សន្តិសុខ - ការពារប្រទេស ការពារប្រទេស

27/06/2022 - 16:35

កងទ័ពជើងទឹកវៀតណាម ធ្វើជាបង្អែកសម្រាប់នេសាទករចេញនេសាទ ច្បាមសមុទ្រ

បញ្ជាការដ្ឋានតំបន់ ២ នៃកងទ័ពជើងទឹក ទើបសហការជាមួយនឹងគណៈឃោសនាការអប់រំនៃគណៈកម្មាធិការបក្សខេត្ត មន្ទីរកសិកម្មនិងអភិវឌ្ឍន៍ជនបទខេត្តត្រាវិញ រៀបចំកម្មវិធី “កងទ័ពជើងទឹកវៀតណាម ធ្វើជាបង្អែកសម្រាប់នេសាទករចេញនេសាទច្បាមសមុទ្រ” នៅទីប្រជុំជនឌិញអាង ស្រុកថ្កូវ ខេត្តត្រាវិញ។

យុទ្ធជនបញ្ជាការដ្ឋានតំបន់ ២ នៃកងទ័ពជើងទឹក ពិនិត្យជំងឺនិងជូនថ្នាំពេទ្យដោយឥត
គិតថ្លៃដល់ប្រជាជននៅទីប្រជុំជនឌិញអាង។

បញ្ជាការដ្ឋានតំបន់ ២ នៃកងទ័ពជើងទឹក បានពិនិត្យជំងឺ ជូនថ្នាំពេទ្យដោយឥតគិតថ្លៃ និងពិគ្រោះសុខភាពជូននេសាទករនិងមុខសញ្ញាចំណុះក្របខ័ណ្ឌគ្រួសារក្រីក្រ ប្រកៀកបន្ទាត់ក្រ ចំនួន ១៥០ នាក់ លើភូមិសាស្រ្តទីប្រជុំជនឌិញអាង ព្រមទាំងជូនទង់ជាតិចំនួន ៥០០ អាវពោងចំនួន ១៥០ និងអំណោយចំនួន ១៥ ចំណែកដល់នេសាទករទាំងឡាយ។

កម្មវិធី”កងទ័ពជើងទឹកវៀតណាម ធ្វើជាបង្អែកសម្រាប់នេសាទករចេញនេសាទច្បាមសមុទ្រ” បានអនុវត្តនៅតាមខេត្ត ក្រុងប្របមាត់សមុទ្រនៅភូមិភាគខាងត្បូង ចាប់ពីខេត្តប៊ិញធ្វឹង រហូតដល់ខេត្តសុកត្រាំង សំដៅចែករំលែកបានទាន់ពេលនូវការលំបាក ក៏ដូចជាលើកទឹកចិត្តនេសាទករបន្តចេញនេសាទ ច្បាមសមុទ្រ ទាញយកផលសមុទ្របណ្ដើរ និងចូលរួមការពារអធិបតេយ្យកោះសមុទ្របណ្ដើរ៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ