គោលនយោបាយ -ការរស់នៅ គោលនយោបាយ

27/04/2021 - 10:29

បំផុសចលនាគាំទ្រកម្មវិធី “ដាំនិងថែទាំដើមឈើមួយពាន់លានដើម” នៅសុកត្រាំង

អគ្គក្រុមហ៊ុនអគ្គិសនីភាគខាងត្បូង សហការជាមួយនឹងគណៈកម្មាធិការប្រជាជននិងអង្គការមហាជនគ្រប់លំដាប់ថ្នាក់ខេត្តសុកត្រាំង ទើបរៀបចំពិធីបំផុសចលនាគាំទ្រកម្មវិធី “ដាំដើមឈើមួយពាន់លានដើម” និងចូលរួម “រត់ជាមួយ VRACE ២០២១ - រួមនឹងតំបន់ភាគខាងលិច ជម្នះភាពរាំងស្ងួត ជ្រាបទឹកប្រៃ” នៅទីរួមខេត្តង៉ាណាំ។

អគ្គក្រុមហ៊ុនអគ្គិសនីភាគខាងត្បូង រួមជាមួយនឹងរដ្ឋអំណាចភូមិភាគដាំដើមឈើនៅទីរួមខេត្តង៉ាណាំ ខេត្តសុកត្រាំង។

តាមប្រសាសន៍ លោកង្វៀងភឿកឌឹក អគ្គនាយកក្រុមហ៊ុនអគ្គិសនីភាគខាងត្បូង (EVNSPC) ជាមួយនឹងទិសដៅកាត់បន្ថយការខូចខាត ដោយសារបម្រែបម្រួលអាកាសធាតុ ឆ្ពោះទៅរកទិសដៅដើម្បីប្រទេសវៀតណាមបៃតង រដ្ឋាភិបាលបានបំផុសចលនាដាំដើមឈើមួយពាន់លានដើម ដំណាក់កាល ២០២១-២០២៥ ។ ដើម្បីចូលរួមគាំទ្រកម្មវិធី អគ្គក្រុមហ៊ុនអគ្គិសនីភាគខាងត្បូង បានរៀបចំដាំដើមឈើចំនួន ១.០០០ ដើមនៅទីរួមខេត្តង៉ាណាំ។ នៅឆ្នាំ ២០២១ EVN ខិតខំដាំដើមឈើឱ្យបាន ១០០.០០០ ដើម ដំណាក់កាល ២០២១-២០២៥ ដាំនិងថែទាំដើមឈើមួយលានដើម។

ស្របឱកាសនេះដែរ អគ្គក្រុមហ៊ុន EVNSPC បានជូនកង់ចំនួន ៥០ គ្រឿង និងអាហារូបករណ៍ ចំនួន ១០០ ចំណែកដល់សិស្សក្រីក្រជម្នះលំបាក រៀនពូកែ សរុបជាទឹកប្រាក់ ២០០ លានដុង៕

យ្វីអាញ-មុនី

ចែករំលែកអត្ថបទ

ពាក្យគន្លឹះ