ព្រឹត្តិការណ៍ - នយោបាយ ព្រឹត្តិការណ៍

12/07/2021 - 13:16

បេក្ខជនទូទាំងប្រទេសជិត ១ លាននាក់ បានបញ្ចប់សម័យប្រឡង សញ្ញាបត្រមធ្យមសិក្សាចំណេះទូទៅ លើកទី១ ឆ្នាំ២០២១

ក្រោយពីពីរថ្ងៃប្រឡង (៧-៨/៧/២០២១) បេក្ខជនទូទាំងប្រទេសជិត ១ លាននាក់ បានប្រឡងបញ្ចប់សម័យប្រឡងសញ្ញាបត្រមធ្យមសិក្សាចំណេះទូទៅ លើកទី១ ឆ្នាំ ២០២១។ នេះជាសម័យប្រឡងសញ្ញាបត្រមធ្យមសិក្សាចំណេះទូទៅ ស្ថិតក្នុងបរិការណ៍នៃជំងឺ COVID-19 មានការប្រែប្រួលយ៉ាងស្មុគស្មាញ ម្ល៉ោះហើយសិស្សបញ្ចប់កម្មវិធីសិក្សាថ្នាក់ទី ១២ ដែលមិនអាចចូលរួមប្រឡងក្នុងលើកនេះបាន នឹងត្រូវបានប្រឡងក្នុងលើកទី ២ តាមពេលវេលាដែលក្រសួងអប់រំនិងបណ្ដុះបណ្ដាលកំណត់។

សមណសិស្សសាលាមធ្យមសិក្សាបំពេញវិជ្ជាបាលីណាមបូ ចូលរួមប្រឡងសញ្ញាបត្រមធ្យមសិក្សាចំណេះទូទៅ នៅវិទ្យាល័យហ្វាងយីវខេត្តសុកត្រាំង។

នៅសាលាវិទ្យាល័យចូវវ៉ាន់លីម ក្រុងកឹងធើ បេក្ខជនត្រូវបានវាស់កម្ដៅមុនពេលចូលកាន់បន្ទប់ប្រឡង។

ការងារត្រៀមបម្រុងសម្រាប់សម័យប្រឡង ក៏បានខេត្ត ក្រុង តំបន់មានជនរួមជាតិខ្មែររស់នៅកុះករ នៅវាលរាបទន្លេគឺវឡុង ធ្វើការត្រៀមបម្រុងយ៉ាងម៉ត់ចត់ដើម្បីធានាសុវត្ថិភាពដល់បេក្ខជន។ បេក្ខជននៅក្រុងកឹងធើជាង ១២.០០០ នាក់ ត្រូវបានវាស់កម្ដៅនិងណែនាំពីរបៀបបង្ការជំងឺ COVID-19 មុនពេលចូលកាន់បន្ទប់ប្រឡង។ ខេត្តត្រាវិញ មានបេក្ខជនជិត ៩.០០០ នាក់ចុះឈ្មោះប្រឡងសញ្ញាបត្រមធ្យមសិក្សាចំណេះទូទៅ ឆ្នាំ ២០២១ ក្នុងនោះ បេក្ខជនចុះឈ្មោះប្រឡងពិនិត្យបញ្ចប់កម្រិតមធ្យមសិក្សាចំណេះទូទៅមាន ២.១៣៨ នាក់ បេក្ខជនចុះឈ្មោះប្រឡងដើម្បីពិនិត្យជម្រើសសិស្សមហាវិទ្យាល័យមាន ៣៥២ នាក់ បេក្ខជនចុះឈ្មោះប្រឡងដើម្បីបញ្ចប់កម្រិតមធ្យមសិក្សាចំណេះទូទៅ និងពិនិត្យជម្រើសសិស្សមហាវិទ្យាល័យមាន ៦.៣៣២ នាក់។ សម័យប្រឡងសញ្ញាបត្រមធ្យមសិក្សាចំណេះទូទៅ ឆ្នាំ ២០២១ ទូទាំងខេត្តសុកត្រាំង មានបេក្ខជនចូលរួមប្រឡងប្រមាណ ៩.៥០០ នាក់ នៅមណ្ឌលប្រឡងចំនួន ២១។

តាមប្រសាសន៍លោកស្រីត្រឹងធីង៉ុកយីម នាយកមន្ទីរអប់រំនិងបណ្ដុះបណ្ដាលខេត្តអាងយ៉ាង មុននឹងដំណើរការសម័យប្រឡង មន្ទីរបានធ្វើការកែសម្រួលគម្រោងរៀបចំសម័យប្រឡងសញ្ញាបត្រមធ្យមសិក្សាចំណេះទូទៅ ឆ្នាំ ២០២១ ព្រោះថា ខេត្តអាងយ៉ាងបានរកឃើញអ្នកវិជ្ជមានជំងឺ COVID-19 នៅស្រុកអាងភូ និងក្រុងចូវដុក។ ហេតុនោះ ដើម្បីឱ្យសម័យប្រឡងប្រព្រឹត្តទៅដាច់ខាតត្រូវធានាសុវត្ថិភាព ស្របតាមលក្ខន្តិកៈ ធានាផលប្រយោជន៍របស់បេក្ខជនគ្រប់រូប មន្ទីរអប់រំនិងបណ្ដុះបណ្ដាលខេត្តអាងយ៉ាង បានសម្រេចឱ្យបេក្ខជននៅស្រុកអាងភូ និងក្រុងចូវដុក ប្រឡងក្នុងលើកទី ២។

តាមផែនការរបស់ក្រសួងអប់រំនិងបណ្ដុះបណ្ដាល ថ្ងៃទី ២៦/៧/២០២១ ភូមិភាគនានានឹងប្រកាសលទ្ធផលប្រឡង៕

ក្រុមអ្នកយកព័ត៌មាន-ពេជ្រសឿន

ចែករំលែកអត្ថបទ

ពាក្យគន្លឹះ