សន្តិសុខ - ការពារប្រទេស ការពារប្រទេស

30/05/2022 - 10:16

ពង្រីកតួនាទីរបស់ជនរួមជាតិខ្មែរ ក្នុងការរក្សាសន្តិសុខសណ្តាប់ធា្នប់

តាមប្រសាសន៍លោកត្រឹងវ៉ាន់សើុង ប្រធានគណៈកម្មាធិការប្រជាជនឃុំតឹងមី ស្រុកត្រាអូង ខេត្តវិញឡុង ជនរួមជាតិខ្មែរនៅលើភូមិសាស្រ្ត តែងសកម្មរក្សាសន្តិសុខសណ្តាប់ធ្នាប់ រួមចំណែកកសាងឃុំតឹងមី កាន់តែស៊ីវិល័យ ទំនើប និងសុវត្ថិភាពពីមួយថ្ងៃទៅមួយថ្ងៃ។

ថ្នាក់ដឹកនាំឃុំតឹងមី ជូនលិខិតសរសើរដល់បុគ្គលដែលមានស្នាដៃលេច
ធ្លោពេលចូលរួមទម្រង់។

លោកត្រឹងវ៉ាន់សើុង ឱ្យដឹងថា ចាប់តាំងពីអនុវត្តទម្រង់ “ពង្រីកតួនាទីរបស់ជនរួមជាតិខ្មែរនៅឃុំតឹងមីចូលរួមរក្សាសន្តិសុខសណ្តាប់ធ្នាប់”។ ឃើញថា ស្ថានភាពសន្តិសុខសណ្តាប់ធ្នាប់នៅលើភូមិសាស្រ្ត បានរក្សាលំនឹងជានិច្ច។ កាលពីឆ្នាំ ២០២១ លើភូមិសាស្រ្តឃុំតឹងមី បានកើតមានករណីល្មើសច្បាប់ព្រហ្មទណ្ឌចំនួន ៥ ករណី ប៉ុន្តែគ្មានករណីណាកើតឡើងក្នុងតំបន់ដែលមានជនរួមជាតិខ្មែររស់នៅកុះករឡើយ។ នេះជាសមិទ្ធផលនៃការធានាសន្តិសុខសណ្តាប់ធ្នាប់នៅលើភូមិសាស្រ្តនិយាយរួម ពិសេសគឺអាស្រ័យប្រសិទ្ធភាពនៃទម្រង់ពង្រីកតួនាទីរបស់ជនរួមជាតិខ្មែរ។

ដើម្បីលើកកម្ពស់តួនាទីរបស់ជនរួមជាតិខ្មែរ ក្រៅពីពិធីឃោសនាផ្សព្វផ្សាយច្បាប់ កងកម្លាំងនគរបាលឃុំនៅទាំងសហការជាមួយនឹងអង្គការមហាជនភូមិនានា បានចុះទៅតាមផ្ទះ ដើម្បីផ្សព្វផ្សាយខ្លឹមសារបង្ការទប់ស្កាត់ឧក្រិដ្ឋកម្ម ប្រុងប្រយ័ត្នជាមួយនឹងការអត្ថាធិប្បាយមួលបង្កាច់របស់ជនទុច្ចរិត បំណងបំផ្លិចបំផ្លាញផែនមហាសាមគ្គីជនជាតិ។ តាមរយៈការជួបជុំ ផ្សព្វផ្សាយស្ថាប័នសមត្ថកិច្ចបានជួយ ឱ្យបុគ្គលម្នាក់ៗយល់ច្បាស់ពីតួនាទីរបស់ខ្លួនជាមួយនឹងសហគមន៍ និងចូលរួមរក្សាភាពសុខសាន្តជូនភូមិស្រុក។

លោកថាច់ផល្លី នៅភូមិអន្ទិព ឱ្យដឹង៖ “ពេលរដ្ឋអំណាចបានចុះមកដល់ផ្ទះវិភាគវែកញែកល្អិតល្អន់ ខ្ញុំយល់ឃើញថា យើងចូលរួមរក្សាសន្តិសុខសណ្តាប់ធ្នាប់នៅភូមិ ក៏ឈ្មោះថាយើងបានរក្សាភាពសុខសាន្តជូនគ្រួសារមាមីងយើងដែរ ម្ល៉ោះហើយខ្ញុំចូលរួមធ្វើខ្លោងទ្វារសន្តិសុខសណ្តាប់ធ្នាប់ និងចលនាកូនចៅក្នុងភូមិស្រុក ធានាសុវត្ថិភាពចរាចរណ៍។ល។ កន្លែងណាដែលមិនទាន់យល់ខ្ញុំសាកសួរនគរបាលឃុំ លុះធ្វើយូរទៅក៏ធ្លាប់ ខ្ញុំយល់ឃើញថា យើងត្រូវតែធ្វើឱ្យល្អជាងទៀត”។ ពីមុន លោកថាច់ឃៅ នៅភូមិមីធ្វឹង ក៏មិនធ្លាប់ចូលរួមការងារសង្គមដែរ ប៉ុន្តែចាប់ពីបានចលនាចូលរួមទម្រង់នេះមក គាត់តែងចូលរួមដោយអស់ពីចិត្ត។ លោកឃៅ ឱ្យដឹង៖ “ខ្ញុំឃើញទម្រង់ “ពង្រីកតួនាទីរបស់ជនរួមជាតិខ្មែរនៅឃុំតឹងមី ចូលរួមរក្សាសន្តិសុខសណ្តាប់ធ្នាប់” មានប្រយោជន៍ច្រើន ហេតុនោះខ្ញុំក៏ចូលរួមភ្លាម។ ពេលឃើញជនចម្លែកចូលភូមិដោយមានអាកប្បកិរិយាគួរឱ្យសង្ស័យ ខ្ញុំជូនដំណឹងដល់នគរបាលឃុំភ្លាម”៕

ត្រុកម៉ាយ-វិមាន

ចែករំលែកអត្ថបទ

ពាក្យគន្លឹះ