04/10/2021 - 07:20

សុក​ត្រាំង​ បន្ត​អំ​ពាវ​នាវ​ជំនួយ​ដល់​ការ​បង្ការ​ ប្រ​ឆាំង​ជំងឺ​COVID-១៩

ខេត្ត​សុក​ត្រាំង​ បន្ត​ការ​បំ​ផុស​ចលនា​ជំនួយ​ដល់​មូល​និធិ​បង្ការ​ ប្រ​ឆាំង​ជំងឺ​COVID-១៩ ដើម្បី​ឧបត្ថម្ភ​សុខុមាល​ភាព​សង្គម​ដល់​ប្រ​ជា​ជន​សុក​ត្រាំង​ និង​ដល់​ខេត្ត​ ក្រុង​នានា​នៅ​ភាគ​ខាង​ត្បូង​ ដែល​រង​ផល​ប៉ះ​ពាល់​ដោយ​ជំងឺ​ឆ្លង​រាល​ដាល​។​

លោក​ឡឹម​វ៉ាន់​ម៉ឹង លេខា​គណៈ​កម្មា​ធិការ​បក្ស​ខេត្ត​សុក​ត្រាំង​ រួម​វិភាគ​ទាន​ដល់​មូល​និធិ​បង្ការ​
ប្រ​ឆាំង​ជំងឺ​ COVID - ១៩។​

តាម​ប្រ​សាសន៍​ លោក​យឿង​សាខា​ ប្រ​ធាន​គណៈ​កម្មា​ធិការ​រណសិរ្ស​មាតុ​ភូមិ​វៀត​ណាម​ខេត្ត​សុក​ត្រាំង​ ជា​មួយ​ស្មារតី​  “ជួយ​គ្នា​ទៅ​វិញ​ទៅ​មក​”  “ស្រឡាញ់​អ្នក​ដទៃ​ ដូច​ស្រ​ឡាញ់​ខ្លួន​” ខេត្ត​ក៏​បាន​អំ​ពាវ​នាវ​គ្រប់​ស្ថាប័ន​ អង្គ​ភាព​ ក្រុម​ហ៊ុន​ អា​ជីវ​កម្ម​ ធនា​គារ​ពាណិជ្ជ​កម្ម​ សប្បុរស​ជន​ អង្គ​ការ​សាសនា​ មួយ​អន្លើ​ដោយ​កម្មា​ភិបាល​ បក្ខ​ជន​ បុគ្គ​លិក អ្នក​រដ្ឋ​ការ​   កម្ម​ករ​និយោ​ជិត​ យុទ្ធ​ជន​នៃ​កង​កម្លាំង​ប្រ​ដាប់​អា​វុធ​ និង​ប្រ​ជា​ជន​គ្រប់​ជាន់​ថ្នាក់​ ដែល​កំ​ពុង​រស់​នៅ​ក្នុង​និង​ក្រៅ​ខេត្ត​ បន្ត​រួម​វិភាគ​ទាន​ដល់​ការ​ងារ​បង្ការ​ ប្រ​ឆាំង​ជំងឺ​ COVID-១៩ ព្រម​ទាំង​ឧបត្ថម្ភ​សុខុមាល​ភាព​សង្គម​ដល់​ប្រ​ជា​ជន​ក្នុង​ខេត្ត​ និង​ជន​រួម​ជាតិ​នៃ​ខេត្ត​យើង​ ដែល​កំ​ពុង​នៅ​ក្រុង​ហូជី​មិញ​ និង​បណ្តា​ខេត្ត​ជិត​ខាង​។​

ចូល​រួម​ការ​អំ​ពាវ​នាវ​ កម្មា​ភិបាល​ បុគ្គ​លិក អ្នក​រដ្ឋ​ការ​នៃ​សម្ព័ន្ធ​ពលកម្ម​ខេត្ត​សុក​ត្រាំង​ បាន​រួម​វិភាគ​ទាន​ទឹក​ប្រាក់​ជាង​ ១៧លាន​ដុង​។​ លោក​ង្វៀង​ថាញ​សើុង ប្រ​ធាន​សម្ព័ន្ធ​ពល​កម្ម​ខេត្ត​ ឱ្យ​ដឹង​៖ “យើង​ខ្ញុំ​ទើប​អំ​ពាវ​នាវ​ដល់​សហជីព​គ្រប់​លំ​ដាប់​ថ្នាក់​ក្នុង​ខេត្ត​ ព្រម​ទាំង​កម្មា​ភិបាល​ បុគ្គលិក អ្នក​រដ្ឋ​ការ​  កម្ម​ករ​និយោ​ជិត​ ស្ម័គ្រ​ចិត្ត​រួម​វិភាគ​ទាន​ប្រាក់​បៀវត្ស ១ ថ្ងៃ​។​ ចំ​ពោះ​អង្គ​ភាព​ បុគ្គល​និង​សប្បុរស​ជន​អាច​នឹង​រួម​វិភាគ​ទាន​ជា​ទឹក​ប្រាក់​ ឬ​សម្ភារៈ​ប្រើ​ប្រាស់​ចាំ​បាច់​ផ្សេង​ៗ​។​ ឆ្លង​តាម​រយៈ​នោះ​ នឹង​បង្ក​បាន​ជា​កម្លាំង​បន្ថែម​ ដើម្បី​អង្គ​ការ​សហជីព​ គិត​គូរ​ទាន់​ពេល​ដល់​គ្រួ​សារ​ដែល​មាន​ជីវ​ភាព​ក្រលំ​បាក​ដោយ​សារ​ជំងឺ​ COVID-១៩។​

រយៈ​ពេល​កន្លង​ គ្រប់​ស្ថាប័ន​ អង្គ​ការ​ បុគ្គ​ល ក្នុង​និង​ក្រៅ​ខេត្ត​ កម្មា​ភិបាល​ បក្ខ​ជន​ បុគ្គ​លិក អ្នក​រដ្ឋ​ការ​ កម្ម​ករ​និយោ​ជិត​ និង​កង​កម្លាំង​ប្រ​ដាប់​អា​វុធ​លើ​ភូមិ​សាស្ត្រ​ខេត្ត​សុក​ត្រាំង​ បាន​រួម​វិភាគ​ទាន​ជាទឹក​ប្រាក់​បាន​ជាង​ ៤០ ពាន់​លាន​ដុង​ ឧបត្ថម្ភ​ជាថវិកា​បង្ការ​ ប្រ​ឆាំង​ជំងឺ​ COVID -១៩។​ ក្រៅ​ពីនេះ​ មាន​អង្គ​ភាព​ បុគ្គល​ជា​ច្រើន​ ថែម​ទាំង​រួម​វិភាគ​ទាន​ជា​វត្ថុ​ មុខ​ទំ​និញ​ ដូច​៖ អង្ករ​ អំ​ណោយ​ ជែល​កម្ចាត់​មេ​រោគ​ ម៉ាស់ ស្បៀង​អា​ហារ​ចាំ​បាច់​ផ្សេង​ៗ​។​ល។​ គិត​ជា​តម្លៃ​ទឹក​ប្រាក់​សរុប​ជាង​ ៤៩ ពាន់​លាន​ដុង​ ដើម្បី​ឧបត្ថម្ភ​លើក​ទឹក​ចិត្ត​ដល់​កង​កម្លាំង​ជួរ​មុខ​ដែល​បំ​ពេញ​ភារ​កិច្ច​នៅ​តាម​ទីតាំង​ត្រួត​ពិនិត្យ​ជំងឺ​ និង​កង​កម្លាំង​បំ​ពេញ​ភារ​កិច្ច​នៅ​តាម​មូល​ដ្ឋាន​ធ្វើ​ចត្តា​ឡី​ស័ក; ឧបត្ថម្ភ​ទាន់​ពេល​ដល់​អ្នក​លក់​ឆ្នោត​ ក្រុម​មុខ​សញ្ញា​ធ្វើ​ការ​ក្រៅ​ក្រប​ខ័ណ្ឌ​នៃ​សេចក្តី​សម្រេច​លេខ​ ៦៨ ឧបត្ថម្ភ​អង្ករ​ ម្ហូប​អា​ហារ​ដល់​អ្នក​ក្រលំ​បាក​។​ល។​ គិត​ជា​តម្លៃ​ទឹក​ប្រាក់​ សរុប​ជាង​ ៦០ ពាន់​លាន​ដុង​។​ ពិសេស​ខេត្ត​សុក​ត្រាំង​ ថែម​ទាំង​រៀប​ចំ​ជើង​រថ​យន្ត​មនោ​សញ្ចេត​នា​ចំ​នួន​ ៧ លើក ដឹក​ជញ្ជូន​ស្បៀង​អា​ហារ​និង​កសិផល​ចាំ​បាច់​ផ្សេង​ៗ​ជាង​ ១៨០ តោន​ ។​ល។​ ដើម្បី​ឧបត្ថម្ភ​ដល់​ជន​រួម​ជាតិ​នៅ​ក្រុង​ហូជីមិញ​ និង​ខេត្ត​ប៊ិញ​យឿង ដែល​រង​ផល​ប៉ះ​ពាល់​ដោយ​ជំងឺ​ COVID - ១៩៕​

                                    លីធាន​-លីសៀ ​ 

ចែករំលែកអត្ថបទ