សុខភាព - អប់រំ អប់រំ

21/06/2022 - 09:05

គៀងយ៉ាង បង្កើនការបង្រៀនភាសាវៀតដល់កុមារមតេ្តយ្យ សិស្សបឋមសិក្សានៅតំបន់ជនជាតិភាគតិច

គណៈកម្មាធិការប្រជាជនខេត្តគៀងយ៉ាង ទើបប្រកាសឱ្យប្រើផែនការលេខ៨០/KH- UBND ស្តីពីការបន្តផ្សព្វផ្សាយដំណាក់កាល ២ នៃគម្រោង” បង្កើនការបង្រៀនភាសាវៀតដល់កុមារមតេ្តយ្យ និងសិស្សបឋមសិក្សានៅតំបន់ជនជាតិភាគតិចដល់ឆ្នាំ ២០២៥”។ ឆ្លងតាមរយៈនោះ ទិសដៅជាក់ស្តែងដល់ឆ្នាំ ២០២២ គឺមានកុមារជនជាតិភាគតិចក្នុងកម្រិតអាយុមតេ្តយ្យ ៤០% ក្នុងនោះ កុមារមតេ្តយ្យអាយុ ៥ ឆ្នាំដែលរៀននៅតាមគ្រឹះស្ថាន អប់រំមតេ្តយ្យទាំង ១០០% ត្រូវបានបង្កើនការបង្រៀនភាសាវៀតដើម្បីត្រៀមលក្ខណៈចូលរៀនថ្នាក់ទី ១។ ដល់ឆ្នាំ ២០២៥ មានកុមារជនជាតិភាគតិចតិចបំផុត ៥០% ក្នុងកម្រិតអាយុមតេ្តយ្យ ក្នុងនោះ កុមារមតេ្តយ្យអាយុ ៥ ឆ្នាំដែលរៀននៅតាមគ្រឹះស្ថានអប់រំកម្រិតមតេ្តយ្យ ទាំង ១០០% ត្រូវបានបង្កើនការបង្រៀនភាសាវៀតដើម្បីត្រៀមលក្ខណៈចូលរៀនថ្នាក់ទី ១; ការកៀរគរសិស្សបឋមសិក្សាជាជនជាតិភាគតិច ចូលរៀនត្រូវតាមកម្រិតអាយុសម្រេច ១០០%; រៀងរាល់ឆ្នាំ សិស្សបឋមសិក្សាជាជនជាតិភាគតិចទាំង ១០០% ត្រូវបានផ្ដោតការយកចិត្តទុកដាក់បង្កើនការបង្រៀនភាសាវៀត; កម្មាភិបាលគ្រប់គ្រង គ្រូបង្រៀនមតេ្តយ្យ និងបឋមសិក្សាដែលបង្រៀននៅតំបន់ជនជាតិភាគតិចទាំង ១០០% បានបំពាក់បំប៉នចំណេះដឹង បំណិនវិធីសាស្រ្តរៀបចំសកម្មភាពបង្កើនការបង្រៀនភាសាវៀត; គ្រឹះស្ថានអប់រំកម្រិតមតេ្តយ្យនិងបឋមសិក្សាទាំង ១០០% មានសិស្សត្រូវការបង្កើនការបង្រៀនភាសាវៀត ត្រូវបានបំពេញបន្ថែមមូលដ្ឋានសម្ភារៈ បំពាក់ឧបករណ៍ប្រើប្រាស់ ប្រដាប់ក្មេងលេង ឯកសារ សិក្ខូបករណ៍ផ្នែកទន់ បម្រើដល់ការបង្ហាត់បង្រៀន។

ម៉ោងរៀនភាសាវៀតនៅសាលាបឋមសិក្សាទីប្រជុំជនមិញលឿង ស្រុកចូវថាញ់។

អនុវត្តដំណាក់កាល ១ របស់គម្រោង ចាប់ពីឆ្នាំ២០១៦-២០២០ ខេត្តគៀងយ៉ាង មានសិស្សជាជនជាតិភាគតិច ៩៤,៤៦% ចូលរៀនថ្នាក់ទី ១ បានឆ្លងកាត់ការរៀនថ្នាក់មតេ្តយ្យអាយុ ៥ ឆ្នាំ; សិស្សជនជាតិភាគតិចសម្រេចកម្រិតបឋមសិក្សាប្រមាណ ៩៦,៣៧%។ រៀងរាល់ឆ្នាំ មានសិស្សបឋមសិក្សាជាជនជាតិភាគតិចទាំង ១០០% ត្រូវបានផ្ដោតការយកចិត្តទុកដាក់បង្កើនការបង្រៀនភាសាវៀត។ សិស្សបានរៀនតាមឯកសារបង្កើនភាសាវៀតដល់កុមារតំបន់ជនជាតិភាគតិច។ កុមារកម្រិតមតេ្តយ្យ ត្រូវបានបង្កបរិយាកាសភាសាវៀតក្នុងថ្នាក់រៀន ដូចជា៖ រូបភាព ប្រដាប់លេង សិក្ខូបករណ៍; រៀបចំសកម្មភាពកម្សាន្តសប្បាយ ទំនាក់ទំនងសន្ទនាភាសាវៀតជារឿងៗក្នុងសកម្មភាពប្រចាំថ្ងៃ។ ចំនួនពេលបង្រៀននៅបឋមសិក្សាកើនឡើង ថ្នាក់ទី ១ ដែលមិនទាន់បានរៀន ២ ពេលក្នុងមួយថ្ងៃ ត្រូវបានអនុញ្ញាត ឱ្យកែតម្រូវខ្លឹមសារ ចំនួនពេលបង្រៀនវិញ្ញាសាផ្សេងៗ ដើម្បីផ្ដោតការយកចិត្តទុកដាក់លើការបង្រៀនភាសាវៀតនិងគណិតវិទ្យា៕

យ័ញភុក-វិមាន

ចែករំលែកអត្ថបទ

ពាក្យគន្លឹះ