ព្រឹត្តិការណ៍ - នយោបាយ ព្រឹត្តិការណ៍

27/12/2021 - 10:11

អង្គការ UNESCO ចុះឈ្មោះសិល្បៈរាំស្វែជនជាតិថៃ ជាបេតិកភណ្ឌវប្បធម៌អរូបីនៃមនុស្សជាតិ

នៅអង្គប្រជុំគណៈកម្មាធិការអន្តររដ្ឋាភិបាលសន្ធិសញ្ញា ២០០៣ ស្តីពីការពារបេតិកភណ្ឌវប្បធម៌អរូបីលើកទី ១៦ របស់អង្គការ UNESCO ប្រព្រឹត្តឡើងនៅក្រុងប៉ារីស រដ្ឋធានីសាធារណរដ្ឋបារាំង បេតិកភណ្ឌសិល្បៈរាំស្វែជនជាតិថៃរបស់វៀតណាម ត្រូវបានអង្គការ UNESCO ចុះឈ្មោះជាផ្លូវការក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ។ នេះជាសំណុំបែបបទមួយក្នុងចំណោមសំណុំបែបបទទាំង ៤៨ ត្រូវបានពិនិត្យជ្រើសរើសក្នុងសម័យប្រជុំនេះ គឺជាបេតិកភណ្ឌវប្បធម៌អរូបីលើកទី ១៤ របស់វៀតណាម ត្រូវបានអង្គការ UNESCO ចុះឈ្មោះ។

រាំស្វែប្រពៃណីរបស់ជនជាតិថៃ។ រូប៖ ត្រុងដាក - ទីភ្នាក់ងារសារព័ត៌មានវៀតណាម

សិល្បៈរាំស្វែរបស់ជនជាតិថៃ គឺជាសកម្មភាពវប្បធម៌ប្រកបដោយលក្ខណៈពិសេស ជានិមិត្តរូបដល់ជីវភាពស្មារតីរបស់ជនរួមជាតិថៃ នៅប្រទេសយើង។ ដោយកំណត់ច្បាស់នូវតម្លៃវប្បធម៌និងមនុស្សធម៌យ៉ាងជ្រាលជ្រៅនៃសិល្បៈរាំស្វែជនជាតិថៃ ឆ្នាំ ២០១៦ ក្រសួងវប្បធម៌កីឡា និងទេសចរណ៍ បានដាក់ចេញសារាចរលេខ ២៧១៥/BVHTTDL-DSVH ប្រគល់ឱ្យខេត្តអៀងបាយ ដឹកនាំសហការជាមួយផ្នែកមុខងារ និងខេត្តនានាដូច៖ សើុងឡា ឡាយចូវ ដៀងបៀង កសាងសំណុំបែបបទថ្នាក់ជាតិពីសិល្បៈរាំស្វែជនជាតិថៃ ស្នើអង្គការ UNESCO ចុះឈ្មោះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ។

ចាប់ពីឆ្នាំ ២០១៦ - ២០២០ ខេត្តអៀងបាយ បានម្ចាស់ការសហការជាមួយវិទ្យាស្ថានវប្បធម៌សិល្បៈជាតិវៀតណាមនិងខេត្តនានាដូច សើុងឡា ឡាយចូវ ដៀងបៀង ធ្វើការពិនិត្យ ពិច័យ កសាងនិងធ្វើឱ្យសុក្រឹតនូវសំណុំបែបបទសិល្បៈរាំស្វែជនជាតិថៃ។ ខែតុលា ឆ្នាំ ២០១៩ ខេត្តបានសហការរៀបចំជោគជ័យ សិក្ខាសាលាជាតិ ស្តីពីសិល្បៈរាំស្វែជនជាតិថៃនៅខេត្តអៀងបាយ។ ខែមីនា ឆ្នាំ ២០២០ សំណុំបែបបទសិល្បៈរាំស្វែជនជាតិថៃ ស្នើទៅអង្គការ UNESCO សម្រេចជាស្ថាពរ ដាក់ជូនអង្គការ UNESCO ហើយត្រូវបានចុះឈ្មោះដោយក្តីសង្ឃឹមលើកទី ១៦ របស់គណៈកម្មាធិការអន្តររដ្ឋាភិបាលសន្ធិសញ្ញា ២០០៣ របស់អង្គការ UNESCO ពិនិត្យសំណុំបែបបទ៕

យោង៖ កាសែតជនជាតិ -លីសៀ

ចែករំលែកអត្ថបទ

ពាក្យគន្លឹះ