសួងនគរបាលក៏កំពុងជំរុញការសិក្សាស្រាវជ្រាវ និងរួមបញ្ចូលព័ត៌មានទៅក្នុងអត្តសញ្ញាណប័ណ្ណ ដើម្បីបង្កលក្ខណៈងាយស្រួល បំផុតជូនប្រជាជន តួយ៉ាងដូចរួមបញ្ចូលព័ត៌មាននៃប័ណ្ណធានារ៉ាប់រងសុខាភិបាល ជូនប្រជាជនសម្រាប់ប្រើប្រាស់អត្តសញ្ញាណប័ណ្ណភ្ជាប់បន្ទះឈីបទៅពិនិត្យសុខភាពនៅតាមគ្រឹះស្ថានសុខាភិបាល (សព្វថ្ងៃ មានគ្រឹះស្ថានសុខាភិបាល ៥៣,១% បានផ្សព្វផ្សាយអនុវត្ត)។ អនុវត្តសាកល្បងការផ្ទៀងផ្ទាត់អត្តសញ្ញាណតាមរយៈអត្តសញ្ញាណប័ណ្ណពលរដ្ឋភ្ជាប់បន្ទះឈីបនៅបញ្ជរដោះដូរនៃធនាគារចំនួន ៥ គឺ (BIDV, Viettinbank, Vietcombank, Agribank, Pvcombank); សាកល្បងប្រើប្រាស់អត្តសញ្ញាណប័ណ្ណ ជំនួសកាត ATM ដោយជោគជ័យ។ល។

ដើម្បីពន្លឿនដំណើរការផ្តល់ជូនអត្តសញ្ញាណប័ណ្ណពលរដ្ឋភ្ជាប់បន្ទះឈីប គណនីអត្តសញ្ញាណអេឡិចត្រូនិក និងបង្កើនការប្រើប្រាស់នាពេលខាងមុខ ឧត្តមសេនីយ៍ទោ តូអឹងសូ មានប្រសាសន៍៖ ក្រសួងនគរបាលនឹងបន្តចង្អុលការដល់នគរបាលគ្រប់ភូមិភាគផ្តុំកម្លាំង ឧបករណ៍ មធ្យោបាយ និងអនុវត្តនូវវិធានការរួម ដើម្បីផ្តល់ជូនអត្តសញ្ញាណប័ណ្ណពលរដ្ឋ និងគណនីអត្តសញ្ញាណអេឡិចត្រូនិក។

ក្រសួងនគរបាលបានប្រគល់ការដល់នាយកនគរបាលភូមិភាគអនុវត្តដោយការប្តេជ្ញាចិត្តខ្ពស់ និងព្រមៗគ្នានូវកិច្ចចង្អុលការរបស់ក្រសួងនគរបាល។ ក្នុងអំឡុងពេលផ្សព្វផ្សាយ ត្រូវមានការត្រួតពិនិត្យ ឃ្លាំមើល និងត្រូវយកចិត្តទុកដាក់ លើកទឹកចិត្ត ស្ងើចសរសើរនិងជូនរង្វាន់ឱ្យបានទាន់ពេលដល់កម្មាភិបាល និងយុទ្ធជន។ ព្រមទាំងធ្វើការរិះគន់ដល់អង្គភាពណាដែលទទួលបានលទ្ធផលទាប៕

យោងតាមទីស្នាក់ការសារព័ត៌មានវៀតណាម - បកប្រែ៖ សុផន

ចែករំលែកអត្ថបទ

ពាក្យគន្លឹះ