ព្រឹត្តិការណ៍ - នយោបាយ ព្រឹត្តិការណ៍

29/03/2021 - 15:51

បង្កលក្ខណៈដើម្បីជនរួមជាតិខ្មែរទទួលអំណរបុណ្យចូលឆ្នាំថ្មីប្រពៃណី ប្រកបដោយភាពរីករាយ សាមគ្គី សុវត្ថិភាពនិងប្រិតសំចៃ

កឹងធើ៖ គណៈអចិន្ត្រៃយ៍នៃគណៈកម្មាធិការបក្សក្រុងកឹងធើ បានផ្ញើសារលិខិតលេខ ១១៧-CV/TU ចង្អុលការក្នុងការរៀបចំបុណ្យចូលឆ្នាំថ្មីប្រពៃណី ឆ្នាំ ២០២១ របស់ជនរួមជាតិខ្មែរនៅលើភូមិសាស្រ្តក្រុង។

ពិធីទទួលទេវតាឆ្នាំថ្មីនៅវត្តពិទូឃោសរង្សី។

បុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ប្រព្រឹត្តឡើងចាប់ពីថ្ងៃទី ១៤ ខែមេសា ឆ្នាំ ២០២១ ដល់ថ្ងៃទី ១៦ ខែមេសា ឆ្នាំ ២០២១ ។ គណៈអចិន្រ្តៃយ៍នៃគណៈកម្មាធិការបក្សក្រុង បានស្នើឱ្យគណៈកម្មាធិបក្សគ្រប់លំដាប់ថ្នាក់ អង្គការបក្ស រដ្ឋអំណាច រណសិរ្សនិងអង្គការនយោបាយ-សង្គមក្រុង ផ្តោតលើការដឹកនាំ ចង្អុលការរៀបចំសកម្មភាពនានា អំណរបុណ្យចូលឆ្នាំប្រពៃណី ឆ្នាំ ២០២១ យ៉ាងមានអត្ថន័យ សប្បាយរីករាយ សាមគ្គី សុវត្ថិភាព ប្រិតសំចៃ អភិរក្សនិងពង្រីកតម្លៃវប្បធម៌ប្រពៃណីរបស់ជនជាតិខ្មែរលើភូមិសាស្រ្តក្រុង ផ្សារភ្ជាប់នឹងការជំរុញការផ្សព្វផ្សាយអនុវត្តល្អនូវគោលការណ៍របស់បក្ស គោលនយោបាយនិងច្បាប់របស់រដ្ឋ។ ជាពិសេសគឺផ្សព្វផ្សាយលទ្ធផលជោគជ័យនៃមហាសន្និបាតបក្សលើកទី XIII ពិសេសគឺបញ្ហាដែលទាក់ទងទៅនឹងជនជាតិនិងសាសនា ...

គណៈអចិន្រ្តៃយ៍នៃគណៈកម្មាធិការបក្សក្រុង បានស្នើសុំឱ្យគណៈកម្មាធិការបក្សនៃគណៈកម្មាធិការប្រជាជនក្រុង ថ្នាក់ដឹកនាំនៃគណៈកម្មាធិការប្រជាជនក្រុង យកចិត្តទុកដាក់និងចង្អុលការអនុវត្តនូវរបបគោលនយោបាយសម្រាប់ជនរួមជាតិខ្មែរ ឱ្យបានពេញលេញនិងទាន់ពេលវេលា ក្នុងឱកាសបុណ្យចូលឆ្នាំថ្មីប្រពៃណី ឆ្នាំ ២០២១ ស្របតាមបទកំណត់។ ផ្តោតការកៀរគរធនធានសង្គម គិតគូរជីវភាពសម្ភារៈ និងស្មារតីសម្រាប់ជនរួមជាតិខ្មែរ ជាពិសេសគ្រួសារគោលនយោបាយគ្រួសារក្រីក្រ គ្រួសារប្រកៀកបន្ទាត់ក្រ និងសិស្សនិស្សិត ដើម្បីទទួលអំណរបុណ្យចូលឆ្នាំថ្មីប្រកបដោយភាពរីករាយនិងកក់ក្តៅបំផុត។ រៀបចំសកម្មភាពទៅសួរសុខទុក្ខ លើកទឹកចិត្ត និងប្រសិទ្ធពរដល់អង្គការព្រះពុទ្ធសាសនាទក្ខិណនិកាយខែ្មរ សមាគមព្រះសង្ឃសាមគ្គីស្នេហាជាតិក្រុង ព្រះតេជព្រះគុណ អាចារ្យ គ្រួសារគោលនយោបាយ គ្រួសារក្រីក្រ ជនរួមជាតិនិងកម្មាភិបាល អ្នករដ្ឋការ បុគ្គលិក យុទ្ធជន កងកម្លាំងប្រដាប់អាវុធ ជាជនជាតិខ្មែរ គំរូនៅភូមិភាគ អង្គភាពនានានៅលើភូមិសាស្រ្តក្រុង ធានាឱ្យមានអត្ថន័យ និងជាក់ស្តែងជាទីបំផុត ដើម្បីរួមចំណែកអនុវត្តល្អនូវគោលការណ៍ គោលនយោបាយរបស់បក្ស និងច្បាប់របស់រដ្ឋចំពោះជនរួមជាតិខ្មែរ គណៈកម្មាធិការប្រជាជនក្រុងចង្អុលការជាក់ស្តែងចំពោះសកម្មភាពអំណរ ប្រមូលផ្តុំគ្នាកុះករ អនុវត្តយ៉ាងតឹងរឹងនូវវិធានការបង្ការតាមការផ្តល់អនុសាន៍របស់ស្ថាប័នជំនាញ ធានាសុវត្ថិភាពនិងសុខភាពជូនប្រជាជន មិនឱ្យកើតមានករណីឆ្លងរោគរាលដាល COVID-១៩ ក្នុងសហគមន៍ ...៕

ថាញធី - វ៉ាន់តឹន

ចែករំលែកអត្ថបទ

ពាក្យគន្លឹះ