មហាសាមគ្គីជនជាតិ គំរូក្នុងសហគមន៍

13/09/2021 - 07:18

អ្នកមានប្រជាប្រិយរួមចំណែកយ៉ាងសកម្មក្នុងការកសាងជនបទថ្មីនៅឃុំវៀងប៊ិញ

ឆ្នាំ ២០១៨ ឃុំវៀងប៊ិញ ស្រុកត្រឹងដេ ខេត្តសុកត្រាំង បានទទួលស្គាល់សម្រេចបទដ្ឋានជនបទថ្មី។ លទ្ធផលនោះ គឺមានការរួមចំណែកយ៉ាងសកម្ម ពីសំណាក់អ្នកមានប្រជាប្រិយ ក្នុងការផ្សព្វផ្សាយនិងចលនាប្រជាជនព្រួតដៃកសាងជនបទថ្មីផងដែរ។

លោកថាច់សយ តែងប្រកាសជាសាធារណ៍ប្រកបដោយតម្លាភាព កត់ត្រាច្បាស់លាស់ចំពោះការរួមចំណែករបស់ប្រជាជនក្នុងការកសាងជនបទថ្មី។

ព្រះតេជព្រះគុណ សើុងភិរម្យ ព្រះចៅអធិការវត្តផ្ដៅពេន តែងខ្នះខ្នែង ចលនាពុទ្ធបរិស័ទព្រួតដៃជាមួយនឹងរដ្ឋអំណាចកសាងជនបទថ្មី។ វត្ដបានបរិច្ចាគដីជាង ៦ កុងសម្រាប់រដ្ឋកសាងសាលាមត្តេយ្យ និងទីតាំងសាលាបឋមសិក្សាវៀងប៊ិញ ២ សម្រាប់កូនចៅជនរួមជាតិខ្មែរទៅរៀនសូត្រ។ ទន្ទឹមនឹងនោះ វត្តនៅទាំងចលនាពុទ្ធបរិស័ទដាំផ្កា រុក្ខជាតិលម្អ ធ្វើរបងបង្កើនការផលិត ចូលរួមក្នុងក្រុមសហការដើម្បីងាយស្រួលក្នុងការអភិវឌ្ឍផលិតកម្ម។ ក្រៅពីនោះ ព្រះតេជព្រះគុណ នៅទាំងខ្នះខ្នែងផ្សព្វផ្សាយបង្ការប្រឆាំងជំងឺ COVID - ១៩ ដល់មាមីងពុទ្ធបរិស័ទទាំងភាសាវៀតនិងភាសាខ្មែរ។ បវារណាអ្នកមានសទ្ធាជ្រះថ្លារួមវិភាគទានអង្ករជាង ២ តោន ជួយដល់អ្នកក្ររងផលប៉ះពាល់ដោយជំងឺ COVID-១៩។

លោកថាច់សយ គឺអ្នកមានប្រជាប្រិយ តែងបានមាមីងខ្មែរនៅភូមិត្រាអុង គោរពរាប់អាន ព្រោះលោកជាអ្នកលើកស្ទួយគ្រួសារចាកផុតពីភាពក្រីក្រ ធ្វើមាននិងចិញ្ចឹមកូន ២ នាក់រៀនសូត្រក្លាយជាវេជ្ជបណ្ឌិត។ លោកថាច់សយ ឱ្យដឹង៖ "ការចលនាមាមីងចូលរួមកសាងជនបទថ្មី ខ្ញុំតែងលើកឡើងពីផលប្រយោជន៍នៃជនបទថ្មី គឺបម្រើប្រជាជន អភិវឌ្ឍភូមិស្រុក។ ចំណែកទឹកប្រាក់ សម្ភារៈ អាស្រ័យមាមីងរួមវិភាគទានកសាងសំណង់ជនបទ ខ្ញុំតែងប្រកាសជាសាធារណ៍ ប្រកបដោយតម្លាភាព ច្បាស់លាស់ ម្ល៉ោះហើយមាមីងគាំទ្រ អស់ពីចិត្ដពីថ្លើម។ បច្ចុប្បន្ន ដងផ្លូវចូលកាន់ភូមិត្រាអុងត្រូវបានឃុំជ្រើសជាដងផ្លូវគំរូ ដ្បិតអីមាមីងដាំផ្កាធ្វើរបង បង្កជាសោភណភាពក្នុងភូមិស្រុក"។

តាមប្រសាសន៍លោក សើុងហួន អនុលេខាគណៈកម្មាធិការបក្ស ប្រធានគណៈកម្មាធិការរណសិរ្សមាតុភូមិវៀតណាមឃុំវៀងប៊ិញ៖ អ្នកមានប្រជាប្រិយក្នុងជនរួមជាតិខ្មែររបស់ឃុំ តែងជាស្ពានតភ្ជាប់រវាងប្រជាជននិងរដ្ឋអំណាច។ អាស្រ័យពួកគាត់ផ្សព្វផ្សាយ ទើបមាមីងខ្មែរយល់បានអំពីគោលបំណង អត្ថន័យនៃការកសាងជនបទថ្មី។ ផ្ដើមពីនោះ មាមីងម្ចាស់ការរួមវិភាគទានជាទឹកប្រាក់ កម្លាំងពលកម្ម សម្ភារៈ បរិច្ចាគដីកសាងផ្លូវ ស្ពានជនបទថ្មី សាលារៀន ។ល។ ដើម្បីឃុំអនុវត្តសម្រេចលក្ខឋាន ស្ដីពីការកសាងជនបទថ្មីត្រូវតាមផែនការ៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ