02/08/2021 - 08:32

លើក​កម្ពស់​គុណ​ភាព​អប់​រំ​តំ​បន់​ជន​ជាតិ​ខ្មែរ​

សាលា​បឋម​សិក្សា​ថាញ់​ភូ ៣ ឃុំ​ថាញ់​ភូ ស្រុក​មីស្វៀង​ ខេត្ត​សុក​ត្រាំង​ មាន​បន្ទប់​រៀន​ចំ​នួន​២៣ និង​មាន​សិស្ស​ ៧៣០ រូប​ ក្នុង​នោះ​ សិស្ស​ជន​ជាតិ​ខ្មែរ​ស្រូប​អត្រា​ជិត​ ៩៥%។​ ឆ្នាំ​ ២០១៩ សាលា​បាន​ទទួល​ស្គាល់​សម្រេច​បទ​ដ្ឋាន​ជាតិ​ ម្ល៉ោះ​ហើយ​គុណ​ភាព​អប់​រំ​ក៏​កើន​ឡើង​ដោយ​ឥត​ឈប់​ឈរ​។​

សិស្ស​សាលា​បឋម​សិក្សា​ថាញ់​ភូ ៣ ប្រ​ឡែងគ្នា​លេង​ក្នុង​ទីធ្លា​សាលា​។​

លោក​គ្រូ​លី​ខែន នាយក​សាលា​បឋម​សិក្សា​ថាញ់​ភូ​ ៣ ឱ្យ​ដឹង​៖ “ទោះ​ជា​សាលា​ស្ថិត​នៅ​ភូមិ​តំ​បន់​ឆ្ងាយ​ដាច់​ស្រ​យាល​របស់​ឃុំ​ក៏​ដោយ​ ប៉ុន្តែ​កម្រិត​វិជ្ជា​ជីវៈ​របស់​កម្មា​ភិបាល​ គ្រូ​បង្រៀន​នៅ​ទីនេះ​សម្រេច​បទដ្ឋាន​និង​សម្រេច​លើស​  បទដ្ឋាន​។​ គ្រូ​បង្រៀន​របស់​សាលា​តែង​មាន​វិធី​សាស្រ្ត​បង្រៀន​ល្អ​ និង​សម​ស្រប​ ដើម្បី​ជួយ​ឱ្យ​ប្អូន​ៗ​ខ្មែរ​ងាយ​យល់​ ហេតុ​នេះ​គុណ​ភាព​អប់​រំក៏​បាន​កើន​ឡើង​។​ ផ្តើម​ពីនោះ​ អា​ណា​ព្យា​បាល​សិស្ស​មាន​ទំ​នុក​ចិត្ត​ជញ្ជូន​កូន​ចៅ​មក​រៀន​ រួម​ចំ​ណែក​ជំរុញ​អត្រា​កុមារ​ចូល​រៀន​សម្រេច​និង​សម្រេច​លើស​ភាគ​កម្រិត​”។​

ឆ្នាំ​សិក្សា​ ២០២០-២០២១ ក្រសួង​អប់​រំនិង​បណ្តុះ​បណ្តាល​ បាន​ផ្សព្វ​ផ្សាយ​អនុវត្ត​កម្ម​វិធី​អប់​រំ​ចំ​ណេះ​ទូទៅ​ថ្មី​នៅ​ថ្នាក់​ទី ១ សាលា​បាន​ជ្រើស​រើស​យក​សៀវ​ភៅ​ពុម្ព​របស់​អា​គារ​បោះ​ពុម្ភ​ជឹង​ត្រើយ​មើុយ​សម្រាប់​បង្ហាត់​ បង្រៀន​។​ ទន្ទឹម​នឹង​នោះ​ គ្រូ​បង្រៀន​បាន​បំ​ពាក់​បំ​ប៉ន​មុខ​វិជ្ជា​ជីវៈ​ដើម្បី​ឈាន​ដល់​វិធី​សាស្រ្ត​បង្រៀន​ថ្មី​។​ ដើម្បី​លើក​កម្ពស់​គុណ​ភាព​អប់​រំ សាលា​បាន​ចាត់​គ្រូ​បង្រៀន​ដែល​មាន​បទ​ពិសោធន៍ ស្រឡាញ់​មុខ​របរនិង​មាន​ក្រម​សីល​ធម៌​ផ្នែក​គរុកោ​សល្យ​ល្អ​សម្រាប់​បង្ហាត់​បង្រៀន​ថ្នាក់​ទី ១។​ អ្នក​គ្រូ​សើុង​បាវ​ង៉ុក​ ឱ្យ​ដឹង​៖ “ខ្ញុំ​បង្រៀន​ថ្នាក់​ទី ១ បាន​ ១៤ ឆ្នាំ​ហើយ​ និង​យល់​ច្បាស់​អំ​ពី​ទុក្ខ​លំ​បាក​របស់​ប្អូន​ៗ​សិស្ស​ជន​ជាតិ​ខ្មែរ​ ម្ល៉ោះ​ហើយ​បង្រៀន​អក្សរ​បណ្ដើរ​ បង្រៀន​បំ​ណិន​ជីវិត​បណ្ដើរ​ និង​របៀប​ទំ​នាក់​ទំ​នង​ដល់​ប្អូន​ៗ​ទៀត​។​ ពិសេស​ ក្នុង​ការ​បង្ហាត់​បង្រៀន​ ខ្ញុំ​ជ្រើស​រើស​វិធី​សាស្រ្ត​បែប​ប្រ​ពៃ​ណី​ផ្សំ​នឹង​វិធី​សាស្រ្ត​ថ្មី​ បង្រៀន​ទាំង​ពីរភាសា​វៀត​-ខ្មែរ​ ទើប​ប្អូន​ៗ​ទទួល​យក​មេ​រៀន​បាន​ល្អ​”។​

 លោក​គ្រូ​លីខែន ឱ្យ​ដឹង​បន្ថែម​៖ “ឆ្នាំ​នេះ​ សិស្ស​ថ្នាក់​ទី ២ អនុវត្ត​នូវ​ក្រប​ខ័ណ្ឌ​កម្ម​វិធី​បណ្តុះ​បណ្តាល​ថ្មី​តាម​ការ​កំ​ណត់​របស់​ក្រសួង​អប់​រំ និង​បណ្តុះ​បណ្តាល​។​ ក្រោយ​ពី​បាន​បំ​ពាក់​បំ​ប៉ន​មុខ​ជំនាញ​ និង​ហ្វឹក​ហាត់​វិធី​សាស្រ្ត​បង្រៀន​ គ្រូ​បង្រៀន​របស់​សាលា​មាន​ភាព​ជឿ​ជាក់​ក្នុង​ការ​បង្រៀន​ ដើម្បី​ធានា​គុណ​ភាព​បង្រៀន​និង​រៀន​។​ គណៈ​នា​យក​និង​គ្រូ​បង្រៀន​សាលា​បឋម​សិក្សា​ថាញ់​ភូ ៣ តែង​យក​អស់​ពី​កម្លាំង​កាយ​ចិត្ត​សម្រាប់​បុព្វ​ហេតុ​បណ្តុះ​បណ្តាល​ ដើម្បី​លើក​កម្ពស់​កម្រិត​វិជ្ជា​ឱ្យ​ប្អូន​ៗ​តំ​បន់​ជន​ជាតិ​ខ្មែរ​”៕​                  

                                លីធាន​-ត្រឹង​ហ្គោន

ចែករំលែកអត្ថបទ