មហាសាមគ្គីជនជាតិ គំរូក្នុងសហគមន៍

11/07/2022 - 16:29

ប្រធានសមាគមអស់ពីចិត្ត

បងហ្វិញមិញភូ ប្រធានគណៈកម្មាធិការសង្កាត់ទ្រឿងឡាក ខណ្ឌអូរម៉ូង ក្រុងកឹងធើ វាយតម្លៃខ្ពស់ចំពោះការខ្នះខ្នែងអស់ពីចិត្តរបស់បងលីមិញហាយ ប្រធានសមាគមអតីតយុទ្ធជនសង្កាត់។

បងលីមិញហាយ។

ក្រោយពីចេញពីជួរទ័ពនៅឆ្នាំ ១៩៩៦ បងហាយបានត្រឡប់មកស្រុកកំណើតរៀបការនិងជួលដីស្រែដើម្បីពង្រីកសេដ្ឋកិច្ច។ ពេលទំនេរ បងហាយ តែងចូលរួមធ្វើកិច្ចការនៅមណ្ឌល។ ជួនកាលជួយមនុស្សចាស់គ្មានទីពឹង ពេលខ្លះរួមជាមួយមាមីងលើកដីប៉ះផ្លូវជនបទក្នុងមណ្ឌល ។ ដោយឃើញគាត់ខ្នះខ្នែងអស់ពីចិត្ត ម៉្លោះហើយភូមិភាគក៏ចលនាគាត់ឱ្យធ្វើនគរបាលភូមិ។ ក្រោយរយៈពេល ១ ឆ្នាំចេញពីជួរទ័ព គាត់មានកិត្តិយស បានឧទ្ទេសនាមចូលក្នុងកងជួរបក្ស។ បងហាយ រំលឹក៖ “ឆ្នាំ ១៩៩៧ ខ្ញុំជាមុខសញ្ញាបក្សម្នាក់ក្នុងចំណោមចំនួនតិចដែលកំពុងបម្រើការនៅក្នុងភូមិ (ឃុំទ្រឿងឡាកចាស់) បានចូលក្នុងកងជួរបក្ស ខ្ញុំពិតជារំភើបចិត្តណាស់”។ ក្រោយមកគាត់ក៏បានឡើងធ្វើជានគរបាលឃុំទ្រឿងឡាក ព្រោះគាត់ធ្វើការមានប្រសិទ្ធភាព។ លុះពេលនគរបាលក្រុងបញ្ជូននគរបាលរៀបរយមកបម្រើការនៅមូលដ្ឋាន សង្កាត់ទ្រឿងឡាកក៏សម្រេចចិត្តបញ្ជូនបងហាយមកទទួលបន្ទុកផ្នែកខាងសមាគមអតីតយុទ្ធជនសង្កាត់។

ក្នុងនាមជាប្រធានសមាគមអតីតយុទ្ធជនសង្កាត់ទ្រឿងឡាក បងហាយ តែងយកចិត្តទុកដាក់ដល់ការអភិវឌ្ឍរបស់សមាជិក។ បងហាយ ឱ្យដឹង៖ “ប្រការដែលខ្ញុំរំភើបចិត្តបំផុតនោះគឺ រហូតមកទល់ពេលនេះ សមាជិកអតីតយុទ្ធជនទាំងអស់របស់សង្កាត់ សុទ្ធសឹងមានផ្ទះសម្បែងលំនឹង។ អាស្រ័យកម្មវិធីផ្ទះមិត្តរួមកង ផ្ទះមហាសាមគ្គី ផ្ទះឧបការគុណ ទើបសមាជិកមានកន្លែងនៅសុខស្រួល ឥឡូវគិតតែពីខិតខំប្រឹងប្រែងធ្វើការរកស៊ីប៉ុណ្ណោះ” ។ តាមប្រសាសន៍ បងហាយ សមាគមអតីតយុទ្ធជនសង្កាត់តែងសហការជាមួយសមាគម អង្គការមហាជននានានៅមូលដ្ឋាន ដើម្បីយកចិត្តទុកដាក់ ជួយឧបត្ថម្ភដល់សមាជិក។ ក្នុងនោះ ពិសេសគឺសហការជាមួយសមាគមកសិករសង្កាត់ ដើម្បីកសាងទម្រង់សេដ្ឋកិច្ចកសិកម្មប្រកបដោយប្រសិទ្ធភាព។ បងដាវកឿង ជាសមាជិកកសិករនៅមណ្ឌលប៊ិញឡើយ ឱ្យដឹង៖ “អាស្រ័យបានសមាគមកសិករឧទេ្ទសនាមឱ្យបុលទុនអាទិភាព ទើបខ្ញុំហ៊ានបង្វែរផ្ទៃដីផលិតស្រូវផ្តល់ទិន្នផលទាបមកលើកចម្ការដាំមៀន Ido ។ ឥឡូវ មៀនប្រមូលផលបានពីរបីរដូវហើយ ឃើញថាជីវភាពគ្រួសារខ្ញុំមានភាពប្រសើរជាងមុនច្រើន។ ក្នុងការដាំមៀន ដោយជាអ្នកនៅក្នុងភូមិស្រុក ម៉្លោះហើយ បងហាយ តែងមកលើកទឹកចិត្តជួយឧបត្ថម្ភគ្រួសារខ្ញុំ”។

ដោយឃើញតំណែងកាកបាទក្រហម នៅមណ្ឌលមិនទាន់មានអ្នកទទួលបន្ទុក ខណៈពេលអ្នកត្រូវការជំនួយនៅមានច្រើន ដូច្នេះ បងហាយ មកផ្ទះលើកទឹកចិត្តប្រពន្ធឱ្យចូលរួមការងារសង្គម។ បងស្រីដាវធីហុងធឹម ប្រពន្ធបងហាយ រៀបរាប់៖ “ដំបូងមិនទាន់ធ្លាប់ ប៉ុន្តែពេលជួយមនុស្សបានច្រើន ដោយឃើញទង្វើនេះមានអត្ថន័យ ខ្ញុំក៏សប្បាយៗធ្វើរហូតមកតែម្តង”៕

ហាថាញ-មុនី

ចែករំលែកអត្ថបទ

ពាក្យគន្លឹះ