ព្រឹត្តិការណ៍ - នយោបាយ ព្រឹត្តិការណ៍

11/04/2022 - 16:59

គណៈប្រតិភូមជ្ឈិម ភូមិភាគ អញ្ជើញទៅសួរសុខទុក្ខនិងប្រសិទ្ធពរបុណ្យចូលឆ្នាំថ្មីរបស់ជនរួមជាតិខ្មែរនៅតំបន់វាលរាបទន្លេគឺវឡុង

ស្របក្នុងឱកាសបុណ្យចូលឆ្នាំថ្មីប្រពៃណីឆ្នាំ ២០២២ របស់ជនរួមជាតិខ្មែរ គណៈប្រតិភូ ជាច្រើនក្រុមរបស់មជ្ឈិមនិងភូមិភាគ បានអញ្ជើញទៅសួរសុខទុក្ខ ប្រគេនទេយ្យវត្ថុដល់សមាគមព្រះសង្ឃសាមគ្គីស្នេហាជាតិ អ្នកមុខអ្នកការសាសនា និងវត្តទក្ខិណនិកាយខ្មែរមួយចំនួននៅតាមភូមិភាគ។ល។ នៅតំបន់វាលរាបទន្លេគឺវឡុង។ នៅតាមទីតាំងដែលអញ្ជើញចុះទៅ សមមិត្តដែលជាប្រធានគណៈប្រតិភូ បានផ្ញើនូវវាចាសួរសុខទុក្ខ និងប្រសិទ្ធពរបវរសួស្ដីមហាប្រសើរដល់ព្រះសង្ឃ ជនរួមជាតិខ្មែរ ទទួលអំណរបុណ្យចូលឆ្នាំថ្មីប្រពៃណីប្រកបដោយភាពកក់ក្ដៅ សប្បាយរីករាយ សុភមង្គលនិងសុខក្សេមក្សាន្ត។ សមមិត្តដែលជាប្រធានគណៈប្រតិភូ សង្ឃឹមនិងជឿជាក់ថា ជនរួមជាតិខ្មែរបន្តពង្រីកនូវប្រវេណីមហាសាមគ្គីទូទាំងជនជាតិ; អនុវត្តល្អនូវគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ; លើកកម្ពស់ស្មារតី ខ្លួនទីពឹងខ្លួន ប្តេជ្ញាឈានឡើង ឆ្លងកាត់រាល់ការលំបាក។

សមមិត្ត ត្រឹងថាញ់ម៉ឹង អនុប្រធានប្រចាំការនៃរដ្ឋសភា ប្រគេនទេយ្យវត្ថុអំណរបុណ្យចូលឆ្នាំថ្មីដល់ព្រះឧបជ្ឈាយ៍ព្រះតេជព្រះគុណ អ្នកមុខអ្នកការសាសនានៅខេត្តអាងយ៉ាង។ រូប៖ baodantoc.vn

ឧបនាយករដ្ឋមន្ត្រីប្រចាំការនៃរដ្ឋាភិបាល ផាមប៊ិញមិញ ប្រគេននិងជូនទេយ្យវត្ថុដល់សមាគមព្រះសង្ឃសាមគ្គីស្នេហាជាតិខេត្តសុកត្រាំង និងសាលាមធ្យមសិក្សាបំពេញវិជ្ជាបាលីណាមបូ។ រូប៖ លីធាន

សមមិត្តឌោវ៉ាន់ចៀង លេខាមជ្ឈិមបក្ស ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម (ខាងឆ្វេង) និងសមមិត្ត ត្រឹងវៀតត្រឿង ប្រធានគណៈកម្មាធិការប្រជាជនក្រុងកឹងធើ ប្រគេនទេយ្យវត្ថុដល់មន្ត្រីសង្ឃក្រុងកឹងធើ។

រូប៖ អាញ់យ៉ុង

* នៅក្រុងកឹងធើ ក៏បានរៀបចំគណៈប្រតិភូជាច្រើនក្រុម អញ្ជើញទៅសួរសុខទុក្ខ ប្រសិទ្ធពរបុណ្យចូលឆ្នាំថ្មីប្រពៃណីដល់អ្នកមុខអ្នកការ សាសនា និងវត្តទក្ខិណនិកាយខ្មែរនៅលើភូមិសាស្រ្តក្រុងផងដែរ។ នៅរាល់ទីតាំងដែលអញ្ជើញចុះទៅ សមមិត្តថ្នាក់ដឹកនាំក្រុង ជាប្រធានគណៈប្រតិភូ បានសាកសួរសុខទុក្ខ និងលើកទឹកចិត្តអ្នកមុខអ្នកការសាសនា ព្រះសង្ឃ និងជនរួមជាតិខ្មែរដែលសកម្មចូលរួមបង្ការប្រឆាំងជំងឺ COVID-១៩ សកម្មគាំទ្រ ចលនាប្រឡងប្រណាំងស្នេហាជាតិ រួមចំណែកអនុវត្តជោគជ័យភារកិច្ចអភិវឌ្ឍសេដ្ឋកិច្ច-សង្គម-ការពារប្រទេសសន្តិសុខ ឆ្នាំ ២០២២ របស់ក្រុងកឹងធើ។

* នៅខេត្តសុកត្រាំង ទើបរៀបចំពិធីជួបជុំអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ។ អញ្ជើញចូលរួម មានសមមិត្ត ផាមប៊ិញមិញ ឧបនាយករដ្ឋមន្ត្រីប្រចាំការនៃរដ្ឋាភិបាល និងថ្នាក់ដឹកនាំ អតីតថ្នាក់ដឹកនាំខេត្ត ជាមួយនឹងអ្នកតំណាងចំនួន ៤០០ រូប ដែលជាវីរមាតាវៀតណាម វីរៈកងកម្លាំងប្រដាប់អាវុធប្រជាជន គ្រួសារគោលនយោបាយ កម្មាភិបាល កម្មាភិបាលចូលនិវត្តន៍ ព្រះសង្ឃ ឥស្សរជន បញ្ញវន្ត និងអ្នកមានប្រជាប្រិយក្នុងជនរួមជាតិខ្មែរ៕

កាសែតកឹងធើភាសាខ្មែរ (សរុប) - បកប្រែ៖ វិមាន

ចែករំលែកអត្ថបទ

ពាក្យគន្លឹះ