ព្រឹត្តិការណ៍ - នយោបាយ ព្រឹត្តិការណ៍

05/09/2022 - 14:17

សមាគមកាកបាទក្រហមក្រុងកឹងធើ ជូនអំណោយដល់ជនរួមជាតិខ្មែរនៅខេត្តត្រាវិញ

(កឹងធើ) កាលពីថ្ងៃទី ២០ ខែសីហា គណៈប្រតិភូនៃកម្មាភិបាលសមាគមកាកបាទក្រហមក្រុងកឹងធើ សហការជាមួយសមាគមកាកបាទក្រហមខេត្តត្រាវិញ រៀបចំកម្មវិធីជួបជុំ ជូនអំណោយដល់គ្រួសារជនជាតិខ្មែរក្រីក្រនៅស្រុកយ្វៀងហាយ ខេត្តត្រាវិញ ក្នុងឱកាសបុណ្យសែនដូនតា ឆ្នាំ ២០២២។

លោកស្រី ហ្វិញថាញថាវ ប្រធានសមាគមកាកបាទក្រហមក្រុងកឹងធើ ជូនអំណោយដល់មាមីងខ្មែរនៅស្រុកយ្វៀងហាយ ខេត្តត្រាវិញ។

នៅក្នុងឱកាសនេះ គណៈប្រតិភូបានសាកសួរសុខទុក្ខ ប្រសិទ្ធពរបុណ្យសែនដូនតា និងជូនអំណោយចំនួន ១៥០ ចំណែកដល់មាមីងជនរួមជាតិខ្មែរ និងសមាជិកកាកបាទក្រហមលើភូមិសាស្ត្រស្រុកដែលមានស្ថានភាពលំបាក។ អំណោយមួយចំណែកៗគិតជាតម្លៃ ៥៥០.០០០ ដុង រួមមាន៖ ប្រាក់សុទ្ធ ១៥០.០០០ ដុង អង្ករ ១០ គីឡូក្រាម គ្រឿងឧបភោគបរិភោគមួយចំនួន អាស្រ័យដោយសមាគមកាកបាទក្រហមក្រុងកឹងធើ ព្រះតេជព្រះគុណ ធិតមិញថុង អនុប្រធានប្រចាំការនៃគណៈអភិបាលសមាគមពុទ្ធសាសនាវៀតណាមក្រុងកឹងធើ ព្រះចៅអធិការវត្តផឹកហុកកឹងធើ និងគណៈប្រតិបត្តិការក្រុម មនុស្សធម៌នៃមន្ទីរពេទ្យពហុព្យាបាលមជ្ឈិមកឹងធើឧបត្ថម្ភ។

សកម្មភាពនេះ ឋិតក្នុងក្របខ័ណ្ឌអំណរមហាសន្និបាតតំណាងទូទាំងប្រទេសសមាគមកាកបាទក្រហមវៀតណាម លើកទី ១១ អាណត្តិកាល ២០២២-២០២៧៕

ដំណឹងនិងរូបថត៖ ស្វឹងដាវ-មុនី

ចែករំលែកអត្ថបទ

ពាក្យគន្លឹះ