សន្តិសុខ - ការពារប្រទេស ការពារប្រទេស

16/05/2022 - 14:23

ទម្រង់ល្អនិងមានប្រសិទ្ធភាព

ទម្រង់ "ក្រុមសម្រុះសម្រួលក្នុងជនរួមជាតិខ្មែរ" នៅភូមិថាញ់ទ្រុង ឃុំហ្វាលឺវ ក្រុងវីថាញ ខេត្តហូវយ៉ាង បានជួយកាត់បន្ថយស្ថានភាពវិវាទទាស់ទែងគ្នាក្នុងជនរួមជាតិខ្មែរនៅភូមិស្រុក និងរក្សាស្ថិរភាពសន្ដិសុខសណ្ដាប់ធ្នាប់។

នគរបាលឃុំហ្វាលឺវ និងសមាជិក "ក្រុមសម្រុះសម្រួលក្នុងជនរួមជាតិខ្មែរ" ចុះផ្សព្វផ្សាយច្បាប់ដល់ផ្ទះប្រជាជន។

“ក្រុមសម្រុះសម្រួលក្នុងជនរួមជាតិខ្មែរ” នៅភូមិថាញ់ទ្រុង មានសមាជិក ៦ នាក់។ គណៈចង្អុលការរបស់ក្រុម គឺជាកម្មាភិបាល គណៈ ផ្នែក អង្គការមហាជន នគរបាលនិងយោធា។ កម្មាភិបាលរបស់ឃុំ ភូមិសុទ្ធសឹងតែចេះពីរភាសាវៀត-ខ្មែរ ដូច្នោះការចលនា ផ្សព្វផ្សាយអប់រំច្បាប់ និងសម្រុះសម្រួលដោះស្រាយករណីវិវាទ គឺប្រជាជនងាយយល់។ រៀងរាល់ខែ ខណៈពេលអង្គការមហាជនភូមិភាគរៀបចំកិច្ចប្រជុំ ក្រុមសម្រុះសម្រួលតែងចូលរួម ដើម្បីផ្សព្វផ្សាយច្បាប់ជូនដល់មាមីង; ក្ដោបក្ដាប់ស្ថានភាពក្នុងប្រជាជន ធ្វើការសម្រុះសម្រួលទាន់ពេលប្រសិនមានករណីវិវាទទាស់ទែង ចលនាមាមីងបើមានវិវាទទាស់ទែង គួរទាក់ទងនឹងក្រុមការងារ ឬរដ្ឋអំណាចភូមិភាគ ដើម្បីដោះស្រាយជៀសវាងមានការប្រេះឆាគ្នា។ ទន្ទឹមនឹងនោះ កម្លាំងនគរបាលតែងចុះល្បាត វិនិច្ឆ័យយ៉ាងម៉ឺងម៉ាត់ចំពោះករណីល្មើសច្បាប់ អប់រំចំពោះមុខសញ្ញាដែលប្រឈមនឹងការបំពានច្បាប់ជាដើម។ល។ អាស្រ័យហេតុនោះ ករណីវិវាទទាស់ទែងក្នុងជនរួមជាតិខ្មែរក្នុងភូមិថយចុះបន្តិចម្តងៗ។ ឆ្នាំ២០១៧ ក្នុងភូមិកើតមានវិវាទទាស់ទែង ៤ ករណី ឆ្នាំ២០១៨ មាន ២ ករណី ចាប់ពីឆ្នាំ ២០១៩ ដល់បច្ចុប្បន្ន ក្នុងភូមិគ្មានកើតមានករណីណាឡើយ។

លោកយ័ញសល់ ប្រធាន "ក្រុមសម្រុះសម្រួលក្នុងជនរួមជាតិខ្មែរ" ភូមិថាញ់ទ្រុង ឱ្យដឹង៖ “ឃុំបានជ្រើសរើសភូមិនេះសម្រាប់អនុវត្តមុនគេ ដ្បិតអីក្នុងភូមិនេះមានមាមីងខ្មែររស់នៅកុះករ ស្ថានភាពវិវាទក្នុងប្រជាជនចាប់ពីរឿងតូចតាច បណ្ដឹងតវ៉ាឆ្លងថ្នាក់នៅមានច្រើន។ មុននឹងធ្វើការសម្រុះសម្រួល យើងខ្ញុំចុះទៅស្វែងយល់ពីហេតុការណ៍ ស្ដាប់ភាគីសងខាង លើកទឹកចិត្ត និងពន្យល់វែកញែកទាំងពីរភាសាដោយលើកយកហេតុផលឱ្យភាគីទាំងពីរបានយល់។ អាស្រ័យហេតុនេះ ទើបរាល់ករណីវិវាទទាស់ទែងត្រូវបានសម្រុះសម្រួលជោគជ័យ”។ លោកយ័ញឌីប នៅភូមិថាញ់ទ្រុង ឱ្យដឹង៖ ទម្រង់ ”ក្រុមសម្រុះសម្រួលក្នុងជនរួមជាតិខ្មែរ” គឺមានប្រសិទ្ធភាពខ្លាំងណាស់។ ដ្បិតអីជួយឱ្យមាមីងខ្មែរយល់កាន់តែច្បាស់រាល់សេចក្ដីកំណត់នៃច្បាប់ ដើម្បីអនុវត្តឱ្យបានត្រឹមត្រូវ ជៀសវាងការប្រព្រឹត្តល្មើស។ ពិសេសគឺជៀសវាងវិវាទទាស់ទែងនាំឲ្យមានការបង្ហូរឈាម។

អនុសេនីយ៍ឯក ង្វៀងហ៊ឺវង៉ឹង ប្រធាននគរបាលឃុំហ្វាលឺវ ឱ្យដឹង៖ “ពេលខាងមុខ យើងខ្ញុំនឹងសហការជាមួយគណៈផ្នែកនិង “ក្រុមសម្រុះសម្រួលក្នុងជនរួមជាតិខ្មែរ” ដើម្បីបន្តផ្សព្វផ្សាយរាល់សេចក្ដីកំណត់នៃច្បាប់ជូនដល់ជនរួមជាតិខ្មែរ។ ទន្ទឹមនឹងនោះ ក្ដោបក្ដាប់មតិ មហាជនទាន់ពេល ដើម្បីធ្វើសេនាធិការ និងដោះស្រាយ ជាពិសេសមិនទុកឲ្យមានលិខិត បណ្ដឹងតវ៉ាអូសបន្លាយជាហេតុនាំឱ្យប៉ះពាល់ដល់សន្តិសុខ សណ្តាប់ធ្នាប់ភូមិភាគ”៕

យ្វីអាញ-ថាច់ធី

ចែករំលែកអត្ថបទ

ពាក្យគន្លឹះ