មហាសាមគ្គីជនជាតិ ភូមិស្រុកផ្លាស់ថ្មី

11/04/2022 - 16:59

បង្កើនល្បឿនកសាងជនបទថ្មីកម្រិតខ្ពស់

ឌិញហ្វា ជាឃុំគំរូកសាងជនបទថ្មីរបស់ខេត្តគៀងយ៉ាង។ ផ្អែកលើមូលដ្ឋានដែលសម្រេចបាន ឃុំឌិញហ្វា ស្រុកហ្គក្វាវ កំពុងបង្កើនល្បឿនដើម្បីឆ្ពោះទៅដល់ទិសដៅឃុំជនបទថ្មីកម្រិតខ្ពស់។

ស្ពានដៀកា-ថ នៅភូមិហ្វាថាញ ជាស្ពានមួយក្នុងចំណោមស្ពានជាច្រើនដែលបានអនុវត្តពីប្រភពសង្គមូបនីយកម្ម។

តាមប្រសាសន៍លោកវ៉មិញម៉ាញ់ ប្រធានគណៈកម្មាធិការប្រជាជនឃុំឌិញហ្វា គឺអាស្រ័យស្ថានភាពជំងឺ COVID - ១៩ ប្រែប្រួលស្មុគស្មាញ ម្ល៉ោះហើយការដែលផ្សព្វផ្សាយបង្កើនកម្រិតលក្ខឋានជនបទថ្មីជួបការលំបាកច្រើន។ ថ្វីដ្បិតដូច្នោះក្តី ក្រោយរយៈពេលអនុវត្តរក្សាគម្លាត ឃុំក៏បានបង្កើនល្បឿនកសាងលក្ខឋានជនបទថ្មីកម្រិតខ្ពស់។ លេចធ្លោ គឺសកម្មភាពផលិតកសិកម្ម។ ម្យ៉ាងទៀត ឃុំកសាងបានជោគជ័យវាលស្រែខ្នាតធំ សុវត្ថិភាពនៅភូមិហ្វាហ៊ីវ ២ ដែលជំនាញផលិតស្រូវគុណភាពខ្ពស់ បរិមាណផលសម្រេច ៨,៩ តោន/ហិកតា។ ពិសេស ឌិញហ្វាជាអង្គភាពមួយក្នុងចំណោមអង្គភាពជាច្រើន ដែលត្រូវបានជ្រើសរើសចូលរួមគម្រោង VnSAT គៀងយ៉ាង ម្ល៉ោះហើយភូមិភាគជានិច្ចកាលតែងសហការជាមួយនឹងគណៈកម្មការគ្រប់គ្រងគម្រោង ដើម្បីរៀបចំហ្វឹកហាត់ ផ្ទេរជូនវិទ្យាសាស្ត្របច្ចេកទេសដល់កសិករលើភូមិសាស្ត្រ។ ដូច្នេះ គម្រោង VnSAT ក៏បានវិនិយោគ កសាងផ្លូវគមនាគមន៍ជនបទ ៤.៤០០ ម៉ែត្រ ក្នុងនោះ មានស្ពានបេតុង ៣ ខ្សែផងដែរ។ ក្រៅពីនេះ គម្រោង VnSAT នៅទាំងសហការបន្តរក្សាសកម្មភាពសហករណ៍ចំនួន ៥ និងក្រុមសហការចំនួន ៤៣ ទៀតផង។ ម្យ៉ាងវិញទៀត សហករណ៍និងក្រុមសហការទាំងនេះ បានចុះកិច្ចសន្យានឹងអាជីវកម្មធានាប្រមូលទិញផលិតផលរបស់កសិករដោយមានផ្ទៃដីចំនួន ២.៣៦០ ហិកតា។

ដងផ្លូវចូលភូមិឌិញហ្វា ស្ទើរតែទាំងអស់ត្រូវបានក្រាលបេតុង។

ដើម្បីបម្រើឱ្យការផលិតកសិកម្មមានប្រសិទ្ធភាព ឃុំឌិញហ្វាសហការជាមួយអង្គភាពនានារៀបចំជីកស្តារប្រឡាយបាន ៧ ខ្សែ; ដំណើរការស្ថានីយបូមទឹកចំនួន ២៣។ ក្រៅពីនេះ ឃុំបានចលនាប្រជាជននិងសប្បុរសជន កសាង បង្កើនកម្រិតផ្លូវនិងស្ពានជនបទ៘ ពូយ័ញបេ នៅភូមិហ្វាថាញ ឱ្យដឹង៖ “ហេដ្ឋារចនាសម្ព័ន្ធរីកចម្រើន ជួយប្រជាជនបង្កបង្កើនផលកសិកម្មមានភាពងាយស្រួល។ សព្វថ្ងៃ ត្រូវការទៅផ្សារទិញជីថ្នាំ គឺបើកម៉ូតូតែមួយភ្លែតប៉ុណ្ណោះ ម្ល៉ោះហើយខ្ញុំគិតថា ខណៈពេលកសាងសម្រេចជនបទថ្មីកម្រិតខ្ពស់ ជីវភាពនិងការងាររបស់ប្រជាជនជនបទនឹងកាន់តែមានភាពល្អប្រសើរជាមិនខាន”។

លោកវ៉មិញម៉ាញ់ ឱ្យដឹងបន្ថែម៖ “ឌិញហ្វា សម្រេចជាស្ថាពរ ១៧/១៩ លក្ខឋានជនបទថ្មីកម្រិតខ្ពស់។ ឃុំកំពុងផ្តុំកម្លាំងចង្អុលការដល់ផ្នែកដែលទទួលបន្ទុក បង្កើនល្បឿនអនុវត្តលក្ខឋានដែលនៅសេសសល់។ ភាពងាយស្រួលមួយក្នុងចំណោមភាពងាយស្រួលរបស់ឃុំនៅគឺការយល់ស្របរបស់ប្រជាជនក្នុងការកសាងជនបទថ្មីកម្រិតខ្ពស់ ពីព្រោះប្រជាជនយល់ឃើញថា ទទួលបានផលប្រយោជន៍ជាច្រើនពីជនបទថ្មី។ ដ្បិតអីពីមុននេះ ឌិញហ្វាជាឃុំលំបាកខ្លាំង មានជនរួមជាតិភាគតិចរស់នៅកុះករ។ ចាប់ពីសម្រេចបទដ្ឋានជនបទថ្មី ឃើញថារចនាសម្ព័ន្ធទូទាំងឃុំមានការរីកចម្រើន ជីវភាពប្រជាជនកើនឡើងជាលំដាប់។ យោងលើមូលដ្ឋាននៃជនបទថ្មី បក្ខភាគ រដ្ឋអំណាច និងប្រជាជន កំពុងចូលរួមយ៉ាងសស្រាក់សស្រាំដើម្បីសម្រេចបទដ្ឋានជនបទថ្មីកម្រិតខ្ពស់”៕

ហាថាញ-លីសៀ

ចែករំលែកអត្ថបទ

ពាក្យគន្លឹះ