គោលនយោបាយ -ការរស់នៅ គោលនយោបាយ

11/07/2022 - 16:29

គោលនយោបាយជាច្រើនផ្សព្វផ្សាយអនុវត្តមានប្រសិទ្ធភាព

ចាប់ពីដើមឆ្នាំ ២០២២ មកទល់ពេលនេះ ខេត្តសុកត្រាំង បានអនុវត្តនូវគោលនយោបាយដាច់ដោយឡែកជាច្រើន ដើម្បីអភិវឌ្ឍន៍តំបន់ជនជាតិភាគតិច។

លោកថាច់វ៉ែន នៅឃុំថាញ់ភូ សប្បាយរីករាយពេលបានឧបត្ថម្ភសង់ផ្ទះ។

គម្រោងឥណទានអនុគ្រោះដល់គ្រួសារក្រីក្រ ខេត្តបានឱ្យបុលទុនឥណទានអនុគ្រោះដល់គ្រួសារជនជាតិភាគតិច ៥.៣១៨ លើកគ្រួសារ ដោយទឹកប្រាក់សរុបជាង ១៥៨,៥ ពាន់លានដុង ដែលជាគ្រួសារក្រីក្រ គ្រួសារប្រកៀកបន្ទាត់ក្រ សម្រាប់វិនិយោគក្នុងការផលិតទិញពូជសត្វចិញ្ចឹម ចំណីសត្វ; ឧបត្ថម្ភជាង ១.៣០០ លើកគ្រួសារកសាងសំណង់ទឹកស្អាត និងអនាម័យបរិស្ថានជនបទ; មានគ្រួសារជាង ៥៦០ បានបុលទុនសម្រាប់ផលិតនិងធ្វើអាជីវកម្មនៅតំបន់លំបាក ដោយទឹកប្រាក់សរុបជាង ៤៥ ពាន់លានដុង។ គម្រោងបណ្ដុះបណ្ដាលមុខរបរ និងដោះស្រាយការងារធ្វើរបស់ខេត្ត បានបណ្ដុះបណ្ដាលដល់ពលករជាង ២.៩១០ នាក់; ដោះស្រាយការងារធ្វើជូនពលករជាង ៤.៧៣៤ នាក់។

ខេត្តនៅទាំងអនុវត្តគោលនយោបាយដាច់ដោយឡែកជាច្រើនទៀត មានដូច៖ ផ្ដល់ជូនប័ណ្ណធានារ៉ាប់រងសុខាភិបាលឥតគិតថ្លៃដល់គ្រួសារជនជាតិភាគតិចក្រីក្រ គ្រួសារប្រកៀកបន្ទាត់ក្រ; គម្រោងដំឡើងនាឡិកាទឹកប្រើប្រាស់ជូនគ្រួសារក្រីក្រលើភូមិសាស្រ្តជនបទនិងផ្គត់ផ្គង់អគ្គិសនី អគ្គិសនីឧបនីយកម្មជូនជនរួមជាតិភាគតិច។ល។ តាមប្រសាសន៍ លោកផាងម៉ាញលៀក ប្រធានគណៈកម្មាធិការប្រជាជនឃុំដាយអឹង ២ អាស្រ័យមានគោលនយោបាយដាច់ដោយឡែកជូនតំបន់ជនរួមជាតិខ្មែរ ម្ល៉ោះហើយមានកម្មវិធី គម្រោងជាច្រើនត្រូវបានវិនិយោគ។ ផ្ដើមពីនោះ ឃុំបានគួបផ្សំនូវគោលនយោបាយ កម្មវិធី គម្រោងវិនិយោគទាំងនោះ ដើម្បីឧបត្ថម្ភគ្រួសារក្រីក្រអភិវឌ្ឍន៍សេដ្ឋកិច្ច។ ហេតុនោះ គ្រួសារក្រីក្រ គ្រួសារប្រកៀកបន្ទាត់ក្រមានលក្ខណសម្បត្តិអភិវឌ្ឍន៍ផលិតកម្ម ធ្វើអាជីវកម្ម រួមចំណែកកាត់បន្ថយអត្រាគ្រួសារក្រីក្រទូទាំងឃុំចុះនៅក្រោម ៣%។

លោកឡឹមសិទ្ធ ប្រធានគណៈជនជាតិខេត្តសុកត្រាំង ឱ្យដឹង៖ “ខេត្តកំពុងផ្សព្វផ្សាយនិងបែងចែកភារកិច្ចដល់មន្ទីរ ផ្នែក ដើម្បីអនុវត្តកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមនៅតំបន់ជនរួមជាតិភាគតិចដំណាក់កាល ២០២១ -២០៣០ ដំណាក់កាលទី ១៖ ចាប់ពីឆ្នាំ ២០២១ ដល់ឆ្នាំ ២០២៥។ នេះជាកម្មវិធីអភិវឌ្ឍន៍គ្រប់វិស័យនៅតំបន់ជនជាតិភាគតិច តាមការគ្រោងទុកចំនួនទុនសរុបអនុវត្តដំណាក់កាល ១ គឺ ២.៩២១.៦៧៦ លានដុង។ កម្មវិធីបានផ្សព្វផ្សាយ អនុវត្ត គឺបង្ហាញនូវការយកចិត្តទុកដាក់របស់បក្ស រដ្ឋ ចំពោះជនរួមជាតិភាគតិច”។ ទន្ទឹមនឹងនោះ គម្រោង “បង្កើនកិច្ចសហការអន្តរជាតិជំនួយអភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិច” រហូតដល់ឆ្នាំ ២០២៥ កំពុងបានខេត្តផ្សព្វផ្សាយអនុវត្តដោយថវិកាសរុបជិត ៦៧៥ ពាន់លានដុង។ យោងតាមនោះ មានគម្រោងចំនួន ១១ ត្រូវបានផ្សព្វផ្សាយវិនិយោគលើវិស័យនានា ដូចជា៖ អភិវឌ្ឍន៍ហេដ្ឋារចនាសម្ព័ន្ធសុខាភិបាល ផ្គត់ផ្គង់ទឹកស្អាតនិងសម្អាតបរិស្ថាន ទប់ទល់ការប្រែប្រួលអាកាសធាតុ។ល។ រួមចំណែកលើកកម្ពស់ជីវភាពរបស់ជនរួមជាតិភាគតិច៕

 យ្វីអាញ- ថាច់ធី

ចែករំលែកអត្ថបទ

ពាក្យគន្លឹះ