មហាសាមគ្គីជនជាតិ គំរូក្នុងសហគមន៍

11/10/2021 - 08:57

ភូមិ ស្រុកព្រួតដៃបង្ការប្រឆាំងជំងឺរាតត្បាត

រួមជាមួយនឹងរដ្ឋអំណាចភូមិភាគ ជនរួមជាតិខ្មែរនៅស្រុកទិញបៀង ខេត្តអាងយ៉ាង ខ្នះខ្នែងចូលរួមបង្ការ ប្រឆាំងជំងឺ COVID-១៩ ដោយវិធីធានាគម្លាតសង្គម អនុវត្តសារ “៥K” ដើម្បីរក្សាសុវត្ថិភាពផ្ទាល់ខ្លួន គ្រួសារនិងសហគមន៍។

ផ្សព្វផ្សាយដោយធុងបាសចល័តជាភាសាវៀត-ខ្មែរ នៅតំបន់មានជនរួមជាតិខ្មែររស់នៅកុះករ។

ចំពោះការប្រែប្រួលយ៉ាងស្មុគស្មាញនៃជំងឺ COVID-១៩ មជ្ឈមណ្ឌលបញ្ជាការបង្ការ ប្រឆាំងជំងឺ COVID-១៩ ស្រុកទិញបៀង បានសំណូមពរដល់ គណៈ ផ្នែក ភូមិភាគនានាជំរុញមាំការផ្សព្វផ្សាយ ចលនាប្រជាជនអនុវត្តត្រឹមត្រូវតាមសេចក្តីកំណត់អំពីការបង្ការប្រឆាំងជំងឺរាតត្បាត។ ក្នុងនោះ ផ្តុំកម្លាំង ចលនាជនរួមជាតិខ្មែរអនុវត្តម៉ឺងម៉ាត់សេចក្តីកំណត់បង្ការ ប្រឆាំងជំងឺ COVID- ១៩ ដើម្បីរួមនឹងភូមិភាគច្រានថយជំងឺរាតត្បាត។

អនុប្រធានស្ថានីយផ្សាយសំឡេងស្រុកទិញបៀង លោកង៉ោវ៉ាន់ដូង ផ្តល់ព័ត៌មាន៖ "យើងខ្ញុំបង្កើនពេលវេលារលកធាតុអាកាស កម្រិតផ្សព្វផ្សាយអំពីវិធានការបង្ការប្រឆាំងជំងឺរាតត្បាតជាភាសាខ្មែរដល់ជនរួមជាតិខ្មែរ។ ក្រៅពីនោះ យើងខ្ញុំនៅទាំងសរសេរដំណឹង អត្ថបទ អំពីការងារបង្ការប្រឆាំងជំងឺរាតត្បាតរបស់ស្រុក បកប្រែជាភាសាខ្មែរ ដើម្បីជនរួមជាតិខ្មែរយល់ច្បាស់ស្ថានភាពនៅភូមិភាគទាន់ពេល"។

ក្រៅពីការផ្សព្វផ្សាយតាមប្រព័ន្ធផ្សាយសំឡេង ឧគ្ឃោសនសព្ទចល័តជាភាសា វៀត - ខ្មែរ នៅមណ្ឌលតាំងទីលំនៅ ភូមិស្រុក វត្តអារាម អំពីវិធានការបង្ការ ប្រឆាំងជំងឺ COVID-១៩ ផ្នែកសមត្ថកិច្ចភូមិភាគនៅទាំងផ្សាយដំណឹង អត្ថបទឆ្លុះបញ្ចាំងនូវព័ត៌មានមិនពិតអំពីជំងឺរាតត្បាត ជៀសវាងបង្កឱ្យមានការភិតភ័យក្នុងសាធារណជន។ ទន្ទឹមនឹងនោះ គណៈ ផ្នែក ភូមិភាគនៅទាំងជំរុញមាំនូវការចលនាតាមវត្តអារាមខ្មែរ មូលដ្ឋាន ជំនឿសាសនាលើទូទាំងស្រុក អនុវត្តល្អសេចក្តីកំណត់មិនប្រមូលផ្ដុំគ្នាច្រើន។ល។ ពិសេស ពង្រីកតួនាទីរបស់ព្រះសង្ឃ គណៈកម្មការ អាចារ្យវត្ត អ្នកមានប្រជាប្រិយក្នុងសហគមន៍ជនរួមជាតិខ្មែរ ដើម្បីផ្សព្វផ្សាយពន្យល់ឱ្យមាមីងយល់ច្បាស់ពីគោលមាគ៌ា គោលការណ៍ វិធានការ បង្ការ ប្រឆាំងជំងឺ COVID-១៩ របស់ភូមិភាគ ដើម្បីអនុវត្តយ៉ាងម៉ឺងម៉ាត់ ប្រសិទ្ធភាព។

ព្រះឧបជ្ឈាយ៍ ចៅកាក់ ព្រះចៅអធិការវត្តប្រឡាយមាស ឃុំណុយវ៉យ មានថេរដីកា៖ "អាត្មាភាពណែនាំមាមីងត្រូវរក្សាគម្លាតសង្គម ធានាសុវត្ថិភាពឱ្យមនុស្សគ្រប់គ្នា។ នៅប៉ុន្មានថ្ងៃនេះ អាត្មាភាពមិនឱ្យពុទ្ធបរិស័ទជួបជុំគ្នាច្រើន ដើម្បីរួមនឹងភូមិភាគបង្ការ ប្រឆាំងជំងឺ COVID-១៩"។ លោកចៅភិរម្យ ប្រធានគណៈកម្មាធិការរណសិរ្សមាតុភូមិស្រុកទិញបៀង ផ្តល់ព័ត៌មាន៖ "ប្រព័ន្ធរណសិរ្សមាតុភូមិប្រឹងប្រែងយ៉ាងពេញទំហឹង អនុវត្តល្អការងារផ្សព្វផ្សាយ ចលនា ដើម្បីប្រជាជន ជាពិសេសគឺជនរួមជាតិខ្មែរ ខ្នះខ្នែងអនុវត្តល្អនូវវិធានការបង្ការ ប្រឆាំងជំងឺ COVID-១៩។ ទន្ទឹមនឹងនោះ យើងខ្ញុំតែងយកចិត្តទុកដាក់ដល់ការងារសុខុមាលភាពសង្គម ដើម្បីមាមីងស្ងប់ចិត្តនៅផ្ទះបង្ការប្រឆាំងជំងឺរាតត្បាត។ ដោយសារជីវភាពជនរួមជាតិខ្មែរនៅជួបការលំបាកច្រើន ម៉្លោះហើយ យើងខ្ញុំអាទិភាពគិតគូរ ឧបត្ថម្ភស្បៀងអាហារដើម្បីមាមីងលំនឹងជីវភាព"៕

យោង៖កាសែតអាងយ៉ាង-មុនី

ចែករំលែកអត្ថបទ

ពាក្យគន្លឹះ