គោលនយោបាយ -ការរស់នៅ ច្បាប់

06/09/2021 - 07:36

ក្រសួងសុខាភិបាល ផ្តល់អនុសាសន៍នៅពេលទិញផលិតផលផ្សាយពាណិជ្ជកម្មបង្ការជំងឺ COVID-១៩

តាមការលើកឡើងរបស់មធ្យោបាយព័ត៌មានមហាជនមួយចំនួនឱ្យដឹង៖ បច្ចុប្បន្ន តម្រូវការបង្ការ ប្រឆាំងជំងឺឆ្លងរាលដាលរបស់ប្រជាជនកើនឡើងខ្ពស់ អាស្រ័យហេតុនោះ មានអង្គការ បុគ្គលមួយចំនួន បានឆ្លៀតឱកាសដែលស្ថានភាពជំងឺ COVID-១៩ មានការប្រែប្រួលស្មុគស្មាញ ក៏បានប្រកាសផ្សាយពីផលិតផលដោយខ្លួនឯង រួចបិទផ្លាកសញ្ញា ផ្សាយពាណិជ្ជកម្មថាផលិតផលមានប្រសិទ្ធភាពបង្ការបានវីរុស បង្ការបាន COVID-១៩ បង្ការបានរលាក និងបង្ការ ប្រឆាំងបានជំងឺCOVID-១៩។ល។

ក្រសួងសុខាភិបាល បានធ្វើការព្រមានអំពីផលិតផល ២ ប្រភេទដែលផលិតពីស្មៅប្រមាត់មនុស្សក្លែងក្លាយ ថាមានប្រសិទ្ធភាពក្នុងការបង្ការ ប្រឆាំងជំងឺ COVID-១៩។

លោកង្វៀងថាញផុង ប្រធាននាយកដ្ឋានសុវត្ថិភាពចំណីអាហារ ឱ្យដឹង៖ នាយកដ្ឋានបានធ្វើការព្រមានជាបន្តបន្ទាប់ អំពីប្រភេទអាហារបំប៉ន មានដូចជាអាហារផ្ដល់អត្ថប្រយោជន៍សម្រាប់សុខភាព អាហារបំប៉ន អាហារសម្រាប់របបហូបចុកពិសេស ឬអាហារបំប៉នខាងវេជ្ជសាស្រ្ត។ល។ គឺគ្មានប្រសិទ្ធភាពក្នុងការព្យាបាលជំងឺនោះទេ ពិសេសគឺជំងឺ COVID -១៩។ ស្ថាប័នសមត្ថកិច្ចបានចាត់វិធានការទៅលើអង្គការ បុគ្គលជាច្រើន ដែលផ្សាយពាណិជ្ជកម្មខុសច្បាប់ខាងលើ។ល។ នាយកដ្ឋានសុវត្ថិភាពចំណីអាហារ បានស្នើឱ្យមន្ទីរសុខាភិបាលខេត្ត ក្រុងនីមួយៗ និងគណៈគ្រប់គ្រងសុវត្ថិភាពអាហារបណ្ដាភូមិភាគ ដូច៖ ក្រុងហូជីមិញ ដាណាំង បាក់និញ ធ្វើការឆែកឆេរទាំងស្រុងចំពោះការផ្សាយផលិតផលដោយខ្លួនឯង ដែលមានធាតុផ្សំពីស្មៅប្រមាត់មនុស្ស និងរាល់ផលិតផលដែលកត់ត្រាពីប្រសិទ្ធភាពប្រើប្រាស់ មុខសញ្ញាប្រើប្រាស់ពាក់ព័ន្ធនឹងការបង្ការ ឬព្យាបាលជំងឺ COVID-១៩ (មានដូចជាផលិតផលដែលមានប្រសិទ្ធភាពបង្ការវីរុស បង្ការជំងឺ COVID-១៩ ឬបង្ការរលាក បង្ការ ប្រឆាំងបានជំងឺ COVID-១៩)។ ទន្ទឹមនឹងនោះ ក៏បានសំណូមពរឱ្យប្រមូលឡើងវិញការផ្សាយពីផលិតផលដោយខ្លួនឯង និងប្រមូលផលិតផលខុសច្បាប់ រួចចាត់វិធានការយ៉ាងម៉ឺងម៉ាត់ទៅតាមបទប្បញ្ញត្តិនៃច្បាប់; ត្រូវប្រកាសជាសាធារណៈចំពោះមូលដ្ឋាននិងផលិតផលខុសច្បាប់ លើមធ្យោបាយព័ត៌មានមហាជនតាមសេចក្តីកំណត់។

ទន្ទឹមនឹងនោះ ស្ថាប័នទាំងនេះគប្បីសហការជាមួយអង្គភាពសមត្ថកិច្ចដែលពាក់ព័ន្ធនៅតាមភូមិភាគ (នគរបាល កងកម្លាំងគ្រប់គ្រងទីផ្សារ ស្ថាប័នព័ត៌មាននិងសារគមនាគមន៍ ។ល។) បង្កើនសកម្មភាពត្រួតពិនិត្យការផលិត ធ្វើអាជីវកម្ម បិទផ្លាកសញ្ញា ឬផ្សាយពាណិជ្ជកម្មផលិតផលដូចពោលខាងលើ; ទប់ស្កាត់ទាន់ពេលផលិតផលខុសច្បាប់ចេញទីផ្សារ ចាត់វិធានការយ៉ាងតឹងរ៉ឹងទៅលើអង្គការ បុគ្គលដែលប្រព្រឹត្តល្មើស និងប្រកាសជាសាធារណៈដើម្បីប្រជាជនបានដឹង៕

យោង៖ baochinhphu.vn -ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ