គោលនយោបាយ -ការរស់នៅ ច្បាប់

21/06/2022 - 09:05

ព្រមានអំពីឧក្រិដ្ឋកម្មជួញដូរព័ត៌មានគណនីធនាគារ អត្តសញ្ញាណបណ្ណពលរដ្ឋ

រយៈពេលកន្លង ការធ្វើសកម្មភាពប្រមូល ជួញដូរព័ត៌មានខុសច្បាប់អំពីគណនីធនាគារ អត្តសញ្ញាណបណ្ណពលរដ្ឋ អត្តសញ្ញាណបណ្ណរបស់ប្រជាជន មានការប្រែប្រួលយ៉ាងស្មុគស្មាញ នៅភូមិភាគមួយចំនួន។

នគរបាលភូមិភាគនានា បានអនុវត្តនូវវិធានការវិជ្ជាជីវៈ ដើម្បីបង្ការទប់ស្កាត់ ប្រទះឃើញនិងចាត់វិធានការយ៉ាងម៉ឺងម៉ាត់តាមផ្លូវច្បាប់។ រូបថត៖ ជាឧទាហរណ៍។

តាមការវាយតម្លៃរបស់នាយកដ្ឋាននគរបាលព្រហ្មទណ្ឌ (ក្រសួងនគរបាល) កលល្បិចធ្វើសកម្មភាពបំពានច្បាប់លេចឡើងរបស់មុខសញ្ញា គឺ៖ ឆ្លៀតយកការធ្វេសប្រហែសរបស់ប្រជាជនក្នុងការចែករំលែក រូបភាពអត្តសញ្ញាណបណ្ណពលរដ្ឋ អត្តសញ្ញាណបណ្ណ សៀវភៅគ្រួសារនៅលើបណ្តាញសង្គម (Zalo, Facebook ជាដើម) និងប្រើប្រាស់ក្នុងការចុះឈ្មោះប្រើសេវាកម្មអនឡាញ (ទិញទំនិញ ដាក់ពាក្យសុំការងារបុលប្រាក់ជាដើម) ដើម្បីលួចព័ត៌មានឯកជនរបស់ប្រជាជន។ ឆ្លៀតឱកាសការមិនសូវយល់ដឹងរបស់ប្រជាជន មុខសញ្ញាដាក់ចេញនូវមូលហេតុជាច្រើន សុំថតរូប ថតអត្តសញ្ញាណបណ្ណពលរដ្ឋ អត្តសញ្ញាណបណ្ណ (ដោយការផ្តល់ប្រាក់ជូនប្រជាជនពី ១០០.០០០-៣០០.០០០ ដុងក្នុងការថតអត្តសញ្ញាបណ្ណពលរដ្ឋ ឬអត្តសញ្ញាណបណ្ណមួយ) ឬមុខសញ្ញាជួល ទិញគណនីធនាគាររបស់ប្រជាជន។

ក្រោយពីប្រមូលបានព័ត៌មានទិន្នន័យឯកជន គណនីធនាគាររបស់ប្រជាជន មុខសញ្ញាដែលលក់ព័ត៌មានដល់មុខសញ្ញាដទៃទៀត (រួមទាំងជនជាតិបរទេសផងដែរ) ដើម្បីប្រើប្រាស់ក្នុងគោលដៅប្រព្រឹត្តបទល្មើស ដូច៖ ធ្វើលិខិតស្នាមក្លែងក្លាយ ដើម្បីបើកគណនីបោកប្រាស់ យកទ្រព្យសម្បត្តិអ្នកដទៃ តាមរយៈការកម្ចីប្រាក់ធនាគារអង្គការឥណទាន ក្រុមហ៊ុនហិរញ្ញវត្ថុ; វេរនិងទទួលប្រាក់លេងល្បែងស៊ីសង ចាត់តាំងលេងល្បែងស៊ីសង; ក្លែងបន្លំឈ្មោះ តាងខ្លួនជាកម្មាភិបាលនគរបាល តុលាការ អយ្យការ ផ្នែកពន្ធគយ។ល។ ហៅទូរស័ព្ទមកគំរាមកំហែងសំណូមពរឱ្យវេរប្រាក់ដើម្បីបម្រើការសើុបអង្កេត ឬសូមស្គាល់តាមរយៈបណ្តាញសង្គម សន្យាផ្ញើអំណោយ ប្រាក់វាយចំទឹកចិត្ត លោភលន់របស់ប្រជាជនមួយចំនួន រួចសំណូមពរឱ្យពួកគាត់វេរប្រាក់កម្រៃ សោហ៊ុយចំណាយលើទម្រង់បែបបទ និងប្រាក់រត់ការ ចូលគណនីធនាគារដែលមុខសញ្ញាកំណត់ដើម្បីកិបកេង។

ចំពោះមុខការប្រែប្រួលស្មុគស្មាញនៃស្ថានភាពដូចពោលខាងលើ ដើម្បីបង្ការទប់ស្កាត់ឧក្រិដ្ឋកម្ម និងផលវិបាកដែលពាក់ព័ន្ធនាយកដ្ឋាននគរបាលព្រហ្មទណ្ឌ បានផ្តល់អនុសាសន៍ដល់ប្រជាជន ដាច់ខាតមិនឱ្យជនចម្លែកខ្ចី ថត ជួលទិញអត្តសញ្ញាណបណ្ណពលរដ្ឋ (អត្តសញ្ញាណបណ្ណ) ឬគណនីធនាគារ ប្រសិនបើគ្មានគោលដៅច្បាស់លាស់សមហេតុសមផល។ មិនបង្ហោះ ចែករំលែករូបភាពអត្តសញ្ញាណបណ្ណពលរដ្ឋ អត្តសញ្ញាណបណ្ណ គណនីធនាគារលើបណ្តាញសង្គម។ មិនផ្តល់ព័ត៌មានអត្តសញ្ញាណបណ្ណពលរដ្ឋ អត្តសញ្ញាណបណ្ណដល់សេវាកម្មដែលមិនសំខាន់ចាំបាច់ ដែលគ្មានកិច្ចសន្យាធានាសុវត្ថិភាពព័ត៌មានឯកជនលើមូលដ្ឋានគ្រឹះប្រព័ន្ធបណ្តាញសង្គម។ ក្នុងករណីបាត់អត្តសញ្ញាណបណ្ណពលរដ្ឋ អត្តសញ្ញាណបណ្ណ ប្រជាជនគប្បីជូនដំណឹងដល់ស្ថាប័នសមត្ថកិច្ចភ្លាម ដើម្បីធ្វើលិខិតស្នាមឡើងវិញ។ ពេលត្រូវមុខសញ្ញា ជនទុច្ចរិតបោកប្រាស់ លួចព័ត៌មានអត្តសញ្ញាណបណ្ណពលរដ្ឋ អត្តសញ្ញាណបណ្ណ ដើម្បីដំណើរការសកម្មភាពបំពានច្បាប់ ប្រជាជនគប្បីទាក់ទងភ្លាមជាមួយនឹងស្ថាប័នសមត្ថកិច្ចកន្លែងដែលជិតបំផុត ដើម្បីបានជំនួយទាន់ពេល។ ក្នុងករណីប្រទះឃើញមុខសញ្ញាខ្ចី ថត ជួលអត្តសញ្ញាណបណ្ណពលរដ្ឋ ឬអត្តសញ្ញាណបណ្ណ; ហៅឱ្យជួល ខ្ចី ទិញ លក់គណនីធនាគារ ប្រជាជនគប្បីថ្កោលទោស និងផ្តល់ឯកសារភ័ស្តុតាងដល់ស្ថាប័នសមត្ថកិច្ចដែលនៅជិតបំផុត ដើម្បីចាត់វិធានការតាមផ្លូវច្បាប់៕

យោង៖ TTXVN-វិមាន

ចែករំលែកអត្ថបទ

ពាក្យគន្លឹះ