ព្រឹត្តិការណ៍ - នយោបាយ ព្រឹត្តិការណ៍

22/06/2021 - 09:04

យកចិត្តទុកដាក់យ៉ាងសំខាន់ក្នុងការបញ្រ្ជាប ផ្តុំកម្លាំងអនុវត្តល្អ ៣ ចំណុចៈ រៀនសូត្រ ធ្វើតាមដំបូន្មានអ៊ំ និងធ្វើជាគំរូ

(TG) - នៅក្នុងកិច្ចប្រជុំតាមប្រព័ន្ធអនឡាញទូទាំងប្រទេស បូកសរុបបណ្តោះអាសន្ន ៥ ឆ្នាំ អនុវត្តបទបញ្ជាលេខ ០៥-CT/TW របស់ការិយាល័យនយោបាយ នីតិកាល XII ផ្សព្វផ្សាយអនុវត្តសេចក្ដីសន្និដ្ឋានលេខ ០១-KL/TW របស់ការិយាល័យនយោបាយ នីតិកាល XIII ស្តីពីការបន្តអនុវត្តបទបញ្ជាលេខ ០៥-CT/TW ស្តីពី “ជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ” ប្រព្រឹត្តទៅនាព្រឹកថ្ងៃទី ១២ ខែមិថុនា ជំនួសមុខឱ្យគណៈប្រតិបត្តិការមជ្ឈិមបក្ស អគ្គលេខាបក្ស ង្វៀងភូត្រុង អបអរសាទរនិងស្ងើចសរសើរសមូហភាព បុគ្គលគំរូ ក្នុងការរៀនសូត្រនិងធ្វើតាមដំបូន្មានអ៊ំ។

អគ្គលេខាបក្ស ង្វៀងភូត្រុង និងប្រធានរដ្ឋ ង្វៀងស្វឹងភុក ជាមួយអ្នកតំណាងទាំងឡាយទស្សនា និងស្តាប់ការឧទ្ទេសនាមតាំងពិព័រណ៍“បណ្តាគំរូសាមញ្ញប៉ុន្តែថ្លៃថ្នូរ” ។ រូបៈ VGP/ញឹកបាក់

ថ្លែងចង្អុលការក្នុងកិច្ចប្រជុំ សមមិត្តអគ្គលេខាបក្ស ង្វៀងភូត្រុង បញ្ជាក់៖ រយៈពេលកន្លង ការងារជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ ត្រូវបានបក្សយើងលើកឡើង និងចង្អុលការតាំងពីដំបូង ដោយមានបទបញ្ជា សេចក្តីសម្រេចនៅគ្រប់ដំណាក់កាល។ ថ្មីៗនេះ គឺបទបញ្ជាលេខ ០៥ របស់ការិយាល័យនយោបាយ នីតិកាល XII ស្តីពីការ “ជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ” ភ្ជាប់នឹងការអនុវត្តសេចក្តីសម្រេចមជ្ឈិម ៤ នីតិកាល XII ស្តីពីការ “បង្កើនការកសាងរៀបចំបក្សឡើងវិញ ទប់ស្កាត់ ច្រានថយនូវឱនភាពនៃសតិអារម្មណ៍នយោបាយ សីលធម៌ ផ្នត់រស់នៅ បង្ហាញអាការៈ “ប្រែប្រួលដោយខ្លួនឯង” “ផ្លាស់ប្តូរដោយខ្លួនឯង” ក្នុងផ្ទៃក្នុង សម្រេចបានលទ្ធផលសំខាន់ៗលើគ្រប់វិស័យ ដោយរបៀបធ្វើថ្មីៗប្រកបដោយគំនិតច្នៃប្រតិដ្ឋ ជាក់ស្តែង មានការវិវឌ្ឍខ្លាំងក្លា សកម្ម មានភាពសុសសាយយ៉ាងទូលំទូលាយក្នុងទូទាំងបក្សនិងទូទាំងសង្គម ដោយបានមហាសន្និបាតទី ១២ របស់បក្ស វាយតម្លៃខ្ពស់។

សមមិត្តអគ្គលេខាបក្ស សំណូមពរគណៈកម្មាធិការបក្សនិងរដ្ឋអំណាចគ្រប់លំដាប់ថ្នាក់ គ្រប់ស្ថាប័ន អង្គភាព គប្បីពង្រីកនូវលទ្ធផលដែលសម្រេចបាន បន្តការជំរុញជាងទៀតនូវការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ។ ម៉ឺងម៉ាត់ ភ្ញាក់រលឹកអនុវត្តប្រកបដោយប្រសិទ្ធភាព តាមសំណូមពរ ភារកិច្ចដែលបានដាក់ចេញនៅក្នុងសេចក្ដីសន្និដ្ឋានលេខ ០១-KL/TW ចុះថ្ងៃ ១៨/៥/ ២០២១ ថ្មីៗនេះរបស់ការិយាល័យនយោបាយ ស្តីពីការបន្តការអនុវត្តបទបញ្ជាលេខ ០៥-CT/TW របស់ការិយាល័យនយោបាយ អំពី “ជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ”។ ផ្តោតការយកចិត្តទុកដាក់បញ្រ្ជាប ផ្តុំកម្លាំងអនុវត្តល្អ ៣ ចំណុចគឺ៖ រៀនសូត្រ ធ្វើតាមដំបូន្មានអ៊ំនិងលើកឡើងគំរូកម្មាភិបាល បក្ខជន។

សមមិត្តអគ្គលេខាបក្ស សំណូមពរក្នុងដំណាក់ការអនុវត្តភារកិច្ចទាំង ៣ ដូចពោលខាងលើ គប្បីគួបផ្សំយ៉ាងហ្មត់ចត់រវាង “កសាង” និង “តទល់” ក្នុងនោះ “កសាង” គឺជាមូលដ្ឋាន ជាយុទ្ធសាស្រ្ត “តទល់” គឺជាការសំខាន់ចាំបាច់។ លើកកម្ពស់ ស្មារតី “និយាយដើរទន្ទឹមនឹងធ្វើ” “លត់ដំអស់មួយជីវិត” ជានិច្ចកាល “ពិនិត្យមើលខ្លួនឯង” “កែប្រែខ្លួនឯង”។ តស៊ូប្រយុទ្ធ ទប់ស្កាត់ ច្រានថយនូវឱនភាពនៃសតិអារម្មណ៍ សីលធម៌ ផ្នត់រស់នៅ អាការៈ “ប្រែប្រួលដោយខ្លួនឯង”, “ផ្លាស់ប្តូរដោយខ្លួនឯង” ក្នុងផ្ទៃក្នុង អត់ធ្មត់ បេ្តជ្ញាតស៊ូប្រយុទ្ធប្រឆាំងអំពើពុករលួយ អសកម្ម ជាមួយនឹងស្មារតីគ្មានតំបន់ហាមឃាត់ គ្មានករណីលើកលែង មិនរងផលប៉ះពាល់ពីអង្គការឬបុគ្គលមិនស្អាតស្អំណាមួយឡើយ។ បង្កើនការត្រួតពិនិត្យ និងឃ្លាំមើល។ លើកកម្ពស់ស្មារតីភ្ញាក់រលឹក ហាមឃាត់ចំពោះសតិអារម្មណ៍ ទង្វើអសកម្មនានា។ ទន្ទឹមនឹងនោះ លើកទឹកចិត្ត គាំទ្រកម្មាភិបាល បក្ខជន ដែលគិតគូរ ធ្វើសកម្ម ភាពដើម្បីផលប្រយោជន៍រួម ដើម្បីសុភមង្គលរបស់ប្រជាជន ធ្វើឱ្យបក្សយើងពិតជាស្អាតស្អំ រឹងមាំ៕

យោង៖ tuyengiao.vn-មុនី

ចែករំលែកអត្ថបទ

ពាក្យគន្លឹះ