សន្តិសុខ - ការពារប្រទេស ការពារប្រទេស

17/01/2022 - 07:39

ជូនរង្វាន់ជាបន្ទាន់ដល់សមូហភាពនិងបុគ្គល ក្នុងការប្រយុទ្ធ ប្រឆាំងនឹងការរត់ពន្ធ

គណៈចង្អុលការប្រយុទ្ធប្រឆាំងនឹងការរត់ពន្ធ ក្លែងបន្លំពាណិជ្ជកម្ម ទំនិញក្លែងក្លាយ ខេត្តសុកត្រាំង រួមនឹងបញ្ជាការដ្ឋានការពារព្រំដែនខេត្តសុកត្រាំង រៀបចំជូនរង្វាន់ជាបន្ទាន់ដល់សមូហភាពចំនួន ១ និងបុគ្គល ៣ នាក់ ចំណុះកងទ័ពការពារព្រំដែនខេត្តសុកត្រាំង ដែលមានស្នាដៃក្នុងការដោះស្រាយកប៉ាល់ TG 94458 TS ប្រព្រឹត្តបទល្មើសរដ្ឋបាលនៅតំបន់សមុទ្រស្ថិតក្នុងដែនសមត្ថកិច្ច។

គណៈចង្អុលការប្រយុទ្ធប្រឆាំងនឹងការរត់ពន្ធ ក្លែងបន្លំពាណិជ្ជកម្ម ទំនិញក្លែងក្លាយ
ខេត្តសុកត្រាំង ជូនរង្វាន់ដល់បុគ្គល ៣ នាក់។

ប្រហែលម៉ោង ៦,៤៥ នាទី ថ្ងៃទី ១ ខែតុលា ឆ្នាំ ២០២១ កប៉ាល់ល្បាត BP 18.98.01 នៃកងនាវាចរលេខ ២ កងទ័ពការពារព្រំដែនខេត្តសុកត្រាំង កំពុងល្បាតលើតំបន់សមុទ្រ ចម្ងាយពីកំពង់ផែនេសាទត្រឹងដេ ២០ គាវុត បានប្រទះឃើញកប៉ាល់នេសាទ ១ គ្រឿង ពាក់ស្លាកលេខ TG 94458 TS មានសញ្ញាគួរឱ្យសង្ស័យ ក្រុមការងារល្បាតបានចេញបញ្ជាឱ្យកប៉ាល់ឈប់ដើម្បីធ្វើការត្រួតពិនិត្យ។ តាមរយៈការត្រួតពិនិត្យ នៅលើកប៉ាល់មានអាងចំនួន ៤ ផ្ទុកប្រេង DO ៣១.៤៦៧លីត្រ។ ប្រធាននាវិកត្រឹងហូវឌឹក នៅឃុំអាងប៊ិញ ស្រុកភូយ៉ាវ ខេត្តប៊ិញយ៉ឿង មិនអាចបង្ហាញសំបុត្រស្នាមដើម្បីបញ្ជាក់ពីការស្របច្បាប់នៃទំនិញ ហើយសមាជិកនាវិកទាំង ៣ នាក់ក៏គ្មានក្រដាស់ស្នាមផ្ទាល់ខ្លួន ដូច្នេះក្រុមការងារក៏បានធ្វើកំណត់ហេតុនិងនាំមនុស្ស មធ្យោបាយទៅអង្គភាព ដើម្បីសើុបអង្កេតនិងចាត់វិធានការតាមសេចក្ដីកំណត់របស់ច្បាប់៕

យ៉ីអាញ- ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ