ព្រឹត្តិការណ៍ - នយោបាយ ព្រឹត្តិការណ៍

28/02/2022 - 10:04

មហោស្រពចម្រៀងដើងកាតាយទឺថ្នាក់ជាតិ និងពិធីបុណ្យនំប្រពៃណីណាមបូ បានរៀបចំឡើងក្នុងឱកាស បុណ្យសែនបុព្វក្សត្រ ហ៊ុងវឿង

(កឹងធើ) – លោក ង្វៀងមិញត្វឹង អនុប្រធានទទួលបន្ទុកការងារមន្ទីរវប្បធម៌ កីឡានិងទេសចរណ៍ ឱ្យដឹង៖ តាមការគ្រោងទុក មហោស្រពចម្រៀងដើងកាតាយទឺថ្នាក់ជាតិ និងពិធីបុណ្យនំប្រពៃណីណាមបូ ឆ្នាំ ២០២២ ប្រារព្ធធ្វើឡើង ចាប់ពីថ្ងៃទី ៥ ខែមេសា រហូតដល់ថ្ងៃទី ១០ ខែមេសា ឆ្នាំ ២០២២ (គឺចាប់ពីថ្ងៃ ៨ រោច ខែចេត្រ រហូតដល់ថ្ងៃ ១៣ រោច ខែចេត្រ) នៅមជ្ឈមណ្ឌលរដ្ឋបាលខ័ណ្ឌប៊ិញធ្វី។

ពិធីបុណ្យនំប្រពៃណីណាមបូ លើក VIII - ឆ្នាំ ២០១៩ ទាក់ទាញការចូលរួមដាក់តាំង ឧទ្ទេសនាមនំប្រពៃណី ម្ហូបអាហារ ផលិតផលពិសេសរបស់តំបន់ សរុបជាង ២២០ ល្វែង។

ជាក់ស្ដែង មហោស្រពចម្រៀងដើងកាតាយទឺថ្នាក់ជាតិ លើក III - កឹងធើ ឆ្នាំ ២០២២ មានសកម្មភាពដូចជា៖ ពិធីបើកមហោស្រព ពិធីបិទមហោស្រព ពិធីប្រឡងសិល្បៈចម្រៀងដើងកាតាយទឺ រៀបចំបរិយាកាសចម្រៀងដើងកាតាយទឺ តាំងពិព័រណ៍ឧបករណ៍ភ្លេងប្រពៃណីបណ្ដាជនជាតិវៀតណាម។ ពិធីបុណ្យនំប្រពៃណីណាមបូ លើក IX - ឆ្នាំ ២០២២ តាមការគ្រោងទុកនឹងមានប្រមាណ ២០០ ល្វែង នំប្រពៃណីណាមបូ ផលិតផល OCOP មកពីភូមិភាគផ្សេងៗចូលរួម ល្វែងម្ហូបអាហារផលិតផលពិសេសរបស់ភូមិភាគ ។ ពិសេស ស្របក្នុងឱកាសនេះ ក្រុងកឹងធើនឹងរៀបចំសម្ពោធសំណង់ទីសក្ការបូជាក្សត្រហ៊ុង នៅក្រុងកឹងធើ និងរៀបចំបុណ្យសែនបុព្វក្សត្រ ហ៊ុងវឿង៕

ដាំងហ្វិញ - ថាច់ធី

ចែករំលែកអត្ថបទ

ពាក្យគន្លឹះ