គោលនយោបាយ -ការរស់នៅ គោលនយោបាយ

12/07/2021 - 13:16

បង្កើនការអនុវត្តគោលនយោបាយដើម្បីជនរួមជាតិភាគតិច មានជីវភាពកាន់តែល្អប្រសើរ

តាមប្រសាសន៍លោកត្រឿងវ៉ាន់ភឿក អនុប្រធានការិយាល័យនៃគណៈកម្មាធិការប្រជាជន ស្រុកយ៉ុងរៀង ខេត្តគៀងយ៉ាង៖ ស្រុកបានដំណើរការត្រួតពិនិត្យឡើងវិញគ្រួសារក្រីក្រជាជនជាតិភាគតិច និងគ្រួសារក្រីក្រនៅភូមិ ឃុំលំបាកខ្លាំង ដើម្បីបន្តជំនួយតាមគោលនយោបាយដល់មុខសញ្ញាដែលត្រូវបានទទួលផល។

សម្ព័ន្ធយុវជនជំនួយអង្ករដល់គ្រួសារក្រលំបាក។

ឆ្លងតាមរយៈការត្រួតពិនិត្យឡើងវិញ ស្រុកយ៉ុងរៀងមានគ្រួសារចំនួន ១០៧ បានទទួលផលពិសេសដោយឡែក ខណៈពេលស្រុកអនុវត្តនូវគោលនយោបាយតាមសេចក្ដីសម្រេចលេខ ២០៨៥/QĐ-TTg ចុះថ្ងៃ ៣១/១០/២០១៦ របស់នាយករដ្ឋមន្រ្តីនៃរដ្ឋាភិបាល។ ក្នុងនោះ ឧបត្ថម្ភដីសង់ផ្ទះ ៥ គ្រួសារ ឧបត្ថម្ភដីផលិតកម្ម ១ គ្រួសារ និងឧបត្ថម្ភផ្លាស់ប្ដូរមុខរបរ ៧៧ គ្រួសារ ឧបត្ថម្ភទឹកស្អាតប្រើប្រាស់ ២២ គ្រួសារ។ល។ ទន្ទឹមនឹងនោះ ស្រុកនិងបណ្តាឃុំ ទីប្រជុំជននានា តែងចាត់ក្រុមការងារចុះទៅសួរសុខទុក្ខគ្រួសារគោលនយោបាយ គ្រួសារលំបាក ក្នុងឱកាសបុណ្យទាន បុណ្យចូលឆ្នាំថ្មីរបស់ជនរួមជាតិភាគតិច។ ពិសេស ភូមិភាគតែងអនុវត្តល្អការងារលើកទឹកចិត្តនិងចលនាគ្រួសារប្រជាជនអនុវត្តម៉ឺងម៉ាត់ សារ ៥K ក៏ដូចជាបង្កើនការបង្ការ ប្រឆាំងជំងឺ COVID-១៩។ លោកភឿក ឱ្យដឹងបន្ថែម៖ “សម្ព័ន្ធយុវជនស្រុក ទើបសហការជាមួយនឹងបណ្តាឃុំ ទីប្រជុំជន អង្គការមហាជននានា ចលនាអំណោយរាប់រយចំណែកឧបត្ថម្ភដល់គ្រួសារលំបាក ដោយសាររងផលប៉ះពាល់ពីជំងឺ COVID-១៩។ អំណោយរួមមានគ្រឿងឧបភោគនិងបរិភោគ សំដៅលើកទឹកចិត្តគ្រួសារលំបាកនិយាយរួម និងគ្រួសារជនជាតិភាគតិចនិយាយដោយឡែក រួមគ្នាឆ្លងកាត់ជំងឺឆ្លងរាលដាល”។

ស្ពាន ផ្លូវថ្នល់នៅស្រុកយ៉ុងរៀង សុទ្ធសឹងបានចាក់បេតុង កៅស៊ូទាំងអស់។

លោកយ័ញភុក ប្រធានគណៈជនជាតិខេត្តគៀងយ៉ាង ឱ្យដឹង៖ ការគួបផ្សំគោលនយោបាយឧបត្ថម្ភពិសេសដោយឡែករបស់រដ្ឋសម្រាប់ជនរួមជាតិភាគតិចនិងកម្មវិធីទិសដៅកសាងជនបទថ្មី បានជួយដល់ឃុំតំបន់ជនរួមជាតិភាគតិច មានដូច៖ ឃុំបាងថាច់ បាងតឹងឌិញ វិញថាញ វិញភូ ង៉ុកជុក ង៉ុកហ្វា។ល។ មានភាពរីកចម្រើនពីមួយថ្ងៃទៅមួយថ្ងៃ។ ផ្ដើមពីនោះ ជីវភាពសម្ភារៈនិងស្មារតីរបស់ជនរួមជាតិភាគតិចត្រូវបានលើកស្ទួយ ដោយឥតឈប់ឈរ។ បងយ័ញចឿង នៅក្រុងកឹងធើ បានរ៉ាយរ៉ាប់៖ “ពីមុន ពេលចង់មកលេងផ្ទះនៅឃុំបាងថាច់ម្តងៗ ខ្ញុំតែងសុំច្បាប់ឈប់ច្រើនថ្ងៃ ពីព្រោះផ្លូវធ្វើដំណើរទៅមកលំបាក។ ប៉ុន្តែឥឡូវនេះ ខ្ញុំគ្រាន់តែចំណាយពេលបើកម៉ូតូប្រហែល ៣ ម៉ោងគឺដល់ផ្ទះ ដ្បិតផ្លូវចូលផ្ទះខ្ញុំត្រូវបានចាក់បេតុង។ ខណៈពេលហេដ្ឋារចនាសម្ព័ន្ធមានការរីកចម្រើន មាមីងនៅភូមិខ្ញុំក៏មានឱកាសច្រើនសម្រាប់ធ្វើការរកទទួលទាន ម្ល៉ោះហើយពេលចុះមកស្រុកសម្លឹងឃើញសុទ្ធតែផ្ទះឥដ្ឋ ប្អូនៗកុមារគ្មានការបោះបង់ការរៀនសូត្រដូចពីមុនទៀត”។

ស្រុកយ៉ុងរៀង កំពុងអនុវត្តបទបញ្ជាលេខ ១៩-CT/TW ចុះថ្ងៃទី ១០/០១/២០១៨ របស់គណៈលេខា (នីតិកាល XII) ស្ដីពីបង្កើនការងារនៅតំបន់ជនរួមជាតិខ្មែរក្នុងសម័យថ្មី ដើម្បីជីវភាពមាមីងជនរួមជាតិភាគតិច កាន់តែរីកចម្រើនពីមួយថ្ងៃទៅមួយថ្ងៃ៕

ហាថាញ - ថាច់ធី

ចែករំលែកអត្ថបទ

ពាក្យគន្លឹះ