ព្រឹត្តិការណ៍ - នយោបាយ ព្រឹត្តិការណ៍

05/09/2022 - 14:17

សុកត្រាំង ជូនអាហារូបករណ៍ និងសៀវភៅសន្សំសំចៃដល់កូនរបស់សមាជិកសហជីពដែលស្លាប់ដោយសារជំងឺ COVID-១៩

សម្ព័ន្ធពលកម្មខេត្ត ទើបសហការជាមួយនឹងសមាគមជំរុញការសិក្សាខេត្តសុកត្រាំងរៀបចំកម្មវិធី “ព្រួតដៃជំរុញដំណើរប្អូនៗទៅកាន់សាលា និងជូនសៀវភៅសន្សំសំចៃដល់កូនរបស់សមាជិកសហជីពដែលស្លាប់ដោយសារជំងឺ COVID- ១៩” សិស្សានុសិស្សដែលជាកូនរបស់កម្មាភិបាល សមាជិកអ្នករដ្ឋការ កម្មករនិយោជិត ដែលមានស្ថានភាពលំបាក រៀនពូកែ។ ឆ្លងតាមរយៈនោះ កម្មវិធីបានជូនអាហារូបករណ៍ ៧០ ចំណែក គិតជាតម្លៃទឹកប្រាក់ ៧០ លានដុង សៀវភៅសរសេរ ១២០.០០០ ក្បាល កាបូបស្ពាយសម្រាប់កុមារចំនួន ៥០០ ដល់សិស្សានុសិស្ស និងជូនសៀវភៅសន្សំសំចៃសហជីពវៀតណាមដល់កុមារកំព្រា ជាកូនរបស់សមាជិកសហជីពដែលស្លាប់ដោយសារជំងឺ COVID-១៩។

តំណាងសម្ព័ន្ធពលកម្មខេត្តនិងសមាគមជំរុញការសិក្សាខេត្តសុកត្រាំង ជូនអាហារូបករណ៍ដល់សិស្សានុសិស្ស។

នេះជាលើកទី ៤ នៃកម្មវិធី “ព្រួតដៃជំរុញដំណើរប្អូនៗទៅកាន់សាលា” បានរៀបចំឡើង សំដៅឧបត្ថម្ភ លើកទឹកចិត្តដល់កូនៗកម្មាភិបាល សមាជិកសហជីពក្រីក្រលំបាក ខិតខំឈានឡើងសម្រេចស្នាដៃល្អក្នុងការរៀនសូត្រ និងលត់ដំ៕

លីធាន - ថាច់ធី

ចែករំលែកអត្ថបទ

ពាក្យគន្លឹះ