ព្រឹត្តិការណ៍ - នយោបាយ ព្រឹត្តិការណ៍

12/04/2021 - 08:33

ឧបត្ថម្ភថវិកា ១៥ ពាន់លានដុង សម្រាប់មូលនិធិសុខុមាលភាពសង្គមខេត្តសុកត្រាំង

អតីតប្រធានរដ្ឋ ត្រឿងតឹងសាង រួមនឹងគណៈប្រតិភូតំណាងសមាគមរួមស្រុកកំណើតសុកត្រាំងនៅក្រុងហូជីមិញ និងតំណាងសម្ព័ន្ធ អាជីវកម្មនានា មានដូច៖ Bamboo Capital ធនាគារពាណិជ្ជកម្មភាគហ៊ុនទិនវឿង ធនាគារ HD Bank ក្រុមហ៊ុនអចលនទ្រព្យអាងឡាក់ (ក្រុងហូជីមិញ) ក្រុមហ៊ុនភាគហ៊ុនបរិស្ថានបៃតងវៀតណាម ទើបជូនផ្លាកនិមិត្តរូបនិងសន្យា ឧបត្ថម្ភមូលនិធិសុខុមាលភាពសង្គមខេត្តសុកត្រាំង ជាមួយនឹងទឹកប្រាក់សរុប ១៥ ពាន់លានដុង ដើម្បីកសាងផ្ទះជូនគ្រួសារក្រីក្រក្នុងខេត្ត។

អតីតប្រធានរដ្ឋ ត្រឿងតឹងសាង ធ្វើការជាមួយនឹងខេត្តសុកត្រាំង។

យោងតាមប្រសាសន៍ លោកឡឹមវ៉ាន់មុឹង លេខាគណៈកម្មាធិការបក្សខេត្តសុកត្រាំង រយៈពេល ២ ឆ្នាំមកនេះ ដោយបានការឧបត្ថម្ភរបស់អតីតប្រធានរដ្ឋ ត្រឿងតឹងសាង ខេត្តរៀបចំ កម្មវិធីកសាងផ្ទះជូនគ្រួសារគោលនយោបាយ គ្រួសារអ្នកមានសគុណជាង ៤០០ ខ្នង ជាមួយនឹងទឹកប្រាក់សរុបជាង ១៦ ពាន់លានដុង ជួយសុកត្រាំងអនុវត្តរួចរាល់កម្មវិធីឧបត្ថម្ភផ្ទះជូនគ្រួសារគោលនយោបាយ គ្រួសារអ្នកមានសគុណ។ ក្រៅពីនោះ តាមរយៈអតីតប្រធានរដ្ឋ ត្រឿងតឹងសាង មានអាជីវកម្មនិងវិនិយោគិនជាច្រើនដែលដំណើរការក្នុងវិស័យអាកាសចរណ៍ ថាមពលជ្រះស្អាត អង្គការហិរញ្ញវត្ថុធនាគារ ។ល។ បានអញ្ជើញមកស្វែងយល់ ដើម្បីវិនិយោគ ព្រមទាំងសង្ឃឹមថា ខេត្តនឹងជួយបង្កលក្ខណៈវិនិយោគ ដើម្បីគាំទ្រខេត្តសុកត្រាំង។ ពិសេសគឺគម្រោងថាមពល រួមចំណែកលើកកម្ពស់គុណភាព ជីវភាពប្រជាជន។ ទន្ទឹមនឹងនោះ សហការជាមួយសមាគមរួមស្រុកកំណើតសុកត្រាំងនៅក្រុងហូជីមិញ អនុវត្តកម្មវិធីសុខុមាលភាពសង្គមក្នុងខេត្ត៕

យ្វីអាញ-មុនី

ចែករំលែកអត្ថបទ

ពាក្យគន្លឹះ