គោលនយោបាយ -ការរស់នៅ គោលនយោបាយ

02/05/2022 - 12:39

ចុះហត្ថលេខាលើកម្មវិធីសហការរវាងគណៈកម្មាធិការជនជាតិ និងក្រសួងយុត្តិធម៌

គណៈកម្មាធិការជនជាតិនិងក្រសួងយុត្តិធម៌ បានចាត់តាំងសន្និសីទវាយតម្លៃពីលទ្ធផលនៃកិច្ចសហការ ចាប់ពីឆ្នាំ ២០១៤ ដល់ឆ្នាំ ២០២១ និងចុះហត្ថលេខាលើកម្មវិធីសហការ ដំណាក់កាល ២០២២- ២០២៦។

កម្មវិធីសហការរវាងស្ថាប័នទាំងពីរសម្រេចបានលទ្ធផលវិជ្ជមានជាច្រើន។ រូប៖ VGP

ក្រោយពីរយៈពេល ៧ ឆ្នាំ អនុវត្តកម្មវិធីសហការរវាងគណៈកម្មាធិការជនជាតិ និងក្រសួងយុត្តិធម៌ (ចាប់ពីឆ្នាំ ២០១៤ ដល់ឆ្នាំ ២០២១) ស្ថាប័នទាំងពីរបានអនុវត្តសម្រេចជោគជ័យនូវកម្មវិធី និងផែនការកសាងឯកសារច្បាប់។ ល្បឿននិងគុណភាពនៃឯកសារច្បាប់ដែលភាគីទាំងពីរសហការកសាងត្រូវបានធានា ហើយគ្មានឯកសារច្បាប់ណាមួយយឺតពេលឡើយ។

ចាប់ពីឆ្នាំ ២០១៤ ដល់បច្ចុប្បន្ន ចំនួនឯកសារច្បាប់សរុបដែលមានបទប្បញ្ញត្តិទាក់ទងនឹងការងារជនជាតិ និងគោលនយោបាយជនជាតិ ត្រូវបានពិនិត្យឡើងវិញចំនួន ៣២៤ ឯកសារ។ ហេតុនេះ បានប្រទះឃើញឯកសារចំនួន ១០ មានខ្លឹមសារផ្ទុយគ្នា និងផ្គងលើគ្នា (អនុក្រឹត្យរបស់រដ្ឋាភិបាលចំនួន ២ សារាចរនិងសារាចរអន្តរផ្នែកចំនួន ៦ សេចក្តីសម្រេចរបស់រដ្ឋមន្ត្រីចំនួន ២); ឯកសារច្បាប់ចំនួន ១៩ មានខ្លឹមសារមិនសមស្របនឹងស្ថានភាពជាក់ស្តែង; គោលការណ៍ចំនួន ១៩ មិនទាន់បានកត់សម្គាល់ឬមិនទាន់បានបញ្ញត្តិច្បាស់លាស់ក្នុងឯកសារច្បាប់។

ក្នុងដំណាក់កាល ២០២២-២០២៦ គណៈកម្មាធិការជនជាតិ និងក្រសួងយុត្តិធម៌ បន្តសហការយ៉ាងជិតដិតក្នុងការអនុវត្តបទប្បញ្ញត្តិនៃនីតិវិធីកសាងច្បាប់; បង្កើតនិងផ្សព្វផ្សាយអនុវត្តកម្មវិធីកសាងច្បាប់ និងបទប្បញ្ញត្តិ; សហការជិតដិតក្នុងការកសាង និងផ្សព្វផ្សាយឯកសារច្បាប់តាមសេចក្តីកំណត់លម្អិត និងសេចក្តីណែនាំអនុវត្តកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមនៅតំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០; កម្មវិធី គ្រោងការ គម្រោង និងគោលនយោបាយដែលពាក់ព័ន្ធដល់តំបន់ជនជាតិភាគតិចនិងតំបន់ភ្នំ។ ទន្ទឹមនឹងនោះ ស្ថាប័នទាំងពីរក៏បានសហការត្រួតពិនិត្យ ដោះស្រាយ ពិនិត្យឡើងវិញ រៀបចំទៅជាប្រព័ន្ធនិងបង្រួបបង្រួមនូវឯកសារច្បាប់; តាមដានស្ថានការណ៍អនុវត្តច្បាប់ និងដោះស្រាយការបំពានផ្នែករដ្ឋបាល; ការផ្សព្វផ្សាយនិងអប់រំច្បាប់; ការសម្របសម្រួលនៅមូលដ្ឋាន; ជំនួយផ្នែកគតិយុត្តិ; ច្បាប់។ល។

យោងតាម៖ baochinhphu.vn-សុផន

ចែករំលែកអត្ថបទ

ពាក្យគន្លឹះ