សន្តិសុខ - ការពារប្រទេស ការពារប្រទេស

09/05/2022 - 14:25

លើកកម្ពស់ប្រសិទ្ធភាពកិច្ចសហប្រតិបត្តិការ

នគរបាលក្រុងកឹងធើ ផ្សព្វផ្សាយមានប្រសិទ្ធភាពការងារឃោសនា ចលនាប្រជាជនចូលរួមតស៊ូបង្ការបង្ក្រាបបទល្មើស។ ឆ្លងតាមរយៈទម្រង់ប្រជាចលនាប៉ិនប្រសប់ និងសកម្មភាពជាក់ស្តែងជាច្រើនទៀត បានពង្រីកនូវតួនាទីរបស់ប្រជាជនក្នុងការរក្សាសន្តិសុខសណ្តាប់ធ្នាប់នៅមូលដ្ឋាន។

ប៉ូលិសមណ្ឌល ១ សង្កាត់ហ៊ឹងភូ ខ័ណ្ឌកាយរុាំង រួមជាមួយអង្គការមហាជននៅក្នុងមណ្ឌលពិនិត្យស្ថានភាពសន្តិសុខសណ្តាប់ធ្នាប់លើភូមិសាស្ត្រតាមរយៈប្រព័ន្ធកាមេរ៉ា។

រយៈពេលកន្លង នគរបាលក្រុងកឹងធើ រួមជាមួយមន្ទីរ គណៈ ផ្នែក អង្គការមហាជន និងភូមិភាគបង្កើនការផ្សព្វផ្សាយដោយរូបភាពជាច្រើនអំពីសេចក្តីសម្រេចចិត្តរបស់បក្ស គោលនយោបាយ ក្រឹត្យច្បាប់របស់រដ្ឋ។ ទន្ទឹមនឹងនោះ ផ្សព្វផ្សាយពីឧបាយកលនៃជនទុច្ចរិត ដើម្បីប្រជាជនយល់ច្បាស់ លើកកម្ពស់ស្មារតី គោរពច្បាប់ និងបង្ការបង្ក្រាបបទល្មើស។ ពិសេសគឺការកសាងចលនា “ទូទាំងប្រជាជនការពារសន្តិសុខមាតុភូមិ” កាន់តែសម្បូរបែបអំពីខ្លឹមសារនិងរូបភាព ផ្សារភ្ជាប់ជាមួយការចលនាផ្សេងៗ និងចលនាប្រឡងប្រណាំងឯទៀត ដូច៖ ទូទាំងប្រជាជនសាមគ្គីកសាងជនបទថ្មី ក្រុងស៊ីវិល័យ។ ទូទាំងប្រជាជនចូលរួមបង្ការបង្ក្រាប ប្រទះឃើញ បរិហារឧក្រិដ្ឋកម្ម កែខៃ អប់រំ កែប្រែជនប្រព្រឹត្តល្មើសនៅនឹងគ្រួសារនិងសហគមន៍៘

កងកម្លាំងនគរបាលគ្រប់លំដាប់ថ្នាក់ សហការអនុវត្តមានប្រសិទ្ធភាពនូវលក្ខន្តិកៈ កម្មវិធី សហការក្នុងការបង្ការបង្ក្រាបបទល្មើស និងបាបគ្រោះសង្គម ដូច៖ នគរបាល-សមាគម អតីតយុទ្ធជន សហការចលនាទូទាំងប្រជាជន ចូលរួមកសាងចលនាទូទាំងប្រជាជនការពារសន្តិសុខមាតុភូមិ; នគរបាល-សម្ព័ន្ធយុវជន បង្ការទប់ស្កាត់បទល្មើស បាបគ្រោះសង្គមក្នុងយុវជន-នារី នគរបាល-សម្ព័ន្ធពលកម្មផ្សព្វផ្សាយបង្ការបង្ក្រាបគ្រឿងញៀនក្នុងកម្មកររោងចក្រ បុគ្គលិក ពលករ; នគរបាលអនុវត្តលក្ខន្តិកៈ សហការជាមួយនឹងសមាគមព្រះសង្ឃសាមគ្គីស្នេហាជាតិក្រុងកឹងធើ អំពីការធានាសន្តិសុខសណ្តាប់ធ្នាប់ក្នុងជនជាតិខ្មែរ៘

នគរបាលក្រុងកឹងធើ កំពុងអនុវត្ត ១៧ ក្រុម ទម្រង់ (ក្នុងចំណោម ៦៨ ទម្រង់) ប្រជាចលនាប៉ិនប្រសប់លើវិស័យសន្តិសុខសណ្តាប់ធ្នាប់ និងធានាសុវត្ថិភាពបង្ការនិងពន្លត់អគ្គិភ័យ។ ពេលទៅដល់មណ្ឌល តំបន់ប្រជាជនតាំងទីលំនៅនិងភូមិនានា នៅគ្រប់ខណ្ឌ ស្រុក ងាយនឹងឃើញក្លោងទ្វារសន្តិសុខសណ្តាប់ធ្នាប់ ដាក់កាមេរ៉ាសន្តិសុខនិងផ្លាកលេខទូរស័ព្ទទាន់ហេតុការណ៍បរិហារឧក្រិដ្ឋកម្មជាច្រើន៘ ត្រូវបានដាក់នៅតាមដងផ្លូវផ្សេងៗ។ ទន្ទឹមនឹងនោះ កងកម្លាំងនគរបាលរួមជាមួយគណៈ ផ្នែក អង្គការមហាជនគ្រប់លំដាប់ថ្នាក់ កសាងនិងពង្រឹងអង្គការដែលបំពេញការងាររក្សាសន្តិសុខសណ្តាប់ធ្នាប់នៅមូលដ្ឋាន។ លោកង្វៀងហ៊ឺវឡែ លេខានិងជាប្រធានមណ្ឌល ១ សង្កាត់ ហ៊ឹងភូ ខណ្ឌកាយរុាំង ឱ្យដឹង៖ “ពេលបានផ្សព្វផ្សាយអំពីអត្ថន័យនៃចលនាទូទាំងប្រជាជនការពារសន្តិសុខមាតុភូមិ ប្រជាជននៅទីនេះ សកម្មចូលរួម ពិសេសគឺការអនុវត្តនូវទម្រង់ រក្សាសន្តិសុខសណ្តាប់ធ្នាប់ បង្ការបង្ក្រាបបទល្មើស។ ម្យ៉ាងទៀត មាមីងតែងគោរពច្បាប់ រួមចំណែករក្សាខ្ជាប់កិតិ្តនាមមណ្ឌលវប្បធម៌”។

តាមនគរបាលក្រុងកឹងធើ ជាមួយការខិតខំរបស់កម្មាភិបាល យុទ្ធជន កិច្ចសហប្រតិបត្តិការនិងការជំនួយពីគណៈ ផ្នែក អង្គការមហាជននិងការគាំទ្ររបស់ប្រជាជន ការងារប្រយុទ្ធ ប្រឆាំង បង្ការបង្ក្រាបបទល្មើសសម្រេចបានលទ្ធផលជាវិជ្ជមានជាច្រើន។ ឆ្នាំ ២០២១ បទល្មើសកាត់បន្ថយជាង ៣២% បើប្រៀបនឹងឆ្នាំមុន។ ឆ្លងតាមរយៈនោះ ប្រជាជនកាន់តែមានការទំនុកចិត្ត ចូលរួមជាមួយកងកម្លាំងនគរបាល ព្រួតដៃរក្សាភាពសុខសាន្តជូនទីក្រុង៕

អត្ថបទ៖ កេវជិញ -ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ