កីឡា - ទេសចរណ៍ ទេសចរណ៍

24/05/2021 - 14:58

ភាពស័ក្ដិសិទ្ធិនៃរាជធានីបុរាណ

រាជធានីបុរាណហ្វាលឺ នៅខេត្តនិញប៊ិញ ត្រូវបាន UNESCO ទទួលស្គាល់ជាតំបន់ដ៏សំខាន់មួយក្នុងចំណោម ៤ តំបន់ ចំណុះប្រជុំបេតិកភណ្ឌពិភពលោកត្រាងអាង។ នេះជាប្រជុំស្ថាបត្យកម្មមួយដ៏ប្រណីត បានរដ្ឋរៀបចំណាត់ថ្នាក់ជាប្រជុំស្ថាបត្យកម្មកេរដំណែលប្រវត្តិសាស្រ្តជាតិដ៏សំខាន់ ចាំបាច់ត្រូវតែអភិរក្ស។

ទីលានអតីតរាជធានីបុរាណហ្វាលឺ។

រាជធានីបុរាណហ្វាលឺ មានវិហារគោរពបូជាមហាក្សត្រ ២ អង្គ គឺវិហារគោរពបូជាមហាក្សត្រ ឌិញតៀងហ្វាង និងមហាក្សត្រ ឡេដាយហាញ់ គឺជាទីតាំងដ៏ស័ក្ដិសិទ្ធិ។ កេរដំណែលទាំងពីរនេះ ស្ថិតក្នុងមណ្ឌលកេរដំណែលប្រវត្តិសាស្រ្តវប្បធម៌រាជធានីបុរាណហ្វាលឺ។ អាចនិយាយថា សំណង់ទាំង ២ នេះជាសិល្បៈចម្លាក់ឈើ និងថ្មដ៏ប្រណីត។ ទោះជាបានកសាងក្នុងអំឡុងសតវត្សរ៍ទី ១៧ ប៉ុន្តែអាស្រ័យមានការជួសជុលនិងកែលម្អជាប្រចាំ ទើបកេរដំណែលទាំង ២ នេះហាក់ដូចនៅរក្សាបានភាពដើម។

វិហារគោរពបូជាមហាក្សត្រ ឌិញតៀងហ្វាង និងមហាក្សត្រ ឡេដាយហាញ់ ត្រូវបានកសាងឡើងយកលំនាំតាមរាជធានីបុរាណហ្វាលី ដោយប្រើប្រាស់គ្រឿងទព្វសម្ភារៈភាគច្រើនពីថ្ម។ ពេលឈានជើងចូលដល់ទីលានភ្លាម ភ្ញៀវទេសចរនឹងសង្កេតឃើញក្រឡាបន្ទំ ត្រូវបានឆ្លាក់ពីផែនថ្មបៃតង។ ពេលចូលដល់ប្រាសាទខាងក្រោយ ភ្ញៀវទេសចរនឹងឃើញរូបបដិមាមហាក្សត្រ ឌិញតៀងហ្វាង បានកសាងពីស្ពាន់ដាក់នៅលើផែនថ្មបៃតង។ ចំណែកវិហារមហាក្សត្រ ឡេដាយហាញ់ នៅចម្ងាយពីវិហារមហាក្សត្រ ឌិញតៀងហ្វាង ប្រមាណ ៥០ ម៉ែត្រ ក៏មានលំនាំស្ថាបត្យកម្មដូចគ្នា គឺបានកសាងពីឈើថ្ម ស្ទើរតែទាំងស្រុង។

ធម្មតាចាប់ពីថ្ងៃ ៨ ខែ ៣ ដល់ថ្ងៃ ១០ ខែ ៣ នៃចន្ទគតិវៀតណាមរៀងរាល់ឆ្នាំ ពិធីបុណ្យប្រពៃណីរាជធានីបុរាណហ្វាលី នឹងបានចាត់តាំងឡើងយ៉ាងឱឡារិកនៅប្រជុំរាជធានីបុរាណ ដើម្បីគោរពដល់មហាក្សត្រគ្រប់ព្រះអង្គ និងវីរបុរសជាតិ ដែលបានកសាងនិងអភិវឌ្ឍរាជធានីហ្វាលីពីបុរាណ បង្កើតប្រទេសដាយកោវៀត នៅសតវត្សរ៍ទីX៕

ហាថាញ-វិមាន